- ટ્રમ્પે કહ્યું કે જ્યારે અમેરિકા બીજા વિશ્વ યુદ્ધ દરમિયાન ચૂંટણી કરી શકે છે, તો કોરોના રોગચાળા વચ્ચે કેમ નહિ?
- કોરોનાના કારણે અમેરિકાની ચૂંટણીમાં મેઇલ-ઇન બેલેટની માંગ કરી રહી છે, રિપબ્લિકન પાર્ટી તેની વિરુદ્ધ છે
વોશિંગ્ટન. અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર મેઇલ-ઇન બેલેટ (ઇમેઇલ અથવા પત્ર દ્વારા મતદાન)નો વિરોધ કર્યો છે. એરિઝોનાની ચૂંટણી રેલીમાં ટ્રમ્પે કહ્યું- જો 2020ની ચૂંટણીમાં ઇ-મેઇલ દ્વારા મતદાનને મંજૂરી આપવામાં આવે તો જરા વિચારો કે શું થશે? આ બધા મત કોને મળશે? જો આવું થાય, તો તે દેશના ઇતિહાસમાં સૌથી ભ્રષ્ટ ચૂંટણી હોઈ શકે. ડેમોક્રેટ્સ છેતરપિંડી કરવા માંગે છે.
ટ્રમ્પે કહ્યું- જ્યારે અમેરિકા બીજા વિશ્વ યુદ્ધ દરમિયાન ચૂંટણીઓ યોજી શકે છે ત્યારે રોગચાળાની વચ્ચે તે કેમ ન થઈ શકે. મારા હિસાબે, આ સમયગાળામાં આપણે ચૂંટણીઓ ન કરી શકીએ તેવું કારણ નથી.
ડેમોક્રેટ્સ છેતરવાનો પ્રયાસ કરી રહ્યા છે
અમેરિકન રાષ્ટ્રપતિએ દાવો કર્યો હતો કે, ડેમોક્રેટિક પાર્ટી કોરોના વાયરસના બહાના હેઠળ લોકોને મતદાન કરતા રોકવા માગે છે. તેમણે કહ્યું- ડેમોક્રેટ્સ રોગચાળાના બહાના હેઠળ લાખો નકલી મેઇલ-ઇન બેલેટ મોકલીને ચૂંટણીમાં છેતરપિંડી કરવાનો પ્રયાસ કરી રહ્યા છે. પરંતુ, અમે આ થવા નહીં દઈએ. અમારા સૈનિકો અથવા જેઓ મતદાન માટે આવી શકતા નથી તેમના ઇમેઇલ્સ દ્વારા મતદાન કરવામાં કોઈ નુકસાન નથી.
પહેલા પણ મેઇલ-ઇન બેલેટનો વિરોધ કર્યો હતો
થોડા દિવસો પહેલા ટ્રમ્પે મેઇલ-ઇન બેલેટને છેતરપિંડી કહી હતી. તેમણે કહ્યું કે, ડેમોક્રેટ્સ 2020ની ચૂંટણીમાં છેતરપિંડી કરવા માંગે છે. 22 જૂને, તેમણે એક ટ્વીટ કરી કહ્યું કે, અન્ય દેશોના લાખો લોકો મેલ-ઇન બેલેટ મોકલશે. કોરોના વાયરસને ધ્યાનમાં રાખીને, અમેરિકાની ચૂંટણીમાં મેલ-ઇન બેલેટની માગ કરવામાં આવી રહી છે. ડેમોક્રેટિક પાર્ટી આના સમર્થનમાં છે. ટ્રમ્પની રિપબ્લિક પાર્ટી તેનો વિરોધ કરી રહી છે.
ટ્રમ્પે પણ મેલ-ઇન-બેલેટનો ઉપયોગ કર્યો છે
પ્રથમ 2016માં, લગભગ ચોથા ભાગના અમેરિકનોએ મેઇલ દ્વારા મત આપ્યો હતો. તાજેતરના સમયમાં રાષ્ટ્રપતિ ટ્રમ્પ, ઉપરાષ્ટ્રપતિ માઇક પેન્સ, ફર્સ્ટ લેડી મેલેનિયા, ટ્રમ્પની પુત્રી ઇવાન્કા, જમાઈ જેરેડ કુશનર, વ્હાઇટ હાઉસના પ્રેસ સેક્રેટરી કેલોગ મેકકેની અને એટર્ની જનરલ પણ મેઇલ વોટિંગનો ઉપયોગ કરી ચૂક્યા છે.
5 રાજ્યોમાં મેલ-ઇન બેલેટથી ચૂંટણી યોજાઇ હતી
હાલમાં, પાંચ રાજ્યો, ઉતાહ, કોલોરાડો, ઓરેગોન, હવાઈ અને વોશિંગ્ટનમાં મતદાન થયું છે. અન્ય ઘણા રાજ્યો પણ આ માટેની તૈયારી કરી રહ્યા છે. ઓરેગોન એક એવું રાજ્ય છે જ્યાં 20 વર્ષથી મેઇલ-ઇન બેલેટ ઉપયોગમાં લેવાય છે. 10 કરોડ મતોમાંથી અત્યાર સુધીમાં માત્ર થોડા જ મત ખુલ્યાં છે. આ કુલ મતોના 0.000012% છે.