Tuesday, December 7, 2021
Homeઅમેરિકામાં હિન્દુ સાંસદ તુલસી રાષ્ટ્રપતિ ચૂંટણીમાં ઉમેદવાર બનવાની શક્યતા, આવતા સપ્તાહે કરશે...
Array

અમેરિકામાં હિન્દુ સાંસદ તુલસી રાષ્ટ્રપતિ ચૂંટણીમાં ઉમેદવાર બનવાની શક્યતા, આવતા સપ્તાહે કરશે જાહેરાત

વોશિંગ્ટન: અમેરિકામાં પહેલી હિન્દુ સાંસદ તુલસી ગબાર્ડ 2020માં થનારી રાષ્ટ્રપતિ ચૂંટણીમાં ડેમોક્રેટિક પાર્ટી તરફથી ઉમેદવાર બનવા માંગે છે. આ વિશેની ઓફિશિયલ જાહેરાત તેઓ આગામી સપ્તાહમાં કરે તેવી શક્યતા છે. જોકે ઉમેદવાર બનવા માટે તુલસીએ પ્રાયમરી ચૂંટણીમાં જીત મેળવવી પડશે. તુલસી 2013થી અમેરિકાના હવાઈ રાજ્યમાંથી હાઉસ ઓફ રિપ્રેઝન્ટેટિવમાં ડેમોક્રેટ સાંસદ છે.

સૌથી મોટો મુદ્દો યુદ્ધ અને શાંતિનો

ગબાર્ડે એક ન્યૂઝ ચેનલે આપેલા ઈન્ટરવ્યૂમાં કહ્યું છે કે, મેં રાષ્ટ્રપતિ ચૂંટણી લડવાનો નિર્ણય કર્યો છે અને આ વિશે આગામી સપ્તાહમાં જાહેરાત કરીશ.

વધુમાં તેમણે કહ્યું કે, અમેરિકન લોકો સામે ઘણાં પડકારો છે. જેના વિશે મને ચિંતા છે અને હું તે મુશ્કેલીઓનો ઉકેલ લાવવા માંગુ છું. અહીં એક મોટો મુદ્દો યુદ્ધ અને શાંતિનો છે.

ગબાર્ડ કોઈ મોટા રાજકીય પક્ષ તરફથી અને વ્હાઈટ હાઉસ માટે ઉભી થનારી પહેલી હિન્દુ ઉમેદવાર બની શકે છે. જો તે રાષ્ટ્રપતિની ચૂંટણી જીતી જશે તો તે અમેરિકાની પહેલી મહિલા અને સૌથી યુવા રાષ્ટ્રપતિનું પદ મેળવી શકે છે.

કેથલિક પરિવારમાં થયો હતો જન્મ

ગબાર્ડનો જન્મ અમેરિકાના સમોઆમાં એક કેથલિક પરિવારમાં થયો હતો. તેની માતા કોકેશિયન હિન્દુ છે. તેના કારણે તુલસી ગબાર્ડ શરૂઆતથી જ હિન્દુ ધર્મની અનુયાયી રહી છે. સાંસદ બન્યા પછી તુલસી પહેલી એવી સાંસદ હતી જેણે ભગવત ગીતાના નામ પર શપથ લીધા હતા.

તુલસી હાઉસની તાકાતવાર આર્મ્ડ સર્વિસ કિમટી અને વિદેશી મામલે કમિટી સભ્ય છે. ચાર વાર સાંસદ રહેલી તુલસી ભારત અમેરિકાના સંબંધોની ખૂબ મોટી સમર્થક છે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments