Wednesday, October 20, 2021
Homeટોપ ન્યૂઝમોટો નિર્ણય : ઉર્જા સંકટને ઘટાડવા માટે કેન્દ્ર સરકાર રાજ્યોની તમામ માંગને...

મોટો નિર્ણય : ઉર્જા સંકટને ઘટાડવા માટે કેન્દ્ર સરકાર રાજ્યોની તમામ માંગને પુરી કરી રહી

 

ઉર્જા સંકટને ઘટાડવા માટે કેન્દ્ર સરકાર રાજ્યોની તમામ માંગને પુરી કરી રહી છે. છેલ્લા ચાર દિવસમાં કોલસાનો સ્ટોક વધવા લાગ્યો છે. સૂત્રોનું કહેવું છે કે એક જ મહિનામાં સ્થિતિ સામાન્ય થઈ જશે. દૈનિક વીજળી અને કોલસાના સપ્લાઈમાં કોઈ ઘટાડો આવ્યો નથી. જ્યારે સંકટને ઓછુ કરવા માટે કેન્દ્રીય વીજળી મંત્રાલયે રાજ્યોને એક્સચેન્જ પર ઉચ્ચ કિંમતે વીજળી ન વેચવાથી લઈન પુરતો સપ્લાય ઉપલબ્ધ કરવા માટે રાજ્યમાં વીજળી ઉત્પાદકોને આદેશ આપવા અંગેના નિર્દેશ આપ્યા છે.

વરસાદ અને કોરના સ્થિતિ માટેના મુખ્ય કારણ
રાજસ્થાન, પશ્ચિમ બંગાળ, ઝારખંડની પોતાની કોલસાની ખાણ છે. જોકે તેમણે કોલસાને કાઢવા માટે કઈ જ ન કર્યું. એવું કહેવાઈ રહ્યું છે કે મંજૂરી મળવા છતા કેટલીક રાજ્ય સરકારો નિર્ણયનો અમલ કરી શકી નથી. તેમણે પુરતુ કોલસાનું ખનન ન થવા બદલ કોરોના અને વરસાદ જવાબદાર હોવાનું કહ્યું છે. જોકે વાસ્તવિકતા એ પણ છે કે લાંબા સમય સુધી ચાલેલા વરસાદે કોલસાના ખનને પ્રભાવિત કર્યું. આ સિવાય આયાત કરાતા કોલસાની કિંમતો વધવાના પગલે પણ હાલની સ્થિતિ સર્જાઈ છે.

હવે પ્રત્યેક દિવસે થશે 20 લાખ ટન કોલસાનું ઉત્પાદન
દેશમાં ચાલી રહેલા હાલના કોલસાના સંકટને પહોંચી વળવા માટે કેન્દ્ર સરકારે સંપૂર્ણ તૈયારીઓ કરી દીધી છે. રાજ્યો, વીજળી કંપનીઓ અને રેલવે દ્વારા કોલસાની માંગને પુરી કરવા માટે કેન્દ્ર સરકાર સંપૂર્ણ રીતે તૈયાર છે. સરકાર એક સપ્તાહની અંદર દૈનિક કોલસાના ઉત્પાદનને 19.4 મિલિયનથી વધારીને 2 મિલિયન ટન (20 લાખ ટન) કરવા જઈ રહી છે.

કોલસા મંત્રાલય જાન્યુઆરીથી રાજ્યોને ટકોર કરી રહ્યું છે
સરકારી સૂત્રોના જણાવ્યા મુજબ કોલસા મંત્રાલય જાન્યુઆરીથી કોલ ઈન્ડિયામાંથી સ્ટોક લેવા માટે રાજ્યોને લખી રહ્યું છે. જોકે કોઈ પણ પ્રતિક્રિયા મળી નથી. કોઈ ઈન્ડિયા એક સીમા સુધી જ કોલસાનો સ્ટોક કરી શકે છે. કારણ કે ઓવરસ્ટોકિંગથી કોલસામાં આગ લાગી શકે છે. ઝારખંડ, રાજસ્થાન અને પશ્ચિમ બંગાળમાં પોતાની કોલસાની ખાણ છે. જોકે ખનન ખૂબ જ ઓછું અથવા તો બિલકુલ જ નથી.

કોલસાનો સપ્લાય વધારવાના નિર્દેશ
પ્રધાનમંત્રી કાર્યાલય(પીએમઓ)એ મંગળવારે કોલસા સપ્લાય અને વીજળી ઉત્પાદનને લઈને સમીક્ષા બેઠક કરી છે. સૂત્રોનું કહેવું છે કે બેઠક દરમિયાન કોલસાના ટ્રાન્સપોર્ટેશનને વધારવાની રીતો પર પણ ચર્ચા કરવામાં આવી. કોલસા મંત્રાલયને કોલસાનો સ્ટોક વધારવા માટે કહેવામાં આવ્યું છે. જ્યારે રેલવેને વીજળી સંયંત્રો સુધી ઈંધણ પહોંચાડવા માટે રેક ઉપલબ્ધ કરાવવા માટે કહેવામાં આવ્યું છે. કોલસાની અછતના કારણે રાજસ્થાનથી લઈને કેરળમાં લોકોને વીજળી કાપનો સામનો કરવો પડ્યો છે.

વીજળી સંકટની વચ્ચે રેલવેનું મોટુ પગલું
દેશમાં વીજળી સંકટની વચ્ચે રેલવેએ મોટુ પગલુ ઉઠાવ્યું છે. હવે પાવર પ્લાન્ટને કોલસા પહોંચાડવા માટે 24 કલાક ટ્રેન ચાલી રહી છે. રાષ્ટ્રીય ટ્રાન્સપોર્ટરે કોલસાની આ અછતને ઈમરજન્સી જાહેર કરી છે. તમામ ઝોનલ રેલવેના મુખ્ય પરિચાલન મેનેજરને નિર્દેશ આપવામાં આવ્યા છે કે તે 24 કલાક સંચાલન નિયંત્રણ કક્ષોને તૈયાર કરે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments