ગરમીમાં ઘરે જ બનાવો ટેસ્ટી સ્ટ્રોબેરી લસ્સી

રેસિપી ડેસ્કઃ લસ્સી એક એવું પીણું છે જે લગભગ દરેકને ખૂબ ભાવે. એમાં પણ ખાસ કરીને ગરમીમાં લસ્સી પીવાની મજા આવી જાય. જો તમને પણ લસ્સી ભાવતી હોય તો એકવાર આ વાનગી પર હાથ અજમાવી લો. ઘરે જ બનાવી શકાય એવી સ્ટ્રોબેરી લસ્સીની રેસિપી ફટાફટ નોંધી લો.

સ્ટ્રોબેરી લસ્સી

સામગ્રી:
– બે કપ દહીં
– એક કપ સમારેલી સ્ટ્રોબેરી
– અડધો કપ ખાંડ
– અડધી ટીસ્પૂન વાટેલી ઈલાયચી
– અડધો કપ ક્રશ્ડ બરફ
– બે ટેબલસ્પૂન મલાઈ
– બે ટેબલસ્પૂન ટૂટી ફ્રૂટી

રીત:
– મલાઈ અને ટૂટી ફ્રૂટી સિવાયની બધી જ સામગ્રી મિક્સ કરી મિક્સરમાં બ્લેન્ડ કરી લો.
– સ્ટ્રોબેરી લસ્સી તૈયાર છે. આ લસ્સીને ગ્લાસમાં ભરો. ઉપરથી થોડી મલાઈ અને ટૂટી ફ્રૂટી નાખો. ચમચી સાથે ઠંડી-ઠંડી લસ્સી સર્વ કરો.