- મનપાની ચોથી ચૂંટણીએ 21 જુલાઇએ મતદાન, 23 જુલાઇનાં ગણતરી થશે
- 60 બેઠક પૈકી 37 બેઠક અનામત 23 બેઠક સામાન્ય
- સવારનાં 8 થી સાંજનાં 5 વાગ્યા સુધી મતદાન, ઇવીએમનો ઉપયોગ થશે
જૂનાગઢ:મનપાનું અસ્તિત્વ વર્ષ 2002માં આવ્યું હતું. પ્રથમ બે વર્ષ વહિવટી શાસન રહ્યું હતું. બાદ જૂનાગઢ મનપાની પ્રથમ સામાન્ય ચૂંટણી 2004માં યોજાઇ હતી. જૂનાગઢ મનપાની હવે ચોથી ચૂંટણી યોજાશે. મનપાની સામાન્ય ચૂંટણીનું સોમવારે જાહેરનામું પ્રસિધ્ધ થયું છે. મનપાની ચૂંટણીને લઇ તા. 21 જૂલાઇનાં મતદાન થશે. સવારનાં 8 વાગ્યાથી સાંજનાં 5 વાગ્યા સુધીનો સમય રહેશે.
6 જુલાઇ ફોર્મ ભરવાની છેલ્લી તારીખ
જૂનાગઢમાં કુલ 2,38,024 મતદારો મતદાન કરશે. તેમજ 6 જૂલાઇ સુધી ઉમેદવારો પોતાનાં ઉમેદવારી ફોર્મ રજુ કરી શકશે. જૂનાગઢ મહાનગરપાલિકાની ચૂંટણીમાં ઇવીએમનો ઉપયોગ થશે. જૂનાગઢ મહાનગરપાલિકાની ચૂંટણી જાહેર થતાની સાથે શહેરમાં આચારસંહિતા લાગુ પડી ગઇ છે. શહેરમાં હવે નવા વિકાસનાં કામો થશે નહીં. જૂનાગઢ મહાનગરપાલિકાની ગત સામાન્ય ચૂંટણીમાં એક મતદારે 3 મત આપ્યા હતાં. જ્યારે 21 જૂલાઇનાં યોજાનારી ચૂંટણીમાં એક મતદારે 4 મત આપવાનાં રહેશે. મહાનગરપાલિકાની ચૂંટણીમાં મતદારે મતદાનનાં સમયે ચૂંટણી પંચે આપેલું ઓળખપત્ર રજુ કરવાનું રહેશે.
ચૂંટણીની વિગતો
- ચૂંટણીની જાહેરાતની તારીખ- 24 જુન
- જાહેરનામા પ્રસિધ્ધ કરવાની તારીખ- 1 જૂલાઇ
- નોટિસ પ્રસિધ્ધ કરવાની તારીખ- 1 જૂલાઇ
- ઉમેદવારી પત્ર રજુ કરવાની છેલ્લી તારીખ-6 જૂલાઇ
- ઉમેદવારી પત્ર ચકાસણીની તારીખ-8 જૂલાઇ
- ઉમેદવારી પત્ર પરત ખેંચવાની તારીખ- 9 જૂલાઇ
- મતદાનની તારીખ-21 જૂલાઇ
- પુન: મતદાનની તારીખ(જરૂરી જણાયતો)-22 જૂલાઇ
- મતગણતરીની તારીખ-23 જૂલાઇ
ભાજપે બે અને કોંગ્રેસ એક વખત શાસન ભોગવ્યું
- 2004થી 2009 સુધી ભાજપ
- 2009થી 2014 સુધી કોંગ્રેસ
- 2014થી 2019 સુધી ભાજપ
હાલની સ્થિતી
- 16 કોંગ્રેસનાં કોર્પોરેટર
- 44 ભાજપનાં કોર્પોરેટર
ભાજપનાં ઉમેદવારોએ સામેથી ના પાડી
મનપાની ચૂંટણી પહેલા ભાજપનાં કોર્પોરેટર વિજય ઓડેદરા, કલ્પેશ પટેલ, કવિતાબેન મહેતા સહિતનાં અનેક ભાજપનાં કોર્પોરેટરોએ ચૂંટણી લડવાની ના પાડી દીધી છે.
મનપાની ચૂંટણીમાં નોટા રહેશે
લોકસભા, વિધાનસભાની ચૂંટણીમાં નોટાનો ઉપયોગ કરવામાં આવી રહ્યો છે. મનપાની ચૂંટણીમાં પણ નોટાનો અમલ કરવામાં આવશે. મતદારને કોઇપણ ઉમેદવાર પસંદ ન આવે તો નોટામાં મત આપી શકશે.
વોર્ડ ઘટ્યા, ઉમેદવાર યથાવત
વર્ષ 2014ની સામાન્ય ચૂંટણીમાં જૂનાગઢમાં કુલ 20 વોર્ડ હતાં. 2019માં યોજાનારી ચૂંટણીમાં 15 વોર્ડ રહેશે. પરંતુ સભ્યોની સંખ્યામાં કોઇ ફેરફાર થયો નથી. કોર્પોરેશનની ચૂંટણીમાં 60 સભ્યો રહેશે.