Saturday, September 25, 2021
Homeસરકારને સમય જોઈએ : ગૃહ મંત્રાલયે લોકસભા અને રાજ્યસભા પાસે વધુ 6...
Array

સરકારને સમય જોઈએ : ગૃહ મંત્રાલયે લોકસભા અને રાજ્યસભા પાસે વધુ 6 મહિના માંગ્યા

2019માં સંસદમાં પસાર થઈને કાયદો બની ચૂકેલ CAA (નાગરિકતા સંશોધન કાયદો)ને લાગુ કરવા માટે હજી 6 મહિનાનો સમય વધુ લાગશે. કોંગ્રેસ સાંસદ ગૌરવ ગોગાઈના એક સવાલનો જવાબ આપતા ગૃહ રાજ્ય મંત્રી નિત્યાનંદ રાયે મંગળવારે સંસદમાં કહ્યું હતું કે, ‘ગૃહ મંત્રાલયે કાયદો લાગુ કરવાના નિયમ બનાવવા માટે 9 જાન્યુઆરી 2020 સુધીનો સમય જોઈએ. તેમણે વધુમાં કહ્યું હતું કે રાજ્યસભા અને લોકસભાની કમિટીને કાયદો લાગુ કરવા માટે હજી વધુ સમય આપવામાં આવે.

CAA કાયદો શું છે?
ગયા વર્ષે જ્યારે દેશમાં CAA કાયદો બન્યો તો દેશભરમાં તેનો ભારે વિરોધ થયો હતો. દિલ્હીનું શાહીન બાગ આ કાયદાના વિરોધ સાથે જોડાયેલા આંદોલનની કેન્દ્ર બિંદુ હતું. કાયદામાં અફઘાનિસ્તાન, બાંગ્લાદેશ અને પાકિસ્તાનથી આવેલા હિન્દુ, શીખ, બૌદ્ધ, જૈન, પારસી અને ઈસાઈ ધર્મના પ્રવાસીઓ માટે નાગરિકતા કાયદાના નિયમોને સરળ બનાવવામાં આવ્યા. આ પહેલા નાગરિક્ત્વ માટે 11 વર્ષ ભારતમાં રહેવું જરૂરી હતું, આ સામને ઘટાડીને 1 થી 6 વર્ષ કરી દેવામાં આવ્યો છે.

બંને ગૃહમાં આ રીતે પાસ થયું હતું બિલ
11 ડિસેમ્બર 2019ના રોજ રાજયસભામાં નાગરિકતા સંશોધન બિલ 2019 (CAB)ના પક્ષમાં 125 અને વિરુદ્ધ 99 મત પડ્યા હતા. બીજા દિવસે 12 ડિસેમ્બર 2019 ના રોજ રાષ્ટ્રપતિની મંજૂરી મળી ગઈ. દેશભરમાં ભારે વિરોધ વચ્ચે બંને ગૃહો દ્વારા પસાર કરવામાં આવ્યા બાદ આ ખરડો કાયદાનું સ્વરૂપ લઈ ચૂક્યો હતો. ગૃહમંત્રી અમિત શાહે 9 ડિસેમ્બરે લોકસભામાં તેની રજૂઆત કરી હતી.

1955 ના કાયદા માટે કરવામાં આવ્યા બદલાવ
આ પહેલા 2016માં નાગરિકતા કાયદામાં બદલાવ માટે નાગરિકતા સંશોધન બિલ 2016 (CAA) રજૂ કરવામાં આવ્યું. તેમાં 1955ના કાયદામાં કેટલાક બદલાવ કરવાના હતા. બદલાવ હતા, ભારતના ત્રણ પાડોશી દેશ બાંગલાદેશ, પાકિસ્તાન અને અફઘાનિસ્તાનથી આવેલા ગેરકાયદેસર મુસ્લિમ શરણાર્થીઓને નાગરિકત્વ આપવું. 12 ઓગસ્ટ, 2016 ના રોજ તેને સંયુક્ત સંસદીય સમિતિ પાસે મોકલવામાં આવ્યો. સમિતિએ 7 જાન્યુઆરી 2019 ના રોજ પોતાનો અહેવાલ આપ્યો હતો.

બીજી વખત પાસ કરાવવો પડ્યો હતો કાયદો
સંસદીય પ્રક્રિયાનો એક નિયમ છે કે જો કોઈ બિલ લોકસભામાં પાસ થઇ જાય છે અને રાજ્યસભામાં પાસ ન થાય અને આ દરમિયાન જો લોકસભાનો કાર્યકાળ સમાપ્ત થઈ જાય છે તો તે બિલ અસરમાં રહેતું નથી. તેને ફરીથી બંને ગૃહમાં પાસ કરાવવું જરુરી બને છે. આ કારણે જ આ કાયદાને 2019માં ફરીથી લોકસભા અને રાજ્યસભામાં પાસ કરાવવો પડ્યો.

કાયદાના વિરોધમાં થયેલા રમખાણમાં 50 થી વધુ લોકોના મોત થયા
લોકસભામાં આવતા પહેલા જ આ બિલ વિવાદમાં હતું, જ્યારે તે કાયદો બની ગયો ત્યાર બાદ તેનો વિરોધ વધુ ઉગ્ર બન્યો હતો. દિલ્હીના ઘણા વિસ્તારોમાં પ્રદર્શન થયા હતા. 23 ફેબ્રુઆરી 2020ની રાત્રે જાફરાબાદ મેટ્રો સ્ટેશન પર ભીડ એકઠી થવાને કારણે થયેલી હિંસા, રમખાણમાં ફેરવાઇ ગઈ. દિલ્હીના લગભગ 15 જેટલા વિસ્તારોમાં રમખાણ ફેલાયા હતા. કેટલાક લોકોને જીવતા સળગાવી દેવામાં આવ્યા હતા, તો કેટલાક લોકો પર છરી અને તલવાર વડે હુમલો કરીને તેમને મોતને ઘાટ ઉતારવામાં આવ્યા. આ રમાખણમાં 50 થી વધુ લોકોના મોત થઈ ગયા હતા. અનેક લોકો ઘાયલ પણ થયા હતા.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments