Thursday, October 21, 2021
Homeગાંધીનગર બાનમાં લીધું, વિધાનસભાના ગેટ પર રૂપાણી હાય હાયના નારા લાગ્યા, 2...
Array

ગાંધીનગર બાનમાં લીધું, વિધાનસભાના ગેટ પર રૂપાણી હાય હાયના નારા લાગ્યા, 2 હજારની અટકાયત

અમદાવાદ: રાજ્યના 2.15 લાખથી વધુ સરકારી શાળાના શિક્ષકો સામુહિક રજા પર છે અને પડતર માંગોને લઈ રૂપાણી સરકાર સામે આંદોલનના માર્ગે છે. રાજ્યભરમાંથી આવેલા શિક્ષકોએ ગાંધીનગર બાનમાં લીધું છે. આ સાથે વિધાનસભા ગેટ-7 પર રૂપાણી હાય-હાયના નારા લાગ્યા છે. હાલમાં પોલીસ એસ.પી. અને આઈ.જી સહિતનો હજારોનો પોલીસ કાફલો સુરક્ષામાં ગોઠવાયો છે. અંદાજે 2 હજારથી વધુ શિક્ષકોની અટકાયત કરાયી છે.

જિલ્લા પ્રાથમિક શિક્ષણ સંધ દ્વારા શિક્ષકોના પડતર પ્રશ્નો મુદ્દે રાજ્યના સવા બે લાખ શિક્ષકો આજથી હડતાળ પર ઉતર્યા છે. તેમજ  શિક્ષકો આજે એક દિવસની રજા રાખી છે. આ હડતાળમાં અમદાવાદ જિલ્લાના 7 હજાર શિક્ષકો જોડાયા. પડતર માગણીઓને લઈને આજે રાજ્યભરના શિક્ષકો વિધાનસભાનો ઘેરાવો કરશે. શિક્ષકોની માગ છે કે, 1997થી ફિક્સ પગારના શિક્ષકોની નોકરીને સળંગ ગણવામાં આવે, અલગ ગ્રેડ પે, નવી ભરતી થયેલા શિક્ષકોને જૂની પેન્શન યોજનાનો લાભ મળે, સાતમા પગાર પંચની ભલામણોનો અમલ વગેરે માંગો મૂકવામાં આવી છે.

પ્રમુખ સહિતના અન્ય હોદ્દેદારોની અટકાયત
જોકે મોડી રાત્રે રાજ્ય સરકારના ઈશારે પ્રાથમિક શિક્ષક સંઘના પ્રમુખ દિગ્વિજયસિંહ જાડેજા સહિતના અન્ય હોદ્દેદારોની અટકાયત કરીને આંદોલનને તોડી પાડવાનો પ્રયાસ કરવામાં આવ્યો હતો.
ગાંધીનગરના તમામ માર્ગો પર વાહનચેકિંગ
માસ સીએલ પર ઉતરેલાં 2.15 લાખ શિક્ષકોમાંથી 10 હજારથી વધુ શિક્ષકો આજે પોતાની પડતર માંગોને લઈ વિધાનસભાનો ઘેરાવો કરવાના છે. જેના પગલે ગાંધીનગરના પ્રવેશવાના માર્ગ પર ચુસ્ત બંદોબસ્ત ગોઠવી દેવામાં આવ્યો છે. શિક્ષકોને ગાંધીનગર ન જાય તે માટે તેઓની અટકાયતની સૂચનાના પગલે વહેલી સવારથી અલગ અલગ જગ્યાએ ચેકીંગ ચાલી રહ્યું છે. ગાંધીનગરમાં પ્રવેશવાના તમામ ચેક પોઇન્ટ પર વાહનોનું ચેકીંગ કરવામાં આવી રહ્યું છે.આખા રાજ્યના હોદ્દેદારો  સહિત શિક્ષકોની અટકાયત કરવામાં આવી રહી છે. વૈષ્ણવદેવી સર્કલ પાસેથી ડિટેઈન કરવામાં આવી રહ્યા છે
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments