જોસ બટલરે IPL 2024 ની 31મી મેચમાં કોલકાતા નાઈટ રાઈડર્સ સામે અણનમ સદી રમીને રાજસ્થાન રોયલ્સને જીત અપાવી.આ સિઝનમાં બટલરની આ બીજી સદી હતી. અગાઉ બટલરે રોયલ ચેલેન્જર્સ બેંગ્લોર સામે સદી ફટકારી હતી, ત્યારે પણ તેણે લક્ષ્યનો પીછો કરતી વખતે અણનમ સદી રમી હતી. હવે તમે વિચારી રહ્યા હશો કે બે સદી ફટકાર્યા બાદ બટલરે પર્પલ કેપ કબજે કરી લીધી હશે, પરંતુ એવું બિલકુલ નથી.સિઝનમાં બે સદી ફટકારનાર બટલર ઓરેન્જ કેપની રેસથી ઘણો દૂર છે.વિરાટ કોહલી કે જેણે 7 ઇનિંગ્સમાં 72.20ની એવરેજ અને 147.35ની સ્ટ્રાઇક રેટથી 361 રન બનાવ્યા છે. આ દરમિયાન તેણે 1 સદી અને 2 અડધી સદી ફટકારી છે.
જોસ બટલરની વાત કરીએ તો બે સદી ફટકાર્યા બાદ તે સૌથી વધુ રન બનાવનાર બેટસમેનોની યાદીમાં આઠમા સ્થાને છે. બટલરે અત્યાર સુધી 6 ઇનિંગ્સમાં 62.50ની એવરેજ અને 147.93ની સ્ટ્રાઇક રેટથી 250 રન બનાવ્યા છે.સૌથી વધુ રન બનાવનાર બેટસમેનોની યાદીમાં રાજસ્થાન રોયલ્સના રિયાન પરાગ બીજા સ્થાને છે. રેયાને અત્યાર સુધી 7 ઇનિંગ્સમાં 63.60ની એવરેજ અને 161.42ની સ્ટ્રાઇક રેટથી 318 રન બનાવ્યા છે. આ યાદીમાં રાજસ્થાનનો કેપ્ટન સંજુ સેમસન 276 રન સાથે ત્રીજા, KKRનો સુનીલ નારાયણ 276 રન સાથે ચોથા અને મુંબઈ ઈન્ડિયન્સનો રોહિત શર્મા 261 રન સાથે પાંચમા સ્થાને છે.
આ સિઝનમાં અત્યાર સુધી રાજસ્થાન રોયલ્સના સ્પિનર યુઝવેન્દ્ર ચહલ સૌથી વધુ વિકેટ લેવાના મામલે ટોચના સ્થાને છે. ચહલે 7 ઇનિંગ્સમાં બોલિંગ દરમિયાન 12 વિકેટ લીધી છે, જેની સાથે તેણે પર્પલ કેપ કબજે કરી છે.સૌથી વધુ વિકેટ લેનારા બોલરોની યાદીમાં મુંબઈ ઈન્ડિયન્સનો જસપ્રીત બુમરાહ 10 વિકેટ સાથે બીજા ક્રમે અને ચેન્નાઈ સુપર કિંગ્સના મુસ્તાફિઝુર રહેમાન 10 વિકેટ સાથે ત્રીજા સ્થાને છે. આગળ વધતા, હૈદરાબાદના કેપ્ટન પેટ કમિન્સ અને પંજાબ કિંગ્સના કાગિસો રબાડા 9-9 વિકેટ સાથે અનુક્રમે ચોથા અને પાંચમા સ્થાને જોવા મળે છે.
