ખાંભા માર્કેટીંગ યાર્ડમાં ટેકાના ભાવે ખરીદાયેલી મગફળીની ચોરી, અધિકારીઓ અજાણ

1 લાખ 11 હજાર જેટલી મગફળની ગુણીની ખરીદી કરવામાં આવી હતી

• 1.8 દિવસથી આ કેન્દ્ર પર મગફળીની ખરીદી પૂર્ણ થઈ ગઈ હતી. છેલ્લા અઢી મહિનામાં 1 લાખ 11 હજાર જેટલી મગફળની ગુણીની ખરીદી કરવામાં આવી હતી. જે મગફળીનો જથ્થો માર્કેટીંગ યાર્ડના કમ્પાઉન્ડમાં આવેલા શેડમાં પડ્યો હતો. આ મગફળીની બેગ ભરવા તેમજ તોલમાપ કરતા મજૂરો પણ અહીં જ રહેતા હતા. મહત્વનું છે કે અહીંયા રાત્રીના આ મગફળીની ગુણીની દેખરેખ માટે કોઈની નિમણૂક કરવામાં આવી ન હતી. હાલ માર્કેટીંગ યાર્ડના ગોડાઉનમાં અંદાજીત 3800 જેટલી જ મગફળીની ગુણી છે. સવાલ એ છે કે 8 દિવસથી મગફળીની ખરીદી બંધ થઈ ગઈ હોવા છતાં મગફળી શા માટે રાખવામાં આવી હતી?, માર્કેટીંગ યાર્ડના બંધ ગેટ પાસે આવેલી 5થી 7 ફુટની દિવાલ ઉપરથી મગફળી કેવી રીતે બહાર ફેંકવામાં આવી?

• અધિકારીઓ સમગ્ર મામલે મૌન

  2.ચોરી થઈ ગયા પછી હવે નાગરિક પુરવઠા નિગમ ખાંભા દ્વારા ગતરાત્રીથી જ ચોકીદાર રાખી દેવામાં આવ્યો છે અને આ વિષય પર જવાબદાર અધિકારી કે કર્મચારી હાલ આ ઘટના અંગે કંઈ પણ બોલવા તૈયાર નથી. સાથે જ જિલ્લા નાગરિક પુરવઠા નિગમના અધિકારીઓ ફોન રિસિવ કરવાની પણ તસ્દી લેતાં નથી.