સેલેબ લાઈફ : ટ્રાન્સફોર્મેશન બાદ રામ કપૂરને ઓળખવો બન્યો મુશ્કેલ, ડાયટ અને વર્કઆઉટ પ્લાનથી વજન ઉતાર્યું

રામ કપૂર સવારે ઉઠીને સૌ પહેલાં જીમમાં જાય છે. જીમમાં જતાં પહેલાં તે કંઈ પણ ખાતો નથી. અહીંયા તે હેવી વેટ ટ્રેનિંગ કરે છે. રાત્રે સૂતા પહેલાં રામ કપૂર કાર્ડિયો કરે છે.

• રામ કપૂર દિવસમાં 16 કલાક સુધી કંઈ પણ ખાતો નથી. જેને ઈન્ટરમિટેન્ટ ફાસ્ટિંગ કહે છે. આ સાથે જ તે જ્યારે પણ ભોજન લે છે, ત્યારે કેલેરીનું ઘણું જ ધ્યાન રાખે છે.
• ઈન્ટરમિટેન્ટ ફાસ્ટિંગ આજકાલ વજન ઓછું કરવા માટેના ઉપાયોમાંથી સૌથી ચર્ચિત છે. જેમાં ભોજનના સમય પર ધ્યાન આપવાનું હોય છે. લાંબા સમય સુધી કંઈ જ ખાવાનું હોતુ નથી. સરળ શબ્દોમાં કહીએ તો શું ખાવું અને શું નહીં તેને બદલે એ વાત પર ફોક્સ કરવામાં આવે છે કે ક્યારે ખાવું?
• ઈન્ટરમિટેન્ટ ફાસ્ટિંગ દરમિયાન તમે ભોજનને બદલે જ્યૂસ, પાણી, ચા-કૉફી લઈ શકો છે. રામ કપૂર 16 કલાક સુધી કંઈ જ ખાતો નથી. તે બપોરથી સાંજના સમયગાળામાં ભોજન લેતો હોય છે.
• ચર્ચા છે કે રામ કપૂરે આ રીતે 30 કિલો જેટલું વજન ઓછું કર્યું છે. તેની ટ્રાન્સફોર્મેશનની તસવીરો સોશિયલ મીડિયામાં વાયરલ થઈ છે. રામ કપૂરની ફિટનેસ ચાહકો માટે ઈન્સિપરેશન છે.