Sunday, November 28, 2021
Homeબોલેરોથી લઈને અલ્ટુરસ G4 સુધી, મહિન્દ્રાની આ 6 SUV પર 3 લાખ...
Array

બોલેરોથી લઈને અલ્ટુરસ G4 સુધી, મહિન્દ્રાની આ 6 SUV પર 3 લાખ સુધીનું ડિસ્કાઉન્ટ , જુઓ લિસ્ટ

મહિન્દ્રા ડીલરશીપ ડિસેમ્બર 2020માં પોતાની પ્રોડક્ટ રેન્જમાં બંપર ડિસ્કાઉન્ટ આપી રહી છે. પ્રોડક્ટના આધારે, પસંદગીના મહિન્દ્રા ડીલર 20,000 રૂપિયાથી ત્રણ લાખ રૂપિયા સુધીનું ડિસ્કાઉન્ટ ઓફર કરી રહ્યા છે. જેમાં કેશ ડિસ્કાઉન્ટ, એક્સચેન્જ બોનસ, કોર્પોરેટ ડિસ્કાઉન્ટ અને કોમ્પલિમેન્ટરી એક્સેસરીઝ પેકેજ આપી રહી છે. આ ડિસ્કાઉન્ટ બોલેરો, સ્કોર્પિયો, મરાજો, XUV 300,XUV 500 અને ફ્લેગશિપ અલ્ટુરસ G4 પર આપવામાં આવી રહ્યું છે. ડિસેમ્બર 2020માં, મહિન્દ્રા KUV100 NXT અથવા નવી થાર ઓફ-રોડર પર કોઈ ડિસ્કાઉન્ટ અથવા બેનિફિટ નથી આપવામાં આવી રહ્યા.

1. મહિન્દ્રા બોલેરો

  • મહિન્દ્રા બોલેરો SUV ભારતમાં સૌથી લોકપ્રિય SUVમાંથી એક છે, ખાસ કરીને ગ્રામીણ માર્કેટમાં. ડિસેમ્બર 2020માં, મહિન્દ્રા ડીલર બોલેરો પર કુલ 20,500 રૂપિયા સુધીનું ડિસ્કાઉન્ટ આપી રહ્યા છે. તેમાં 6500 રૂપિયાનું કેશ ડિસ્કાઉન્ટ, 4 હજાર રૂપિયાનું કોર્પોરેટ ડિસ્કાઉન્ટ અને 10 હજાર રૂપિયાનું એક્સચેન્જ બોનસ સામેલ છે.

2. મહિન્દ્રા મરાજો

  • મહિન્દ્રા મરાજો, બ્રાન્ડની મિડ સાઈઝ MPV છે. માર્કેટમાં મરાજોની ટક્કર મારુતિ સુઝુકી અર્ટિગા અને XL6 જેવી ગાડીઓ સાથે છે. જ્યારે કાર MG હેક્ટર પ્લસ અને ટોયોટા ઈનોવા જેવી પ્રીમિયમ મોડેલને પણ ટક્કર આપી રહી છે.
  • કંપની તેના પર 15 હજાર રૂપિયાનું એક્સચેન્જ બોનસ, 15 હજારનું કેશ ડિસ્કાઉન્ટ અને 5 હજારની કોમ્પલિમેન્ટરી એક્સેસરીઝ પેકેજ ઓફર કરી રહી છે. એટલે કે આ મહિને કાર પર કુલ 26 હજાર રૂપિયા બચાવી શકાય છે.

3. મહિન્દ્રા સ્કોર્પિયો

  • મહિન્દ્રા સ્કોર્પિયો લોન્ચિંગ બાદથી જ કંપનીની એક સક્સેસફૂલ SUVમાંથી એક છે. અપેક્ષા છે કે કંપની ટૂંક સમયમાં તેનું નેક્સ્ટ જનરેશન મોડેલ માર્કેટમાં લોન્ચ કરશે, જો કે, મહિન્દ્રાએ પુષ્ટિ નથી કરી કે ક્યારે આવશે. વર્તમાન સમયમાં, મહિન્દ્રા આ મહિને માત્ર સ્કોર્પિયોના S5 વેરિઅન્ટ પર છૂટ અને લાભ આપી રહી છે.
  • તેના પર 20,000 રૂપિયા સુધીનું કેશ ડિસ્કાઉન્ટ, 25,000 રૂપિયાનું એક્સચેન્જ બોનસ, 5,000 રૂપિયાનું કોર્પોરેટ ડિસ્કાઉન્ટ અને એક એક્સેસરીઝ પેકેજ છે, જેની કિંમત 10,000 રૂપિયા છે અને તેના પર કુલ 60,000 રૂપિયા સુધી બચાવી શકાય છે.

4. મહિન્દ્રા XUV300

  • મહિન્દ્રા XUV300 કંપનીની એક પોપ્યુલર સબ-કોમ્પેક્ટ SUV છે. મહિન્દ્રા XUV 300ના દરેક પેટ્રોલ મોડલ પર 25 હજાર રૂપિયાનું એક્સચેન્જ બોનસ અને 5 હજાર રૂપિયાનું કોર્પોરેટ ડિસ્કાઉન્ટ આપી રહી છે.
  • પરંતુ ડીઝલ વેરિઅન્ટ 1000 રૂપિયાના કેશ ડિસ્કાઉન્ટ, 25 હજાર રૂપિયાનું એક્સચેન્જ બોનસ, 5000 રૂપિયાનું કોર્પોરેટ ડિસ્કાઉન્ટ સાથે 6500 રૂપિયાની એક્સેસરિઝમાં અવેલેબલ છે,

5. મહિન્દ્રા XUV500

  • ટૂંક સમયમાં નવી મહિન્દ્રા XUV500 લોન્ચ થવાની છે. ટેસ્ટિંગ દરમિયાન ઘણીવાર ભારતીય રસ્તા પર દેખાઈ ચૂકી છે. જો કે, જૂનું મોડલ હજુ પણ વેચાણ માટે અવેલેબલ છે અને માગ વધારવા માટે XUV500 પર 30 હજાર રૂપિયાનું એક્સચેન્જ બોનસ, 13 હજાર રૂપિયાનું કેશ ડિસ્કાઉન્ટ અને 9 હજાર રૂપિયાની કોર્પોરેટ ડિસ્કાઉન્ટ મળી રહ્યું છે.
  • જો કે, આ બધી ઓફર W5 અને W7 વેરિઅન્ટ માટે છે. અન્ય દરેક ટ્રીમ લેવલ્સ પર મહિન્દ્રા 5 હજાર રૂપિયાનું એડિશનલ એક્સેસરિઝ પેકેજ પણ આપી રહી છે.

6. મહિન્દ્રા અલ્ટુરસ G4

  • ફ્લેગશિપ SUV તરીકે મહિન્દ્રાએ અલ્ટુરસ G4 માર્કેટમાં ઉતારી છે. જો કે, તે ટોયોટા ફોર્ચ્યુનર અને ફોર્ડ એન્ડેવર જેટલી લોકપ્રિયતા મેળવવામાં સફળ ના થઇ. તેના વેચાણ માટે કંપની 2.2 લાખ રૂપિયાનું કેશ ડિસ્કાઉન્ટ આપી રહી છે.
  • આ ઉપરાંત તેની પર 50 હજાર રૂપિયાનું એક્સચેન્જ બોનસ, 16 હજાર રૂપિયાનું કોર્પોરેટ ડિસ્કાઉન્ટ અને 20 હજાર રૂપિયાનું એક્સેસરિઝ પેકેજ પણ મળશે.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments