Monday, September 26, 2022
Homeરાજકોટ : નોકરાણી ચોરનો બનાવ, ફૂટેજના આધારે ફરિયાદ નોંધી નોકરાણીની પોલીસે...
Array

રાજકોટ : નોકરાણી ચોરનો બનાવ, ફૂટેજના આધારે ફરિયાદ નોંધી નોકરાણીની પોલીસે ધરપકડ કરી

- Advertisement -

રાજકોટ: શહેરમાં થોડા દિવસ પહેલા બનેલા ચોરીના બનાવમાં ખુદ કોમ્પ્લેક્સનાં જ ચોકીદારો જ ચોર હોવાનું ખુલ્યા બાદ વધુ એક ચોરીના બનાવમાં વેપારીના ઘરમાં જ કામ કરતી નોકરાણીએ માલિકોની ગેરહાજરીમાં પોણા લાખની રોકડ ચોરી કરી હોવાનો કિસ્સો પ્રકાશમાં આવ્યો છે. બનાવ અંગે પર્ણકુટી સોસાયટી પાસે આવેલી શ્રી કોલોનીમાં રહેતા મીતાબેન રજનીકાંત પટેલે પ્રિયદર્શન-4માં રહેતી અને તેમના જ ઘરે ઘરકામ કરતી મનીષા અતુલભાઇ લાઠિયા સામે ફરિયાદ નોંધાવી છે. ફરિયાદને પગલે પોલીસે મહિલાની રોકડ સાથે ધરપકડ કરી છે.

પતિ રજનીકાંત રૈયા ટેલિફોન એક્સચેન્જ પાસે કારનો શો–રૂમ ધરાવતા હોય મીતાબેન પતિની મદદમાં શો–રૂમ જતા હોય છેલ્લાં છ વર્ષથી ઘરકામ માટે નોકરીએ રાખેલી મનીષા લાઠિયા જ ઘરે હોય છે. દરમિયાન ગત 10 તારીખે ઘર ના કબાટની ચાવી ખોવાઇ ગયા બાદ બીજા દિવસે કબાટની ચાવી મનીષાને ઘરમાંથી મળતા પરત આપી હતી. ત્યાર બાદ કબાટના ખાનામાં રાખેલા રોકડ રૂપિયા લેવા જતા અંદર ઓછા રૂપિયા મળ્યાં હતા. આવું ત્રણ-ચાર વખત થતાં કુલ રૂ.75,500ની રોકડ ઓછી થઇ હતી. પરિવારના સભ્યોએ પણ રૂપિયા લીધા ન હોવાની વાત કરી હતી. તો આ રૂપિયા કોણ કાઢી લે છે તે પ્રશ્ન મીતાબેનને મૂંઝવતો હતો. સમયાંતરે કબાટમાંથી ઓછી થતી રકમ કોણ ચોરી જાય છે. તે જાણવા કબાટના ખાના પાસે કેમેરો ફિટ કરી દીધો હતો.

ત્યાર બાદ ગત તા.3ના રોજ કબાટમાં ફિટ કરેલા કેમેરાનું રેકોર્ડિંગ ચેક કર્યું હતું. કેમેરાનું રેકોર્ડિંગ ચેક કરતી વખતે મીતાબેન ચોંકી ગયા હતા. કારણ કે, તે ફૂટેજમાં મનીષા જ ચાવીથી કબાટ ખોલતી અને રોકડ ભરેલું ખાનું ખોલતી જોવા મળી હતી. એટલું જ નહીં મનીષાને કેમેરો રાખ્યો હોવાની ખબર પડતા તે રોકડ પરત મૂકી કબાટ બંધ કરતી પણ જોવા મળી હતી. સમયાંતરે ઓછી થતી રોકડ રકમ ઘરકામ કરતી મનીષા જ ચોરતી હોવાની જાણ થયા બાદ પોલીસમાં ફરિયાદ નોંધાવી હતી.પોલીસે મનીષા લાઠિયાને ઝડપી લીધા બાદ તેની પાસેથી 75,500ની રોકડ રકમ કબજે કરી ધરપકડ કરી છે. મનીષાની પૂછપરછમાં તેના ઘરમાં આર્થિક ખેંચ વધારે હોવાને કારણે તેણીએ તરકટ રચી કબાટના ખાનાની ચાવી ચોરી લીધી હતી. ચોરી કરેલી ચાવી લઈ તે બીગબજાર નજીક તાળા ચાવી બનાવતા શખ્સ પાસે ગઈ હતી જ્યાં તેણીએ રૂપિયા 150 ખર્ચે ડુપ્લીકેટ ચાવી બનાવી હતી.

ડુપ્લીકેટ ચાવી બની ગયા ગયા બાદ અસલી ચાવી તેને બાસ્કેટમાંથી મળી હોવાનું ખોટી વાત કરી ચાવી પરત મીતાબેન ને આપી હતી. અને ડુપ્લીકેટ ચાવીથી કબાટના ખાનામાં પડેલી રોકડ રકમ કટકે કટકે ચોરી કર્યાની કેફિયત આપી છે. મનીષાના સંતાનોનો અભ્યાસ ખર્ચ પણ આ જ પરિવાર ઉઠાવતો હોવા છતાં મનીષાએ વિશ્વાસઘાત કરી જ્યાં કામ કરતી હતી ત્યાં માલિકના પૈસા ચોરી લીધા હતા.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular