IPLમાં બખ્ખા : ડિઝની સ્ટાર ઈન્ડિયાએ IPLમાં રૂ.2500 કરોડની એડ રેવેન્યુ જનરેટ કરી.

0
7

ડિઝની સ્ટાર ઈન્ડિયાએ આઈપીએલની 13મી સિઝનમાં જાહેરાત દ્વારા લગભગ રૂ. 2500 કરોડની કમાણી કરી છે. અનેક ઈન્ડસ્ટ્રી એક્સપર્ટ અને સૂત્રો મુજબ, બ્રોડકાસ્ટર સ્ટાર ઈન્ડિયાએ ટીવીમાંથી રૂ.2250 કરોડની એડ રેવેન્યુ જનરેટ કરી છે, જ્યારે વીડિયો ઓન-ડિમાન્ડ સ્ટ્રીમિંગ સર્વિસ હોટસ્ટારના એડ સેલ્સમાંથી રૂ.200-250 કરોડની કમાણી કરી છે. સ્ટાર ઈન્ડિયાએ આઈપીએલની છેલ્લી સિઝનમાં લગભગ રૂ.2200 કરોડની કમાણી કરી હતી. જેમાં બ્રોડકાસ્ટ અને હોટસ્ટાર બંનેની કુલ રેવેન્યુ હતી.

આ વખતે સ્ટારને 18 સ્પોન્સર મળ્યા હતા

આ વખતે સ્ટારને 18 સ્પોન્સર મળ્યા હતા, જ્યારે તેની પાસે 117 એડવર્ટાઈઝર હતા. આ વખતે ફેન્ટસી સ્પોર્ટ્સ પ્લેટફોર્મ, ડિજિટલ વોલેટ પ્લેટફોર્મ, ઓનલાઈન લર્નિંગ એપ, સોશિયલ મીડિયા પ્લેટફોર્મથી માંડીને ફૂડ બ્રાન્ડ્સ સહિતના કો-પ્રેઝન્ટિંગ સ્પોન્સર હતા.

પ્રારંભિક 41 મેચ 700 કરોડ મિનિટ જોવામાં આવી

  • બ્રોડકાસ્ટિંગ ઓડિયન્સ રિસર્ચ કાઉન્સિલ (બાર્ક) ઈન્ડિયાના રિપોર્ટ અનુસાર, IPL-13ની 41 મેચ 21 જુદી-જુદી ચેનલો પર 700 કરોડ મિનિટ જોવામાં આવી છે. જે કયા વખતથી 28% વધુ છે. આઈપીએલ-12ની શરૂઆતની 44 મેચ 24 ચેનલ પર 550 મિનિટ જોવામાં આવી હતી.

આગામી સિઝનમાં 9 ટીમ થઈ તો બોર્ડને વધારાના 872 કરોડ મળશે

આઈપીએલની આગામી સિઝનમાં એક કે બે ટીમ વધારવાની વાત ચાલી રહી છે. ટીમોની સંખ્યા વધારવાની અસર બ્રોડકાસ્ટર સ્ટાર ઈન્ડિયા પર પણ પડશે. જો 9 ટીમ થશે તો 76 મેચ રમાશે. આથી બ્રોડકાસ્ટરને લાઈસન્સિંગ ફીસ તરીકે બીસીસીઆઈને રૂ.872 કરોડ વધારાના આપવા પડશે. એટલે કે, દરેક મેચના રૂ.54.5 કરોડ.

LEAVE A REPLY

Please enter your comment!
Please enter your name here