Saturday, September 18, 2021
Homeગુજરાતમાં એક જ દિવસમાં વેક્સિનેશનમાં અડધોઅડધ ઘટાડો
Array

ગુજરાતમાં એક જ દિવસમાં વેક્સિનેશનમાં અડધોઅડધ ઘટાડો

કોરોના સામેના મહાયુદ્ધમાં વેક્સિનેશન અમોઘ શસ્ત્ર છે. અન્ય રાજ્યોમાં જ્યાં વેક્સિનેશનનું પ્રમાણ સતત વધારવામાં આવી રહ્યું છે ત્યાં ગુજરાતમાં વેક્સિનેશનનું પ્રમાણ આશ્ચર્યજનક રીતે ઘટી રહ્યું છે. રાજ્યમાં રવિવારે ૩.૨૨ લાખ જ્યારે સોમવારે માત્ર ૧.૭૫ લાખને કોરોના રસી આપવામાં આવી હતી. આમ, એક જ દિવસમાં રસીકરણમાં અડધાથી પણ વધુનો ઘટાડો નોંધાયો છે. સોમવારે એક જ દિવસમાં સૌથી વધુ રસીકરણ થયું હોય તેવા ટોચના ૧૨ રાજ્યોમાં પણ ગુજરાતનો સમાવેશ નથી.

સોમવારે આંધ્ર પ્રદેશ-મધ્ય પ્રદેશમાંથી ૧૦ લાખથી વધુ લોકોને કોરોના રસીથી સુરક્ષિત કરાયા હતાં. જેની સરખામણીએ ગુજરાતમાં માત્ર ૧,૭૫,૯૭૧ વ્યક્તિને કોરોના રસી આપવામાં આવી હતી. જેમાં ડાંગમાંથી સૌથી ઓછાં ૫૦૪, નવસારીમાંથી ૯૦૭ને જ કોરોના રસી અપાઇ હતી. સોમવારે વડોદરા કોર્પોરેશનમાંથી સૌથી વધુ ૧૪૨૭૪, સુરત કોર્પોરેશનમાંથી ૧૨૦૪૪, અમદાવાદ કોર્પોરેશનમાંથી ૧૦૪૯૭, ગીર સોમનાથ-દેવભૂમિ દ્વારકામાંથી ૭૧૯૧ને કોરોના રસી આપવામાં આવી હતી. રાજ્યના મોટાભાગના જિલ્લામાં રસીકરણનું પ્રમાણ ૫ હજારથી ઓછું જ નોંધાયું હતું.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments