Monday, October 18, 2021
Homeએક એવું માસ્ક જે તમારા ફેસને નહીં પણ તમારા નાકને કવર કરશે
Array

એક એવું માસ્ક જે તમારા ફેસને નહીં પણ તમારા નાકને કવર કરશે

કોરોનાવાઈરસથી લોકો સંક્રમિત તો થાય છે પણ સૌથી મોટી સમસ્યા માસ્ક છે. માસ્કના કારણે શરૂઆતમાં લોકોને ઘણી મુશ્કેલીઓનો સામનો કરવો પડ્યો. કાનમાં દુખાવો, નાક પર નિશાન પડી જવા જેવી સમસ્યા થઈ. ખાવા-પીવા માટે માસ્ક ઉતારવો પડતો હતો. પરંતુ હવે મેક્સિકોના સંશોધકોએ એવો માસ્ક બનાવ્યો છે જેનાથી ખાવા-પીવામાં કોઈ સમસ્યા નહીં થાય. તે ઉપરાંત કોરોનાથી તમને બચાવશે પણ. આ માસ્કનું નામ નાકવાળું માસ્ક (Nose Only Mask) અથવા ખાવાવાળું માસ્ક (Eating Mask) રાખવામાં આવ્યું છે. આ માસ્ક તમારા સંપૂર્ણ ચહેરાને નહીં પણ માત્ર તમારા નાકને જ કવર કરશે.

મેક્સિકોના સંશોધકોએ અનુકૂળતાવાળુ માસ્ક બનાવ્યું

મેક્સિકોના સંશોધકોએ અનુકૂળતાવાળુ માસ્ક બનાવ્યું છે. તેનાથી તમારું નાક સંપૂર્ણ રીતે કવર કરે છે. જો કે, તમને થોડું શંકાસ્પદ લાગશે કે શું તેનાથી તમે કોરોનાવાઈરસ સંક્રમણથી સુરક્ષિત રહી શકશો. કેમ કે તમારું મોઢું ખુલ્લું રહેશે. તેનાખી ફાયદો એટલો છે કે ખાવાપીવાના સમયે તમારે માસ્ક ઉતારવાની જરૂર નહીં પડે. વધારે સુરક્ષા માટે તમે તેની ઉપર એક સામાન્ય માસ્ક લગાવી શકો છો.

કોરોનાવાઈરસ એક રેસ્પિરેટરી બીમારી છે. એટલે કે શ્વાસ સંબંધિત બીમારી છે. તેનો વાઈરસ હવામાં તરતા ટીપાં દ્વારા તમારા નાકમાંથી ફેફસાં સુધી પહોંચે છે. જો કોઈ સંક્રમિત વ્યક્તિ ખુલ્લી હવામાં ઉધરસ ખાય છે, અથવા છીંક ખાય છે અથવા ખુલ્લામાં શ્વાસ લે છે તો તે ઘણા લોકોને સંક્રમિત કરી શકે છે. તેથી તમામ લોકો માટે માસ્ક પહેરવો જરૂરી છે. પરંતુ માસ્કના કારણે ઘણા લોકોને ઘણી સમસ્યા પણ થાય છે.

આ માસ્કને લઈને ઘણી ચર્ચા થઈ રહી છે. સોશિયલ મીડિયા પર કેટલાક લોકો તેને જોકરના લાંલ કલરનું માસ્ક કહી રહ્યા છે. કેટલાક લોકોનું કહેવું છે કે આ કોઈ નવું ઈનોવેશન નથી. તેને જોકર વર્ષોથી તેને પહેરે છે. તેમજ કોઈએ કહ્યું કે, તે થોડું વિચિત્ર દેખાઈ રહ્યું છે પરંતુ વર્ષ પહેલા સામાન્ય માસ્ક પણ બધાના ચહેરા પણ વિચિત્ર લાગતું હતું. તેની પણ આદત પડી જશે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments