માત્ર પ્રેમથી જ કોઇ રિલેશનશિપને પરફેક્ટ બનાવવાની કલ્પના કરી શકાય નહીં.. તાજેતરમાં એક સ્ટડીમાં જાણવા મળ્યું છે કે છોકરીઓ પોતાના પાર્ટનરમાં પ્રેમ ઉપરાંત પણ કેટલીય ખાસિયતો ઇચ્છે છે. જાણો, છોકરી પોતાના પાર્ટનરમાં કઇ ખાસિયતો જોવા માંગે છે.
વિનમ્રતા :- શોધમાં સાબિત થયું છે કે છોકરીઓ પોતાના પાર્ટનરમાં વિનમ્રતાનો ગુણ જોવા માંગે છે. છોકરીઓ ઇચ્છે છે કે તેમના પાર્ટનર ખૂબ જ સરળ સ્વભાવના હોય. એક આંતરરાષ્ટ્રીય સર્વેમાં મોટાભાગની છોકરીઓએ ઇચ્છા વ્યક્ત કરી હતી કે તેઓ પોતાના પાર્ટનરમાં દયા અને વિનમ્રતાનો ભાવ જોવા ઇચ્છે છે.
બુદ્ધિશાળી :- છોકરીઓને પોતાના પાર્ટનરમાં જોઇતી વસ્તુઓમાંથી એક છે બુદ્ધિમત્તા. બુદ્ધિશાળી હોવાનો અર્થ અહીં માત્ર શિક્ષણ અથવા ડિગ્રીથી નથી હોતો. એવા ઘણા છોકરા હોય છે જે કોઇ સારી ડિગ્રી વગર પણ પોતાની કુશળતાથી ઘણુ બધું હાંસલ કરી લે છે અને છોકરીઓ આ પ્રકારનાં છોકરાઓથી વધારે પ્રભાવિત થાય છે.
ઉદારતા :- ઉદારતા એક એવો ગુણ છે જે આજના જમાનામાં ઘણા ઓછા લોકોમાં મળી આવે છે. અભ્યાસમાં એ વાતનો ખુલાસો થયો છે કે જે છોકરાઓમાં ઉદારતાનો ભાવ હોય તેમને છોકરીઓ જલ્દી પસંદ કરે છે. ઉદાર છોકરા તરફ છોકરીઓ સરળતાથી આકર્ષિત થઇ જાય છે.
આત્મવિશ્વાસ :- આત્મવિશ્વાસ એક એવો ગુણ છે જે દરેકનું ધ્યાન પોતાની તરફ આકર્ષિત કરી લે છે. છોકરીઓ આત્મવિશ્વાસથી ભરપૂર છોકરાને ખૂબ જ પસંદ કરે છે. મોટાભાગની છોકરીઓને એવા છોકરા સારા લાગે છે જેમાં બનાવટ અને દેખાડો ન હોય.
