તુર્કી-ઈરાન સીમા પર 5.7 તીવ્રતાનો ભૂકંપ, 9 લોકોના મોત

0
7

એજન્સી, ઈસ્તાંબુલ

તુર્કી-ઈરાનની સીમા પર રવિવારે 5.7ની તીવ્રતાનો ભૂકંપ આવ્યો હતો. જેને કારણે 9 લોકોના મોત થઈ ગયા છે. આ ઉપરાંત 37 ઈજાગ્રસ્ત થયા હોવાના પણ એહવાલ પ્રાપ્ત થયા છે. તુર્કીના ગૃહમંત્રીએ જણાવ્યું છે કે બચાવ દળ ઘટનાસ્થળ પર હાજર છે. મંત્રી સુલેમાન સોયલુના જણાવ્યા મુજબ, મૃતકોમાં ત્રણ બાળકોનો સમાવેશ થાય છે. ભૂકંપને કારણે 1066 ઈમારતો ધારાશાયી થઈ ગઈ છે.

યુરોપિયન-ભૂમધ્ય ભૂકંપીય કેન્દ્ર મુજબ, તુર્કી-ઈરાન સીમા પર 5.7 તીવ્રતાના ભૂકંપના આંચકા અનુભવાયા હતા. ભૂકંપનું કેન્દ્ર બંને દેશોની સરહદ પર પાંચ કિમી ઊંડાણમાં હોવાનું જણાવવામાં આવ્યું છે. મીડિયા રિપોર્ટ્સ મુજબ, ભૂકંપથી 43 ગામ પ્રભાવિત થયા છે.

ઈરાન અને તર્કી વિશ્વના સૌથી વધારે ભૂકંપથી પ્રભાવિત દેશોમાં સામેલ છે. ગયા મહિને તુર્કીમાં ત્રાટકેલા ભૂકંપમાં 40 લોકોના મોત થયા હતા.

LEAVE A REPLY

Please enter your comment!
Please enter your name here