Tuesday, September 21, 2021
Homeભોપાલમાં અકસ્માત : કાર પાછળથી ટ્રક સાથે અથડાતા ચાર યુવાનોના મોત
Array

ભોપાલમાં અકસ્માત : કાર પાછળથી ટ્રક સાથે અથડાતા ચાર યુવાનોના મોત

ભોપાલમાં રવિવારે વહેલી સવારે મિસરોદ પોલીસ સ્ટેશન વિસ્તારમાં એક પૂરપાટ ઝડપે આવતી કાર પાછળથી ટ્રક સાથે અથડાઈ હતી. આ અકસ્માતમાં ચાર યુવાનોના ઘટના સ્થળે જ મોત થયા હતા અને એક યુવક ગંભીર રીતે ઘાયલ થયો હતો. જેને હોસ્પિટલમાં દાખલ કરવામાં આવ્યો છે. અથડામણ એટલી તીવ્ર હતી કે ટાઇલ્સથી ભરેલી ટ્રકની પાછળના ટાયર પણ ઊંચા થઇ ગયા હતા. JCB મશીન અને લોખંડના કટરની મદદથી મૃતદેહો બહાર કાઢવામા આવ્યા હતા. મૃતકોમાંથી બેની ઓળખ 35 વર્ષીય હિતેશ ખજૂરી ગામના નિવાસી અને 25 વર્ષીય આદિત્ય પાંડે અવધપુરીના નિવાસી તરીકે થઈ છે. બાકીના બે મૃતકોની ઓળખ થવાની બાકી છે. ગંભીર રીતે ઘાયલ થયેલા હની નામના યુવકની સારવાર એક ખાનગી હોસ્પિટલમાં ચાલી રહી છે.

પોલીસના જણાવ્યા અનુસાર આઈ-20 કારમાં પાંચ યુવકો ભોપાલથી મિસરોદ તરફ આવી રહ્યા હતા. બપોરે લગભગ 3.30 વાગ્યે ભોપાલ-હોશંગાબાદ રોડ પર સુરેન્દ્ર લેન્ડ માર્કની સામેથી ટાઇલ્સ ભરેલી ટ્રકમાં પૂરઝડપે આવતી કાર ઘૂસી ગઈ હતી. અકસ્માત એટલો ગંભીર હતો કે કાર પાછળથી ઘૂસતા ટ્રકના પાછળના ટાયર ઉપર થઇ ગયા હતા. કારમાં સવાર યુવકોના ચહેરા ખરાબ રીતે કચડાઈ ગયા હતા.

માહિતી મળ્યા બાદ ઘટના સ્થળે પહોંચેલી પોલીસને મૃતદેહને બહાર કાઢવામાં મુશ્કેલી પડી હતી. ત્યારબાદ મહાપાલિકાના અધિકારીઓ દ્વારા જેસીબીની મદદ લેવામાં આવી હતી. જેસીબીની મદદથી ટ્રકમાંથી કાર કાઢી, ત્યારબાદ કારને લોખંડના કટરથી કાપીને મૃતદેહો કાઢી નાખવામાં આવ્યા હતા. અહેવાલ મુજબ યુવાનો પાર્ટી કરી રહ્યા હતા. મૃતક હિતેશ, આદિત્ય અને અન્ય બે મૃતદેહોને પોસ્ટમોર્ટમ માટે હમીદિયા હોસ્પિટલમાં મોકલવામાં આવ્યા છે. ઘાયલ 21 વર્ષીય હનીની નર્મદા ટ્રોમા સેન્ટરમાં સારવાર ચાલી રહી છે. તેની હાલત પણ ગંભીર હોવાનું જણાઇ રહ્યુ છે.

મુખ્યમંત્રીએ અકસ્માત અંગે દુઃખ વ્યક્ત કર્યું
ભોપાલ હોશંગાબાદ રોડ પર થયેલા અકસ્માતના સમાચાર પર મુખ્યમંત્રી શિવરાજ સિંહ ચૌહાણે દુઃખ વ્યક્ત કર્યું હતું. મુખ્યમંત્રીએ જણાવ્યું હતું કે, ભોપાલ-હોશંગાબાદ રોડ પર કાર અને ટ્રક સાથે થયેલા અકસ્માતમાં અનેક અમૂલ્ય લોકોના અકાળે મૃત્યુના સમાચાર દુઃખદ છે. હું ભગવાનને પ્રાર્થના કરું છું કે તેઓ દિવંગત આત્માઓને તેમના શ્રીચરણોમાં સ્થાન આપે અને પરિવારના સભ્યોને આ ગહન પીડા સહન કરવાની શક્તિ આપે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments