વડોદરા: શહેરના વારસા સમા ઐતિહાસિક ન્યાયમંદિરને પોલીસ વિભાગનું થાણું બનાવવાની હિલચાલ સામે જોરદાર રોષ ફાટી નીકળ્યો છે. ખાસ કરીને ન્યાયમંદિરની આસપાસના વિસ્તારના સ્થાનિક લોકો, હજારો વેપારીઓ અને વડોદરાના વારસાનો પ્રચાર કરતાં શહેરીજનો અને પ્રબુદ્ધ લોકોએ ન્યાયમંદિરને થાણું બનાવવાની હરકતને ઓળખ અભડાવવાનો કારસો ગણાવ્યો છે. બીજી તરફ શહેર પોલીસ કમિશનર અને જીલ્લા કલેક્ટરે આવો કોઈ ઓર્ડર ન થયો હોવાનું જણાવ્યું છે. પોલીસ કમિશનરે જોકે આવી પ્રપોઝલ વિચારણા હેઠળ હોવાનું કબુલ્યું છે. આ નિર્ણય સામે લોકોએ જિલ્લા કલેક્ટર, પોલીસ વિભાગને રજૂઆત કરવાની, આવેદનપત્રો આપવાની અને સામૂહિક લડત માંડવાની અને છેવટના ભાગરૂપે પીઆઇએલ કરવાની પણ તૈયારીઓ શરૂ કરી દીધી છે.
ન્યાય મંદિર ખાલી થયું ત્યારે ત્યાં મ્યુઝિયમ કે સંસ્કાર કેન્દ્ર બનાવવાની વાત હતી
ન્યાયમંદિરને સિટી મ્યુઝિયમ તરીકે વિકસાવવાની ગુલબાંગો હાંક્યા બાદ સત્તાધીશોએ યુ ટર્ન લઈને પોલીસ થાણું બાંધવાની હરકતને ઐતિહાસિક ઓળખ જ ભૂંસી નાંખવાનો કારસો ગણાવ્યો છે. લોકોએ આ નિર્ણયની જાહેરાત બાદ તંત્ર દ્વારા છેતરાયા હોવાનો અહેસાસ થતો હોવાનું જણાવ્યું હતું. લોકોએ રોષ સાથે જણાવ્યું હતું કે, અહીં પોલીસનું થાણું સ્થપાય તો ટ્રાફિકની સમસ્યા ફરી વકરશે. અસામાજિક તત્ત્વોની અવરજવર પણ વધશે, દુનિયાભરનાં દૂષણો વકરશે તેવી ધાસ્તી પણ લોકોએ વ્યક્ત કરી છે. પોલીસ વિભાગનાં જ સેંકડો વાહનોની અવરજવર રહેશે. કોઇ વિરોધ પણ નહીં કરી શકે. વળી, ન્યાયમંદિરને સિટી મ્યુઝિયમ તરીકે વિકસાવવાની લોક લાગણીને કચડીને જો તંત્ર દ્વારા પોલીસ વિભાગને આપવાના આપખુદ અને લોકોની લાગણીઓ માટે અન્યાયી એવા નિર્ણયમાં કોઇ ફેરફાર નહીં કરાય તો આગામી દિવસોમાં જન આંદોલનની ચીમકી પણ આપી છે. ઉલ્લેખનિય છે કે ન્યાય મંદિર ખાલી થયું ત્યારે ત્યાં મ્યુઝિયમ કે સંસ્કાર કેન્દ્ર બનાવવાની વાત હતી.
ન્યાયમંદિરને બચાવવું હોય તો કોર્ટમાં PIL કરવી પડશે
આવી ઇમારતોમાં થાણાં બનાવાય?
આખો વિસ્તાર હેરિટેજ જાહેર કરો
શહેરની ઓળખ ભૂંસાઇ જશે
બુધવારે લોકો અહીં ભેગા થાય
મ્યુઝિયમ બનાવવા ન્યાયમંદિરનો કબજો કોર્પોરેશનને કેમ ન મળ્યો?
- શરૂઆત – જૂન, 2015 : શહેરી ગૃહ નિર્માણ વિભાગના સેક્શન અધિકારીએ માર્ગ અને મકાન વિભાગના સચિવને પત્ર પાઠવીને સેવાસદનને ન્યાયમંદિરની ઇમારતનો કબજો આપવા અંગે પત્ર પાઠવ્યો.
- કોર્પોરેશનની પહેલ – જુલાઇ, 2015 : ઉપરોક્ત પત્રના અનુસંધાનમાં કોર્પોરેશને ઇમારતના કબજા માટે માર્ગ અને મકાન વિભાગને પત્ર પાઠવીને કબજા માટેની જાણ કરી.
- પહેલો વાંધો – જાન્યુઆરી, 2016 : માર્ગ અને મકાન વિભાગના અધિક્ષક ઇજનેરે અભિપ્રાય આપ્યો કે હાલમાં ન્યાય મંદિરની ઇમારત વીએમસીને હસ્તક કરવાનું યોગ્ય જણાતું નથી.
- પુન: વિનંતી – માર્ચ,2016 : વડોદરા મહાનગર સેવાસદને માર્ગ અને મકાન વિભાગના સચિવને ઉપરોક્ત પત્રના અનુસંધાનમાં ન્યાયમંદિર ઇમારતનો કબજો આપવા અંગે પત્ર પાઠવ્યો.
- (જોકે ત્યારબાદ આ જગ્યા જિલ્લા કલેક્ટરના આધીન જતાં રહેતાં કોર્પોરેશને પછી કોઇ પ્રયાસ કર્યા નથી.)
મેં આવો કોઈ ઓર્ડર કર્યો નથી
ઓર્ડર નથી થયો, વિચારણા ચાલે છે
