Tuesday, September 21, 2021
Homeકન્નડ 'બિગ બોસ'ની પૂર્વ સ્પર્ધક જયશ્રી રામૈયાએ પંખા સાથે લટકીને આત્મહત્યા કરી,...
Array

કન્નડ ‘બિગ બોસ’ની પૂર્વ સ્પર્ધક જયશ્રી રામૈયાએ પંખા સાથે લટકીને આત્મહત્યા કરી, બેંગલુરુના આશ્રમમાં સારવાર કરાવતી હતી

કન્નડ એક્ટ્રેસ તથા ‘બિગ બોસ’ કન્નડની પૂર્વ સ્પર્ધક જયશ્રી રામૈયાએ સોમવાર, 25 જાન્યુઆરીના રોજ આત્મહત્યા કરી હતી. જયશ્રી બેંગલુરુના જે આશ્રમમાં સારવાર કરાવતી હતી, તે જ આશ્રમના રૂમમાંથી લટકતી હાલતમાં મળી આવી હતી. રિપોર્ટ પ્રમાણે, જયશ્રી લાંબા સમયથી ડિપ્રેશનમાં હતી. તે સંધ્યા કિરણ આશ્રમમાં રહીને સારવાર કરાવતી હતી.

જયશ્રી રામૈયા કન્નડ ‘બિગ બોસ’ની સિઝન 3માં જોવા મળી હતી. ગયા વર્ષે જુલાઈ, 2020માં એક્ટ્રેસે સોશિયલ મીડિયામાં પોસ્ટ શૅર કરીને જીવન પ્રત્યેની નિરાશા જાહેર કરીને ઈચ્છા-મૃત્યુની વાત કરી હતી. જોકે, પછી તેણે આ પોસ્ટ ડિલીટ કરી નાખી હતી.

તે સમયે જયશ્રીએ પોસ્ટ શૅર કરીને કહ્યું હતું, ‘દુનિયા તથા તણાવને અલવિદા. હું આ બધું પબ્લિસિટી માટે કરતી નથી. હું સંદીપ સર પાસેથી આર્થિક મદદની આશા પણ રાખતી નથી. હું આર્થિક રીતે મજબૂત છું, પરંતુ ઘણી જ તણાવમાં છું. હું જીવનમાં અનેક મુશ્કેલીઓ સામે ઝઝૂમી રહી છું. મને નાનપણથી બસ વિશ્વાસઘાત જ મળ્યો છે અને હું આમાંથી બહાર આવી શકી નથી. હું એક લુઝર છું. મને દયા મૃત્યુ મળવું જોઈએ. હું હજી પણ આ અપેક્ષા રાખી રહી છું. હું એક સારી યુવતી નથી. પ્લીઝ…પ્લીઝ મને દયા મૃત્યુ આપો.’

કિચ્ચા સુદીપના એક ફોન કોલે જીવ બચાવ્યો

ગયા વર્ષે જુલાઈ, 2020માં જયશ્રીએ સોશિયલ મીડિયામાં એક લાઈવ સેશન કર્યું હતું. આ સેશન બાદ કિચ્ચાએ ફોન કરીને એક્ટ્રેસ સાથે વાત કરી હતી. જયશ્રીએ આ વાતનો ઉલ્લેખ પણ એક સોશિયલ મીડિયા પોસ્ટમાં કર્યો હતો અને કહ્યું હતું, ‘મારી ચિંતા માટે બહુ જ આભાર સુદીપ સર. તમે તમારી ટીમની સાથે મારો જીવ બચાવ્યો. મારા ચાહકો તથા મિત્રોને પ્રેમ. માફ કરો, મારા કારણે તમને મુશ્કેલી થઈ. હું હવે મારા જૂના ફોર્મમાં પરત આવી ગઈ છું. મીડિયાનો પણ સપોર્ટ કરવા બદલ આભાર. બહુ જ બધો પ્રેમ.’

બેકાર હોવાને કારણે એક્ટ્રેસ ચિંતામાં હતી

સોમવાર, 25 જાન્યુઆરીના રોજ જયશ્રીના પરિવાર તથા મિત્રોએ અનેક મેસેજ તથા ફોન કર્યા હતા. જોકે, તેણે જવાબ આપ્યો નહોતો. આથી જ મિત્રોએ આશ્રમના મેનેજમેન્ટને વાત કરી હતી. જ્યારે આશ્રમના અધિકારીઓ રૂમમાં ગયા ત્યારે જયશ્રીની ડેડબોડી પંખા સાથે લટકતી હાલતમાં મળી આવી હતી. ત્યારબાદ મેનેજમેન્ટે પોલીસને જાણ કરી હતી.

માનવામાં આવે છે કે જયશ્રી પાસે છેલ્લાં ઘણાં સમયથી કોઈ કામ નહોતું. બેંગલુરુની મદનાયકાનહલ્લી પોલીસના મતે, જયશ્રીએ રવિવાર (24 જાન્યુઆરી) રાત્રે ગળેફાંસો ખાધો હતો. જયશ્રી ‘બિગ બોસ’ ઉપરાંત કન્નડ ફિલ્મ ‘ઉપ્પુ હુલી ખારા’ તથા ‘ગોથિલ્લા’માં જોવા મળી હતી.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments