કોરોના ગુજરાત : છેલ્લા 12 કલાકમાં અમદાવાદ કરતા સુરતમાં કેસો વધ્યા, 127 નવા કેસ સાથે કુલ પોઝિટિવ દર્દી 2066,

0
43

રાજ્યમાં કોરોના પોઝિટિવ દર્દીના નવા 127 કેસ નોંધાયા છે. આ સાથે રાજ્યમાં કુલ પોઝિટિવ દર્દીઓની સંખ્યા 2066 થઇ છે. જ્યારે વધુ 6 લોકોના મોત નીપજતાં રાજ્યમાં કુલ મૃત્યુઆંક 77એ પહોંચ્યો છે. છેલ્લા 12 કલાકમાં રાજ્યમાં અમદાવાદ કરતા સુરતમાં પોઝિટિવ દર્દીઓની સંખ્યામાં વધારો થયો છે. નવા પોઝિટિવ કેસો અંગે માહિતી આપતા આરોગ્ય અગ્ર સચિવ જયંતિ રવિએ જણાવ્યું છેકે, સુરતમાં 69, અમદાવાદમાં 50 કેસ નોઁધાયા છે. આ ઉપરાંત રાજકોટમાં 2, અરવલ્લી, ગીર-સોમનાથ, તાપી અને ખેડામાં 1-1 અને વલસાડમાં 2 કેસ નોઁધાયા છે. તાપી અને વલસાડ નવા જિલ્લા સાથે રાજ્યના 27 જિલ્લાઓ કોરોનાની ઝપેટમાં આવી ગયા છે. છેલ્લા 24 કલાકમાં 3339 ટેસ્ટ કરવામાં આવ્યા છે, જેમાંથી 215 પોઝિટિવ અને 3124 નેગેટિવ આવ્યા છે.

રાજકોટના ગ્રામ્ય વિસ્તારમાં ઉદ્યોગ અને છૂટછાટ મળતા હાઈવ પર વાહનોની લાંબી કતારો જોવા મળી
કેન્દ્ર સરકારની ગાઈડલાઈન મુજબ ભાવનગરમાં અંગ શીપ બ્રેકિંગ યાર્ડની કામગીરી શરૂ
મહેસાણા જિલ્લામાં 6 માર્કેટિંગ યાર્ડ શરૂ, ઉંઝા માર્કેટ યાર્ડ બંધ રહેશે

કુલ દર્દી 2066, 77ના મોત અને 131 ડિસ્ચાર્જ

શહેર પોઝિટિવ કેસ મોત ડિસ્ચાર્જ
અમદાવાદ 1298 43 49
વડોદરા 188 07 08
સુરત 338 10 11
રાજકોટ 40 00 09
ભાવનગર 32 05 16
આણંદ 28 02 03
ભરૂચ 23 01 02
ગાંધીનગર 17 02 10
પાટણ 15 01 11
નર્મદા 12 00 00
પંચમહાલ 11 02 00
બનાસકાંઠા 10 00 01
છોટાઉદેપુર 07 00 01
કચ્છ 06 01 00
મહેસાણા 06 00 00
બોટાદ 05 01 00
પોરબંદર 03 00 03
દાહોદ 03 00 00
ખેડા 03 00 00
ગીર-સોમનાથ 03 00 01
જામનગર 01 01 00
મોરબી 01 00 00
સાબરકાંઠા 02 00 01
મહીસાગર 03 00 00
અરવલ્લી 08 01 00
તાપી 01 00 00
વલસાડ 02 00 00
કુલ 2066 77 131

 

ત્રણ જિલ્લામાંથી દર્દીને ડિસ્ચાર્જ કરવામાં આવ્યા

પોરબંદરમાં 3, સાબરકાંઠામાં 2 જ્યારે મોરબીમાં 1 કેસ નોંધાયા બાદ તેઓ સહુને સાજા થવા બદલ ડિસ્ચાર્જ કરવામાં આવ્યા છે. રાજ્યમાં 24 કલાક દરમિયાન 26 લોકોને સાજા થતાં ડિસ્ચાર્જ કરવામાં આવ્યા હતા. તેમાં માત્ર અમદાવાદના જ 20 દર્દીઓને સોમવારે હોસ્પિટલમાંથી સાજા થતાં રજા આપવામાં આવી હતી. કુલ 131ને ડિસ્ચાર્જ કરાયા છે.

મહાનગરોમાં 24મી એપ્રિલ સુધી કર્ફ્યૂ લંબાવાયો

રાજ્યમાં અમદાવાદના કોટ વિસ્તાર સહિત સુરત અને રાજકોટમાં કરફ્યુ લંબાવવામાં આવ્યો છે, રાજ્ય પોલીસ વડા શિવાનંદ ઝાએ આ અંગેની જાહેરાત કરતા કહ્યું કે, રાજ્યના મોટાભાગના કેસ આ ત્રણેય શહેરોમાં નોંધાયા છે. જેને પગલે આ ત્રણેય શહેરમાં 24 એપ્રિલના સવારના 6 વાગ્યા સુધી કરફ્યુ લંબાવવામાં આવ્યો છે. અમદાવાદમાં 34 મોતમાંથી 25 મોત કોટ વિસ્તારના દર્દીના થયા છે. તેમજ રાજકોટમાં પણ 38 દર્દીમાંથી 30 દર્દી જંગલેશ્વરમાં નોંધાયા છે.

LEAVE A REPLY

Please enter your comment!
Please enter your name here