Thursday, March 28, 2024
Homeવડોદરામાં કોરોના : 30 પોલીસ જવાનો સંક્રમિત, પોઝિટિવ કેસનો કુલ આંક 37,436...
Array

વડોદરામાં કોરોના : 30 પોલીસ જવાનો સંક્રમિત, પોઝિટિવ કેસનો કુલ આંક 37,436 ઉપર પહોંચ્યો

- Advertisement -

વડોદરા જિલ્લા પોલીસ તંત્રના 30 પોલીસ જવાનો કોરોના સંક્રમિત થયા છે. તમામ પોલીસ જવાનો હોમ ક્વોરન્ટીન થયા છે. વડોદરા તંત્રને કોરોના સામેની લડાઇ માટે ગત રાત્રે વધુ 10 વેન્ટિલેટર મળ્યાં છે. જેને એક જ રાતમાં કાર્યરત કરવામાં આવ્યા હતા. આઈસીયુના 100 બેડ યુદ્ધના ધોરણે તૈયાર કરવામાં આવ્યા હતા. હવે સમરસ હોસ્ટેલની કોવિડ હોસ્પિટલના આઈસીયુમાં કુલ 30 વેન્ટિલેટર છે. આ ઉપરાંત વડોદરા જિલ્લા પોલીસ તંત્રના 30 પોલીસ જવાનો કોરોના સંક્રમિત થયા છે. તમામ પોલીસ જવાનો હોમ ક્વોરન્ટીન છે.

પોઝિટિવ કેસનો કુલ આંક 37,436 ઉપર પહોંચ્યો

વડોદરા મહાનગરપાલિકાએ જાહેર કરેલા આંકડાઓ પ્રમાણે, વડોદરા શહેર જિલ્લામાં પોઝિટિવ કેસનો કુલ આંક 37,436 ઉપર પહોંચી ગયો છે. વડોદરા શહેર અને જિલ્લામાં સત્તાવાર મૃત્યુઆંક 302 પર પહોંચ્યો છે. અત્યાર સુધીમાં કુલ 31,480 લોકો કોરોનાને માત આપી ચૂક્યા છે. વડોદરામાં હાલ 5654 એક્ટિવ કેસ પૈકી 344 દર્દી ઓક્સિજન ઉપર અને 235 દર્દી વેન્ટિલેટર ઉપર છે અને 5075 દર્દીની હાલત સ્થિર છે.

વડોદરા રૂરલમાં સૌથી વધુ 10,933 કેસ

વડોદરા શહેર જિલ્લામાં અત્યાર સુધીમાં કોરોનાના 37,436 પોઝિટિવ કેસ નોંધાયા છે. જે પૈકી પૂર્વ ઝોનમાં 5702, પશ્ચિમ ઝોનમાં 6682, ઉત્તર ઝોનમાં 7233, દક્ષિણ ઝોનમાં 6850, વડોદરા ગ્રામ્યમાં 10,933 અને 36 કેસ બહારના શહેર અને રાજ્યોના નોંધાયા છે.

બુધવારે આ વિસ્તારમાં કોરોનાના નવા કેસો નોંધાયા

શહેરઃ- છાણી, ગાજરાવાડી, કપુરાઇ, માંજલપુર, યમુનામિલ, દંતેશ્વર, વડસર, મકરપુરા, તરસાલી, અકોટા, ગોત્રી, ગોરવા, બાપોદ, આજવા રોડ, વાઘોડિયા રોડ, નવાબજાર, પાણીગેટ, કિશનવાડી, રામદેવનગર, સવાદ, વારસીયા, ફતેપુરા, કારેલીબાગ, હાથીખાના, નવાયાર્ડ, એકતાનગર, અટલાદરા, દિવાળીપુરા, અલકાપુરી

ગ્રામ્યઃ- રણોલી, ઉંડેરા, વાઘોડિયા, વેમાલી, મહાપુરા, સેવાસી, ભાયલી, બાજવા, ડભોઇ, વરણામા, ઇટોલા, શિનોર, દુમાડ

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular