હેલ્થ ડેસ્ક: લોકો સવારે હુંફાળું પાણી પિતા જ હોય છે અને હેલ્થ એક્સપર્ટ પણ હુંફાળું પાણી પીવાની સલાહ આપે છે. કારણકે તે માત્ર હેલ્થ માટે નહીં પણ સ્કિન માટે પણ ફાયદાકારક છે. હેલ્થ એક્સપર્ટનું માનવું છે કે, રાત્રે સૂતાં પહેલાં પણ હુંફાળું પાણી પીવું ફાયદાકાર છે. તેનાથી અનેક ફાયદા થાય છે.
ડિપ્રેશનમાં રાહત
ઘણી સ્ટડીનાં રિપોર્ટમાં સામે આવ્યું છે કે, શરીરમાં પાણીની ઊણપને કારણે ડિપ્રેશનની સમસ્યા થઇ શકે છે. જેની સ્લિપ સાઈકલ પર નકારત્મક અસર પડે છે. રાત્રે એક ગ્લાસ હુંફાળું પાણી પીવાથી શરીરમાં પાણીનું બેલેન્સ જળવાઈ રહે છે અને મૂડ પણ સારો રહે છે.
શરીરમાંથી ટોક્સિન્સ બહાર કાઢે છે
હુંફાળું પાણી પીવાથી શરીરનું ટેમ્પરેચર વધે છે, જેનાથી વધારે પરસેવો થાય છે. પરસેવો થવાથી લોહીનું ભ્રમણ સારું થાય છે અને શરીરમાંથી ટોક્સિન્સ બહાર નીકળે છે.
પાચનને સુધારે છે
ગરમ પાણી પીવાથી જમવાનું જલ્દી પચી જાય છે. દિવસની સરખામણીએ રાત્રે પાચનતંત્ર નબળું પડી જાય છે માટે રાત્રે હુંફાળું પાણી પીવું જોઈએ.
વજન ઘટાડવામાં મદદરૂપ
ગરમ પાણી પીવાથી વજન જલ્દી ઘટે છે. મોટેભાગે લોકો સવારે ગરમ પાણી પીવે છે. પરંતુ જલ્દી વજન ઘટાડવા માટે સવારે અને રાત્રે પણ ગરમ પાણી પીવું જોઈએ.