કાલથી થશે આ મોટા બદલાવ, સીધી અસર પડશે તમારા ખિસ્સા પર

0
45

1 માર્ચથી ઘણા બદલાવ થવા જઇ રહ્યા છે જેની અસર સામાન્ય માણસના રોજિંદા જીવન સાથે છે. નિયમોમાં જે વસ્તુઓ બદલાઈ રહી છે તે સીધી તમારી સાથે સંબંધિત છે, આવી પરિસ્થિતિમાં આ સમાચાર તમારા માટે ખૂબ જ મહત્વપૂર્ણ છે. આવકવેરા વિભાગ 1 માર્ચથી ઈ-રિફંડ્સ ઇશ્યૂ કરશે. PNB અને અલ્હાબાદ બેંકની લોન સસ્તી રહેશે. ચાલો જાણીએ કે 1 માર્ચથી અન્ય ક્યાં ક્યાં ફેરફાર આવશે.

ઇ-રિફંડ્સ જારી કરશે આવક વેરા ડિપાર્ટમેન્ટ- 

આવકવેરા વિભાગ માત્ર ઇ-રીફંડ જ જાહેર કરશે અને તે પણ એ બેંક ખાતાઓમાં જાહેર કરવામાં આવશે જે પાન કાર્ડ જોડાયેલ હોય. 1 માર્ચ 2019થી આઇટી વિભાગ ઇ-મોડ દ્વારા રિફંડ્સ આપશે. કરદાતાઓએ કર રિફંડ મેળવવા માટે તેમના બેંક એકાઉન્ટ સાથે પાન જોડવુ પડશે. જો તમારું પાન તમારા બેંક એકાઉન્ટ સાથે જોડાયેલું નથી તો તમારે આવકવેરા રિફંડ મેળવવા માટે તમારી બેંક શાખાને મહત્વપૂર્ણ વિગતો આપવી પડશે.

PNBની હોમ-ઓટો લોન સસ્તો-

PNBએ વ્યાજના દરમાં 0.10%નો ઘટાડો કરવાનો નિર્ણય લીધો છે. આ કપાત વિવિધ સમય ગાળાની લોન માટે કરવામાં આવી છે. આ ઘટાડો 1 માર્ચ, 2019થી અસરકારક રહેશે. વ્યાજ દર પણ 8.55 % હતો જે ઘટાડીને 8.45 % કરાયો હતો. ત્રણ વર્ષની મુદતની લોન માટે વ્યાજના દરને ઘટાડીને 8.65 % કરવામાં આવશે.

ચૂંટણી બોન્ડ ખરીદી શકશો- 

માર્ચમાં ઇલેક્ટોરલ બોન્ડ એટલે કે ચૂંટણી બોન્ડ વેચાણ શરૂ કરાશે. ચૂંટણી બોન્ડનું વેચાણ એસબીઆઈની શાખામાં થશે. SBI જે 29 શાખાઓ સમાવેશ થાય છે એ બોન્ડને ફાળવણી માટે અધિકૃત કરવામાં આવ્યા છે, નવી દિલ્હી, ગાંધીનગર, પટણા, ચંદીગઢ, બેંગલોર, ભોપાલ, મુંબઇ, જયપુર, લખનૌ, ચેન્નાઇ, કોલકાતા અને ગુવાહાટી શાખાઓ સમાવેશ થાય છે.

અલ્હાબાદ બેંક લોન સસ્તી- 

અલ્હાબાદ બેંક પણ પીસીએ ફ્રેમ વર્કથી બહાર આવ્યા પછી એક દિવસ બાદ MCLR દરમાં 0.10 % ઘટાડાની જાહેરાત કરી હતી. આ કપાત 1 માર્ચથી અમલમાં આવશે. આમાં હોમલોન કાર અને અન્ય છૂટક લોન્સને સસ્તી થશે. એક મહિનો, ત્રણ મહિના, એક વર્ષ, બે વર્ષ, ત્રણ વર્ષ માટે MCLR માં 0.10 % ની કટૌતી કરવામાં આવી છે. નવા દર ક્રમશ: 8.15, 8.25, 8.45, 8.50, 8.65 અને 8.95 % હશે.

LIC થઇ રહી છે ડિજિટલ – 

LIC ડિજિટલ આગામી મહિને 1 માર્ચ 2019થી સ્વયંસંચાલિત SMS દ્વારા પૉલિસીધારકને પ્રીમિયમ સાથે જોડાયેલા માહિતી પ્રદાન કરશે. જો પ્રીમિયમ બાકી હોય તો સ્મૃતિપત્ર SMS  દ્વારા પ્રાપ્ત થશે. જો તમને આ SMS પ્રાપ્ત થયો હોય તો સમજો કે તમારો નંબર એલઆઈસીમાં નોંધાયેલ છે. જો તમને એક જ સમયે SMS પ્રાપ્ત ન થાય, તો પછી સમજવુ કે તમારો નંબર નોંધાયેલ નથી અથવા અપડેટ થયો નથી. તેથી શક્ય તેટલી જલ્દી તમારા મોબાઇલ નંબરની નોંધણી કરો.

UGC NET જૂન 2019 નોંધણી પ્રક્રિયા 1 માર્ચથી શરુ- 

રાષ્ટ્રીય પરીક્ષણ એજન્સી (NTA) જુનમાં યુજીસી નેટ (UGC NET)નું આયોજન કરશે અને સહાયક પ્રોફેસર અથવા જેઆરએફ પરીક્ષા માટે ઓનલાઇન નોંધણી માટે 1 માર્ચથી શરુ થશે. પરીક્ષા 20, 21, 24, 25, 26 અને 28 જૂન 2019 ના રોજ યોજાશે. બે પેપર હશે અને બન્ને પેપર ત્રણ કલાકના સમયગાળામાં રાખવામાં આવશે.

LEAVE A REPLY

Please enter your comment!
Please enter your name here