અમદાવાદ : કેડિલા ફાર્માસ્યુટિકલ્સ અને ધોળકા અર્બન વિસ્તાર સેનેટાઈઝ કરાયો

0
22

અમદાવાદ. કોરોના વાઇરસનો કહેર અમદાવાદ શહેર બાદ જિલ્લામાં પણ વધી રહ્યો છે. ધોળકા તાલુકાના ત્રાસદ ગામે આવેલી કેડિલા કંપનીના 21 કર્મચારીઓનો કોરોના ટેસ્ટ પોઝિટિવ આવ્યો છે. કેડિલા ફાર્માસ્યુટિકલ્સ અને ધોળકા અર્બન વિસ્તારને સંપૂર્ણપણે સેનેટાઈઝ કરાયો હતો. જિલ્લા વિકાસ અધિકારી અરુણ મહેશ બાબુની સૂચનાને આધારે આજે સમગ્ર તંત્ર હરકતમાં આવ્યું હતું અને આ સ્થળોએ સેનેટાઈજેશન કર્યું હતું. બુધવારે ત્રણ કર્મચારીઓના ટેસ્ટ પોઝિટિવ આવ્યા હતા તેમના સંપર્કથી આ તમામ કર્મચારીઓને કોરોના થયો હોવાની શક્યતા છે. સરકારે ગંભીર નોંધ લઈને પ્લાન્ટને સીલ કરી દેવામાં આવ્યો છે.

3 કર્મીનો રિપોર્ટ પોઝિટિવ આવતા 30ના ટેસ્ટ કરાયા

બે દિવસ પહેલા કેડિલા કંપનીમાં ફરજ બજાવતાં 3 કર્મચારીઓનો ટેસ્ટ પોઝિટિવ આવ્યો હતો. જેથી તંત્ર દ્વારા 30 કર્મચારીઓનો કોરોના ટેસ્ટ કરાવવામાં આવ્યો હતો. જેમાં 21 લોકો પોઝિટિવ આવ્યા છે. ધોળકા તાલુકામાં પોઝિટિવ કેસની સંખ્યા 40 પર પહોંચી ગઈ છે. અત્યાર સુધી દસક્રોઈ તાલુકામાં સૌથી વધુ 40 કેસ હતા અને હવે ધોળકામાં પણ 40 કેસ નોંધાઈ ગયા છે.

ત્રાસદને કન્ટેન્ટમેન્ટ ઝોન કરાશે

ધોળકાના ત્રાસદ ગામમાં કેસો આવતા તેને કન્ટેન્ટમેન્ટ ઝોન જાહેર કરી અને બંધ કરવામાં આવશે. કર્મચારીઓમાં કોરોના પોઝિટિવના કેસ આવવા છતાં કેડિલા કંપની ચાલુ રાખવામાં આવી છે. જિલ્લામાં કુલ કેસોની સંખ્યા હવે 91 થઈ ગઈ છે.

LEAVE A REPLY

Please enter your comment!
Please enter your name here