Monday, January 24, 2022
Homeજાન્યુઆરી 2021 માં ઘરેલુ માર્કેટમાં વધુ ગાડીઓના વેચાણની સાથે હીરો મોટોકોર્પ સેલ્સ...
Array

જાન્યુઆરી 2021 માં ઘરેલુ માર્કેટમાં વધુ ગાડીઓના વેચાણની સાથે હીરો મોટોકોર્પ સેલ્સ ચાર્ટમાં ટોપ પર

જાન્યુઆરી 2021માં ઘરેલુ માર્કેટમાં 4,67,753 ગાડીઓના વેચાણની સાથે હીરો મોટોકોર્પ સેલ્સ ચાર્ટમાં ટોપ પર છે. તેમ છતાં, 4.2%નો વાર્ષિક ઘટાડો નોંધાયો છે કેમ કે ગત વર્ષે કંપનીએ આ જ સમયગાળામાં 4,88,069 ગાડીઓનું વેચાણ કર્યું હતું. સેલ્સ ચાર્ટમાં એક્ટિવા સૌથી વધુ વેચાણ કરનાર સ્કૂટર રહ્યું. તેમજ રોયલ એનફિલ્ડ ક્લાસિક 350એ પણ સૌથી વધુ વેચાણ કરનાર ટૂ-વ્હીલરના લિસ્ટમાં પોતાની જગ્યા બનાવી. જાણો ગત મહિને કયા ટૂ-વ્હીલર સૌથી વધુ વેચાયા હતા…

જાન્યુઆરી 2021માં સૌથી વધુ વેચાયેવા ટૂ-વ્હીલર

1. હીરો સ્પ્લેન્ડર- હીરોએ ગત મહિને 2,25,382 સ્પ્લેન્ડર મોટરસાયકલનું વેચાણ કર્યું હતું. તેમાં વાર્ષિક 1.26%નો વધારો છે. ગત વર્ષે આ જ સમયગાળામાં કંપનીએ કુલ 2,22,578 સ્પ્લેન્ડરનું વેચાણ કર્યું હતું.

2. હોન્ડા એક્ટિવા- સેલ્સ ચાર્ટમાં સ્પ્લેન્ડર પછી હોન્ડાનું પોપ્યુલર સ્કૂટર એક્ટિવા બીજા સ્થાન પર છે. જાન્યુઆરી 2020માં કુલ 2,34,749 એક્ટિવાનું વેચાણ થયું. જો કે, તેમાં વાર્ષિક 9.84%નો ઘટાડો નોંધાયો છે, કેમ કે જાન્યુઆરી 2020માં કંપનીએ 2,11,660 એક્ટિવા વેચી હતી.

3. હીરો HF ડીલક્સ- તે હીરોની સૌથી વધારે વેચાયેલી મોટરસાયકલ છે. સેલ્સ ચાર્ટમાં ડીલક્સ ત્રીજા નંબરે છે. ગત મહિને કુલ 1,34,860 ડીલક્સનું વેચાણ થયું હતું. જો કે વાર્ષિક 29.71%નો ઘટાડો નોંધાયો છે. ગત વર્ષે આ જ સમયગાળા દરમિયાન 1,91,875 ડીલક્સનું વેચાણ થયું હતું.

4. હોન્ડા CB શાઈન- શાઈનના વેચાણમાં વાર્ષિક રીતે સૌથી વધારે 128%નો ગ્રોથ રહ્યો. ગત મહિને હોન્ડાએ કુલ 1,16,222 CB શાઈન મોટરસાયકલ વેચી હતી. જ્યારે ગત વર્ષે આ જ સમયગાળામાં કંપનીએ માત્ર 50,931 શાઈનનું વેચાણ કર્યું હતું.

5. બજાજ પલ્સર- બજાજની પોપ્યુલર મોટરસાયકલ પલ્સર સેલ્સ ચાર્ટમાં પાંચમાં સ્થાન પર છે. જાન્યુઆરીમાં કુલ 97,580 પલ્સર વેચાઈ હતી, જ્યારે ગત વર્ષે આ જ સમયગાળા દરમિયાન 68,354 પલ્સર વેચાઈ હતી. વાર્ષિક રીતે તેમાં 42.76%નો વધારે નોંધાયો છે.

6. TVS XL100- XL100 આ વખતે પણ TVSનું સૌથી વધારે વેચાણ કરનાર ટૂ-વ્હીલર રહ્યું. જાન્યુઆરીમાં તેના 59,007 યુનિટ વેચાયા હતા. વાર્ષિક 12.34%ની વૃદ્ધિ નોંધાઈ. ગત વર્ષે જાન્યુઆરીમાં તેના 52,252 યુનિટ વેચાયા હતા.

7.TVS જ્યુપિટર- એક્ટિવા બાદ જ્યુપિટર સૌથી વધુ વેચાણ કરનાર સ્કૂટર રહ્યું. જાન્યુઆરીમાં તેના કુલ 51,952 યુનિટ વેચાયા હતા, જ્યારે ગત વર્ષે આ જ સમયગાળામાં તેના માત્ર 38,689 યુનિટ વેચાયા હતા. વાર્ષિક રીતે 34.28%નો વધારો થયો છે.

8. સુઝુકી એક્સેસ- 125CCનું આ સ્કૂટર સેલ્સ ચાર્ટમાં 8મા ક્રમે છે. જાન્યુઆરીમાં તેના કુલ 45,475 યુનિટ વેચાયા હતા, જ્યારે ગત વર્ષે આ જ સમયગાળામાં તેના 54,595 યુનિટનું વેચાણ થયું હતું. વાર્ષિક 16.70%નો ઘટાડો નોંધાયો છે.

9. હીરો પેશન- પેશનના વેચાણમાં વાર્ષિક આધારે 60.42%નો વધારો નોંધાયો, તેમ છતાં પેશન સેલ્સ ચાર્ટમાં 9મા ક્રમે છે. જાન્યુઆરીમાં હીરોએ 43,162 પેશન મોટરસાયકલ વેચી હતી, જ્યારે ગત વર્ષે આ જ સમયગાળામાં કુલ 26,905 પેશન વેચી હતી.

10. એનફિલ્ડ ક્લાસિક-350- ક્લાસિક 350ના વેચાણમાં વાર્ષિક આધારે સામાન્ય વધારો થયો છે. જાન્યુઆરીમાં કંપનીએ 40,875 ક્લાસિક 350 મોટરસાયકલ વેચી હતી, જ્યારે ગત વર્ષે આ જ સમયગાળામાં 40,834 ક્લાસિક 350 મોટરસાયકલ વેચી હતી. આવનાર મહિનામાં આ આંકડો વધવાની આશા છે કેમ કે કંપની તેનું નેક્સ્ટ જનરેશન મોડેલ લોન્ચ કરવાની છે.

RELATED ARTICLES

LEAVE A REPLY

Please enter your comment!
Please enter your name here

Most Popular