દુનિયાભરમાં માર્ગ અકસ્માતમાં 11% મોત એકલા ભારતમાંઃ ગડકરી

0
7

કેન્દ્રીય માર્ગ પરિવહન મંત્રી નિતિન ગડકરીએ  કહ્યું હતું કે, દુનિયાભરમાં માર્ગ અકસ્માતમાં થતા કુલ મૃત્યુમાં એકલા ભારતમાં 11% મોત થાય છે. તેમણે આ વાત સ્ટોકહોમમાં ચાલી રહેલા ત્રીજા હાઈ-લેવલ ગ્લોબલ કોન્ફરન્સ ઓન રોડ સેફ્ટી ફોર અચીવિંગ ગ્લોબલ ગોલ્સ 2030ને સંબોધિત કરતા કહી હતી. તેમાં 140 દેશોના 1700 પ્રતિનિધીઓએ ભાગ લીધો હતો.

નિતિન ગડકરીએ કહ્યું હતું કે, સંયુક્ત રાષ્ટ્ર દ્વારા માર્ગ સુરક્ષાની સાથે સતત વિકાસ લક્ષ્‍યો (SDG)ને અનુરૂપ દ્રષ્ટિકોણ વિશેષરીતે ભારત જેવા દેશો માટે પ્રાસંગિક છે, જ્યાં સુરક્ષાની સમસ્યા સામાજિક સમાનતા સાથે જોડાયેલી છે. તેમણે જણાવ્યું હતું કે, જળવાયુ સંકટના પડકારને હરાવવા માટે ભારત ઈ-વાહન, ઈ-હાઈવે અને બાયો ફ્યૂઅલનો ઉપયોગ વધારી રહ્યું છે.

જણાવી દઈએ કે, માર્ગ સુરક્ષા અંગે અગાઉ યોજાયેલા એક કાર્યક્રમમાં પરિવહન મંત્રી નિતિન ગડકરીએ કહ્યું હતું કે, દેશમાં થતા કુલ 5 લાખ માર્ગ અકસ્માતમાં આશરે દોઢ લાખ લોકોના મોત થાય છે. તેમણે વધુમાં કહ્યું હતું કે, માર્ગ અકસ્માતમાં અઢીથી ત્રણ લાખ લોકો ઈજાગ્રસ્ત થાય છે.

કેન્દ્રીય માર્ગ પરિવહન મંત્રી નિતિન ગડકરીએ જણાવ્યું હતું કે, દેશભરમાં માર્ગ અકસ્માતમાં 62% મોત 18થી 35 વર્ષની વચ્ચેની ઉંમરના લોકોના થાય છે. માર્ગ અકસ્માતમાં 152780 લોકોના મોત થયા હતા, જ્યારે 446518 લોકો ઈજાગ્રસ્ત થયા હતા. તેમણે આ અંગે અફસોસ વ્યક્ત કરતા જણાવ્યું હતું કે, તેમના મંત્રાલયના તમામ પ્રયાસો આ સંખ્યાને ઓછી કરવામાં નિષ્ફળ રહ્યા છે.

LEAVE A REPLY

Please enter your comment!
Please enter your name here