એન્ફોર્સમેન્ટ ડિરેક્ટોરેટ (ED) એ યુટ્યુબર એલ્વિશ યાદવ અને સિંગર ફાઝિલપુરિયા વિરુદ્ધ મોટી કાર્યવાહી કરી છે. EDએ એલ્વિશ યાદવ અને સિંગર ફાઝિલપુરિયાની સંપત્તિ જપ્ત કરી છે. EDએ યુપી અને હરિયાણામાં મિલકતો જપ્ત કરી છે. EDએ આ પહેલા એલ્વિશ યાદવ અને સિંગર ફાઝિલપુરિયાના નિવેદન પણ નોંધ્યા છે અને લાંબી પૂછપરછ બાદ કરોડો રૂપિયાની સંપત્તિઓ જપ્ત કરવામાં આવી છે.
એલ્વિશ યાદવની નોઈડા પોલીસે સાપના ઝેરની ખરીદી અને વેચાણના કેસમાં ધરપકડ કરી હતી, ત્યારબાદ EDએ તેની સામે મની લોન્ડરિંગનો કેસ નોંધ્યો હતો.
આ પહેલા હરિયાણવી ગાયક રાહુલ યાદવ ઉર્ફે રાહુલ ફાઝિલપુરિયા અને એલ્વિશ યાદવની ED અધિકારીઓ દ્વારા લાંબા સમય સુધી પૂછપરછ કરવામાં આવી હતી, રાહુલ ફાઝિલપુરિયા યુટ્યુબર અને બિગ બોસ OTT સીઝન 2 વિજેતા એલ્વિશ યાદવનો મિત્ર છે.એન્ફોર્સમેન્ટ ડિરેક્ટોરેટનો આરોપ છે કે એલ્વિશ યાદવે કથિત રીતે રેવ પાર્ટીઓનું આયોજન કરવા માટે ગુનામાંથી મળેલી રકમ અને ગેરકાયદેસર ભંડોળનો ઉપયોગ કરવા માટે રાહુલ ફાઝિલપુરિયાની મદદ લીધી હતી.
એન્ફોર્સમેન્ટ ડિરેક્ટોરેટે એલ્વિશ યાદવ સામે રેવ પાર્ટી કેસમાં મની લોન્ડરિંગનો કેસ નોંધ્યો હતો, જ્યાં કથિત રીતે સાપનું ઝેર આપવામાં આવ્યું હતું.
