આજે હોળીનો પર્વ છે. લોકો ધૂમધામથી હોળી પર્વની ઉજવણી કરી રહ્યા છે. નાના બાળકોથી લઇને સૌ કોઇ હોળીના રંગે રંગાઇ ગયા છે. બીજી તરફ રમઝાન પર્વ છે. ત્યારે યુપી સહિત વિવિધ રાજ્યોમાં શાંતિપૂર્ણ માહોલમાં હોળી ઉજવાય તે માટે પોલીસ પ્રશાસન સજ્જ છે. ત્યારે આજે વાત કરીએ એવા એક મંદિરની કે જ્યાં 46 વર્ષમાં પહેલીવાર હોળી રમાઇ. આ મંદિર છે ખગ્ગુસરાય સ્થિત કાર્તિકેય મહાદેવ મંદિરની.
સંભલના ખગ્ગુસરાય સ્થિત કાર્તિકેય મહાદેવ મંદિરમાં સોમવારે 46 વર્ષ પછી હોળીની ઉજવણી કરવામાં આવી હતી. આ દરમિયાન ત્યાં કડક સુરક્ષા વ્યવસ્થા કરવામાં આવી હતી. લોકોએ પોલીસ અધિકારીઓને ગુલાલ પણ લગાવ્યો અને મુખ્યમંત્રી યોગી આદિત્યનાથનો આભાર માન્યો. તમને જણાવી દઈએ કે 46 વર્ષ પહેલા થયેલા રમખાણો બાદ કાર્તિકેય મંદિર બંધ કરી દેવામાં આવ્યું હતું અને તેનો કબજો લેવામાં આવ્યો હતો. ગયા વર્ષે જ સંભલ જિલ્લા વહીવટીતંત્રે આ મંદિર ખોલ્યું અને ત્યાં પૂજા કરવાનું શરૂ કર્યું.
46 વર્ષ પછી મંદિર ખુલ્યા બાદ વિશ્વ હિન્દુ પરિષદે આ વખતે હોળી માટે ખાસ વ્યવસ્થા કરી છે. આ વખતે VHP એ ઘરે ઘરે જઈને કેસર ગુલાલનું વિતરણ કર્યું. રંગભરી એકાદશી નિમિત્તે લોકોએ મંદિરમાં રંગો અને ગુલાલ ફેંક્યા. આ દરમિયાન મોટી સંખ્યામાં પોલીસ દળ પણ હાજર હતું. મંદિરની આસપાસ દેખરેખ રાખવામાં આવી રહી છે. તમને જણાવી દઈએ કે આ મંદિર જામા મસ્જિદથી માત્ર 200 મીટર દૂર છે. તેથી પોલીસ વહીવટીતંત્ર સંપૂર્ણપણે સતર્ક છે.
ઉલ્લેખનીય છે કે 1978ના રમખાણો પછી આ વિસ્તારમાંથી હિન્દુ વસ્તી સ્થળાંતરિત થઈ ગઈ હતી. ત્યારથી કાર્તિકેય મહાદેવ મંદિરમાં પૂજા વિધિઓ બંધ કરી દેવામાં આવી હતી અને લોકોએ તેનો કબજો લઈ લીધો હતો. ગયા વર્ષે 24 નવેમ્બરના રોજ જામા મસ્જિદ સરવે દરમિયાન ફાટી નીકળેલી હિંસા બાદ, સંભલ જિલ્લા વહીવટીતંત્રે આ મંદિર શોધી કાઢ્યું, તેને સાફ કર્યું અને ત્યાં પૂજા કરવાનું શરૂ કર્યું. તમને જણાવી દઈએ કે 46 વર્ષ પછી મંદિર ખુલ્યા બાદ લોકો હોળીને લઈને લોકો ખૂબ જ ઉત્સાહિત છે અને તેઓ મુખ્યમંત્રી યોગી આદિત્યનાથ અને જિલ્લા વહીવટીતંત્રનો આભાર માની રહ્યા છે.
