Sunday, September 19, 2021
Homeનરેન્દ્ર મોદી અને અમિત શાહનાં ‘નશા’થી આ દેશને અમે મુક્ત કરીશું, શરાબનો...
Array

નરેન્દ્ર મોદી અને અમિત શાહનાં ‘નશા’થી આ દેશને અમે મુક્ત કરીશું, શરાબનો જવાબ નશાથી આપ્યો

વડા પ્રધાન નરેન્દ્ર મોદીએ પશ્ચિમ ઉત્તર પ્રદેશના મેરઠમાં સભાને સંબોધતી વેળાએ વિપક્ષોના ગઠબંધનને શરાબ કહ્યું હતું, જેને પગલે વિપક્ષે પણ મોદીના જ અંદાજમાં વળતો જવાબ આપ્યો હતો અને જણાવ્યું હતું કે નરેન્દ્ર મોદી અને અમિત શાહ નશો છે. એટલે કે મોદીના શરાબ શબ્દની સામે તેની જ સાથે સંકળાયેલા નશા શબ્દનો ઉપયોગ કરીને વિપક્ષે પણ મોદીને ઘેર્યા હતા.

ઉત્તર પ્રદેશમાં સપા, બસપા અને આરએલડીનું ગઠબંધન કરવામાં આવ્યું છે. જે મુદ્દે ટોણો મારતા મોદીએ મેરઠમાં એક સભામાં સમાજવાદી પાર્ટીનો સ, રાષ્ટ્રીય લોકદળ પાર્ટીનો રા અને બસપાના બને જોડીને ‘સરાબ’ શબ્દ બનાવ્યો હતો, જેની સામે આ ત્રણેય પક્ષોએ નરેન્દ્ર મોદીના ન અને અમિત શાહના શા શબ્દને જોડીને ‘નશા’ શબ્દ બનાવ્યો હતો. આમ સામસામે શાબ્દિક વાકબાળ ચાલ્યા હતા.

આ પહેલા નરેન્દ્ર મોદીએ જણાવ્યું હતું કે સપા, આરએલડી અને બસપાનું સરામ ઉત્તર પ્રદેશને બરબાદ કરી દેશે. મોદી સરાબને શરાબ દર્શાવવાનો પ્રયાસ કરી રહ્યા હતા સાથે દાવો કર્યો હતો કે આ ગઠબંધનથી રાજ્યને મોટુ નુકસાન થશે. તો સામેપક્ષે ગઠબંધન કરેલા પક્ષોેએ જણાવ્યું હતું કે દેશને નરેન્દ્ર મોદી અને અમિત શાહ (નશા)થી મુક્ત કરવાનો સમય આવી ગયો છે.

અખિલેશ યાદવે પલટવાર કરતા જણાવ્યું હતું કે સરાબ અને શરાબ વચ્ચેનું અંતર એ લોકો નથી જાણતા કે જેઓ નફરતના નશાને પ્રોત્સાહન આપી રહ્યા છે. સરાબને મૃગતૃષ્ણા પણ કહેવામાં આવે છે અને આ એક એવુ સપનું છે કે જે ભાજપ પાંચ વર્ષથી જોઇ રહી છે. અખિલેશે આ પ્રહારને વધુ એક ડગલુ આગળ લઇ જઇને જણાવ્યું કે હિંદુસ્તાનને નરેન્દ્ર મોદી અને અમિત શાહ(નશા)થી મુક્ત કરવાનું છે.

નરેન્દ્ર મોદીએ પોતાના ભાષણમાં એન્ટી સેટેલાઇટ મિસાઇલ પરિક્ષણના વખાણ કર્યા હતા અને જણાવ્યું હતું કે સરકારે જમીન, હવા અને અંતરીક્ષમાં સર્જિકલ સ્ટ્રાઇક માટે હિમ્મત દેખાડી છે. આ પહેલા કોંગ્રેસના નેતા રણદીપ સુરજેવાલે પણ મોદીના સરાબ શબ્દ મુદ્દે વળતો પ્રહાર કરતા જણાવ્યું હતું કે નરેન્દ્ર મોદી સતત લોકશાહીની મર્યાદાનું હનન કરી રહ્યા છે અને વિપક્ષ માટે ગાળોનો ઉપયોગ કરી રહ્યા છે. વિપક્ષને સરાબ બતાવવું લોકતાંત્રીક મૂલ્યો સાથે ખિલવાડ છે.

સત્તા અને અહંકારનો નશો શરાબના નશા કરતા પણ વધુ ખતરનાક હોય છે. વડા પ્રધાન મોદીએ પોતાના પ્રચારની શરૂઆત મેરઠથી કરી દીધી છે. જે દરમિયાન તેમણે ઉત્તર પ્રદેશના સપા-બસપાના ગઠબંધન અંગે ટોણો માર્યો હતો. સાથે રાહુલ ગાંધીની ૭૨ હજાર રૂપિયા જમા કરવાની યોજના અંગે આક્ષેપ લગાવતા કહ્યુું હતું કે જે લોકો જનતાને ખાતા ન ખોલાવી શક્યા તેઓ પૈસા જમા કરવાની વાતો કરે છે.

કોગ્રેસ મોદી વિરોધી રાગથી બુદ્ધીહિન થઇ ગઇ છે : મોદી

કોંગ્રેસ પર પ્રહારો કરતા નરેન્દ્ર મોદીએ જણાવ્યું હતું કે કોંગ્રેસ મોદી વિરોધી રાગથી બુદ્ધીહિન થઇ ગઇ છે. જેને કારણે હવે તે દેશના હિતમાં કઇ જ નથી વિચારી શકતી. જમ્મુ કાશ્મીરના અખનૂરમાં એક રેલીને સંબોધતી વેળાએ નરેન્દ્ર મોદીએ જણાવ્યું હતું કે દુશ્મન દેશોને ભારતે પાઠ ભણાવ્યો તે બાદ કોંગ્રેસ જે પ્રકારની પ્રતિક્રિયા આપી રહી હતી તેનાથી મને બહુ જ આશ્ચર્ય થયું છે.

કોંગ્રેસ મોદી વિરોધી માનસિક્તા અને વિચારધારાને કારણે બુદ્ધીહિન થઇ ગઇ છે. મોદીએ અહીં ભાજપના ઉમેદવાર જુગલ કિશોર માટે પ્રચાર કર્યો હતો. સાથે આરોપ લગાવ્યો હતો કે કોંગ્રેસ નેશનલ કોન્ફરન્સના બારામુલ્લાના ઉમેદવાર અકબર લોનના નિવેદન મુદ્દે મૌન કેમ છે? અકબર લોને કહ્યું હતું કે પાકિસ્તાનને એક ગાળ આપનારાને હું દસ ગાળ આપીશ. સાથે મોદીએ લોકોને અપીલ કરી હતી કે જેઓ એનસી અને પીડીપી પર નજર રાખે. કેમ કે બન્ને દેશ વિરોધી પ્રવૃત્તિ કરી રહ્યા છે તેવા આરોપો પણ મોદીએ લગાવ્યા હતા.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments