એલર્ટ : ફ્રી વાઇફાઇનાં કેટલાં જોખમો, પબ્લિક Wifiનો ઉપયોગ કરતાં ફોન હેક થઈ શકે છે

જો યોગ્ય રીતે કન્ફીગર નથી તો હેકર્સ સરળતાથી વાઇ-ફાઇ રાઉટર ક્ન્ટ્રોલ કરી શકે છે. તે જાણી શકે છે કે ડેટાનો ઉપયોગ તમે કયા કામ માટે કરો છો. હેકર્સ જાણે છે કે ફ્રી વાઇ-ફાઇ શોધતા લોકોને કન્ફ્યૂઝ કરવાનું સરળ છે. ઘણી સંભાવનાઓ છે કે જ્યારે તમે ફ્રી વાઇ-ફાઇ નેટવર્ક શોધી રહ્યા છો ત્યારે તમે કોઇ હેકરના નકલી કનેક્શનને પકડી લો. સ્કેમર મોટા ભાગે ભળતા નામોથી પોતાનું કનેક્શન મેળવે છે. જેમ કે CAFE_WIFI કે WIFICAFE, હવે તેમાંથી એક સાચું છે અને બીજું નકલી છે. તેને ત્યાં સુધી ઓળખી શકાય નહીં જ્યાં સુધી તમે અસલીની પૂરી માહિતી ન મેળવી લો. જે મોટા ભાગે પોસ્ટર પર મળે છે અથવા માલિકથી મેળવી શકાય છે.

ફ્રી વાઇ-ફાઇનો ઉપયોગ કરતી વખતે આ પાંચ વાતનું ધ્યાન રાખો…

• ફ્રી વાઇ-ફાઇનો ઉપયોગ કરવો હોય તો એવી સાઇટ્સ પર જવાથી બચો, જ્યાં પર્સનલ માહિતીઓ આપવી પડે. બેન્ક એકાઉન્ટ, આધાર નંબર,ઘરનું સરનામું ફ્રી કનેક્શનથી કોઇ સાઇટ્સને આપવાં નહીં.
• નેટવર્ક વેરિફાય કરો. એરપોર્ટ, રેલવે સ્ટેશન જેવી જગ્યાઓ પર ફ્રી વાઇ-ફાઇ સાઇટનું ઓફિશિયલ લોગઇન પેજ હોય છે. જો એ દેખાય નહીં તો તે એ નથી જેને તમે શોધી રહ્યા છો.
• HTTPS વેબસાઇટ્સ જ સર્ફ કરો. જો માત્ર HTTP છે તો સર્ફિંગ કરવું જોખમી છે.
• એન્ટિવાઈરસ તે સોફ્ટવેરથી બચાવે છે, જેનું કામ સિસ્ટમમાં ઘૂસવાનું છે. ફાયરવોલ એનેબલ્ડ રાખો. અઘરા પાસવર્ડ રાખો.
• વર્ચ્યુઅલ પ્રાઇવેટ નેટવર્ક (VPN)નો ઉપયોગ કરો. પબ્લિક વાઇ-ફાઇમાં એ તમને સુરક્ષિત રાખે છે. સ્ટાર્ટિંગ પોઇન્ટથી વેબસાઇટ સુધી સિક્યોર કરે છે.                                                                               કોલકાતા, દિલ્હી અને મુંબઈ જેવા પ્રથમ કેટેગરીના શહેરોમાં યુઝર્સ લોગ ઇનનું પ્રમાણ અને ડેટા વપરાશ બીજી કેટેગરીના શહેરો કરતાં વધારે છે. હાવરા રેલવે સ્ટેશને એક જ મહિનામાં 4.9 લાખ યુઝર્સ લોગ ઇન થતા હોય તેવા આંકડા પણ સામે આવ્યા હતા. ફ્રી-હાઇ સ્પીડ વાઇફાઇ કનેક્ટિવિટીમાં સરેરાશ યુઝર 30 મિનિટના ડેટા સેશનમાં 343 એમબીનો વપરાશ કરે છે. આ વપરાશ દેશના સરેરાશ 3G વપરાશ કરતા વધારે છે, જેના લીધે પ્રતિ દિન 30 એમબી પ્રતિ યુઝર ઉપયોગમાં લેવાય છે.