દિલ્હી ચૂંટણી: મતદાન અંતિમ ચરણમાં, બોપર સુધીમાં 45% થયું

0
24

નવી દિલ્હી

દિલ્હી વિધાનસભા ચૂંટણીમાં મતદાન અંતિમ ચરણમાં પ્રવેશ્યું છે. સવારના સુસ્ત માહોલ બાદ બપોરે ધીરે ધીરે મતદાન માટે લોકો ઘરની બહાર આવ્યા હતા અને 4 વાગ્યા સુધીમાં 45 ટકાથી વધુ જેટલું મતદાન નોંધાયું હોવાનું ચૂંટણી પંચે જણાવ્યું છે. દિલ્હીના અલગ-અલગ વિસ્તારોમાં બનેલા મતદાન મથકોએ લાંબી-લાંબી લાઈનો જોવા મળી રહી છે. દિલ્હીના મુખ્યમંત્રી અરવિંદ કેજરીવાલે પોતાના પરિવાર સહિત સિવિલ લાઈન્સ સ્થિત મતદાન કેન્દ્રમાં મતદાન કર્યું છે. આ ઉપરાંત વિદેશ મંત્રી જયશંકર, દિલ્હીના ઉપ રાજ્યપાલ અનિલ બૈજલ, કેન્દ્રીય સ્વાસ્થ્ય મંત્રી હર્ષવર્ધને પોતાના પરિવાર સાથે મતદાન કરવા માટે પહોંચ્યા હતા.

આ વખતે દિલ્હીમાં વિધાનસભાની ચૂંટણીનો આક્રમક પ્રચાર થયો હતો. વિધાનસભાની 70 સીટો માટે 672 ઉમેદવારો મેદાનમાં છે. દિલ્હીમાં મતદાન માટે 2,689 સ્થળોએ 13,750 પોલિંગ બૂથ્સ ગોઠવી દેવાયા હતા. 516 સ્થળો પરના 3,704 લોકેશન્સને સંવેદનશીલ જાહેર કરાયા છે. આ તમામ પર અર્ધલશ્કરી દળોને ગોઠવાયા છે. વેબસાઇટ થકી તમામ પ્રવૃત્તિઓ પર નજર રાખવામાં આવી છે.

શાહીન બાગ વિસ્તારમાં નાગરિકતા વિરોધી કાયદાના વિરોધને જોતાં આ વિસ્તારમાં આવતાં તમામ પાંચ પોલિંગ સ્ટેશનોને ‘ક્રિટિકલ’ કેટેગરી હેઠળ લાવવામાં આવ્યા છે. મતદારોમાં મતદાન માટે વિશ્વાસ જાગૃત થાય તે માટે વિશ્વાસ સંપાદનની પ્રક્રિયા પણ હાથ ધરવામાં આવી હતી.

ચૂંટણી અધિકારીના જણાવ્યું અનુસાર ‘દિલ્હીની 2020ની ચૂંટણીમાં મોબાઇલ એપ્સ, ક્યૂઆર કોડ્સ, સોશિયલ મીડિયા ઇન્ટરપેસ જેવા ટેક્નોલોજીના મહત્તમ ઉપયોગ કરવામાં આવી રહ્યો છે. મતદાતાઓ વિધાનસભાની 11 મતવિસ્તારોમાં પોલિંગ સ્ટેશનો ખાતે સ્માર્ટ ફોન લઈ જવાની છૂટ આપવામાં આવી છે. જો મતદાતા બૂથ સુધી સ્લિપ ન લાવ્યા હોય તો મતદાતાઓ હેલ્પલાઇન એપમાંથી ક્યૂઆર કોડ્સ થકી તે મેળવી શકે છે.’

LEAVE A REPLY

Please enter your comment!
Please enter your name here