Tuesday, September 21, 2021
Homeભારતે ઈસ્ટ લદાખમાંથી ઝડપેલા ચીનના સૈનિકને પરત કર્યો : ત્રણ દિવસ પહેલાં...
Array

ભારતે ઈસ્ટ લદાખમાંથી ઝડપેલા ચીનના સૈનિકને પરત કર્યો : ત્રણ દિવસ પહેલાં LAC પાર કરીને આવ્યો હતો.

ભારતીય સેનાએ પોતાની સરહદમાં ઘૂસી આવેલા ચીનની સેનાના સૈનિકને ચીનને પરત કર્યો છે. પીપલ્સ લિબરેશન આર્મીનો આ સૈનિક શુક્રવારે ઈસ્ટ લદાખમાંથી ઝડપાયો હતો. તેને પેંગોન્ગ ત્સોના દક્ષિણ કિનારા પર લાઇન ઓફ એક્ચ્યુઅલ કંટ્રોલ (LAC) પર ભારતીય સરહદમાં આવી ગયા બાદ તેની ધરપકડ કરવામાં આવી હતી.

સૂત્રોએ જણાવ્યું હતું કે ચીનના આ સૈનિકને બોર્ડર પોઈન્ટ પર સવારે 10 વાગે ને 10 મિનિટે પરત કરવામાં આવ્યો હતો. ભારતીય અને ચીનની સેના વચ્ચે આ વિસ્તારમાં આઠ મહિનાથી વધુ સમયથી તણાવ છે. પેંગોન્ગ તળાવ વિસ્તારમાં બંને તરફની અથડામણ બાદ ગત વર્ષે મે મહિનામાં તેની શરૂઆત થઈ હતી. સેનાની તરફથી શનિવારે જણાવ્યું હતું કે PALનો એક સૈનિક LAC પાર કરીને આવી ગયો હતો. ત્યાર બાદ અહીં તહેનાત ભારતીય સેનાના જવાનોએ તેને ઝડપી લીધો હતો.

ચીને કહ્યું હતું- ભૂલથી LAC પાર કરીને પહોંચી ગયો સૈનિક

ચીને પોતાની સેનાના જવાનને મુક્ત કરવાની માગ કરી હતી. પીપલ્સ લિબરેશન આર્મીના જણાવ્યા મુજબ, આ સૈનિક અંધારું અને વિસ્તારની અણસમજને કારણે ભારતીય સરહદમાં પહોંચી ચૂક્યો હતો. આ માટે ચીને તેને જલદીમાં જલદી મુક્ત કરવાની માગ કરી હતી.

ચીનની સેનાએ કહ્યું હતું કે અમે આ બાબતે ભારતીય સેનાને જાણકારી આપીને તેમણે સૈનિકની શોધ કરવા મદદ કરવાની અપીલ કરી હતી. ભારતીય સેનાએ બે કલાક બાદ જણાવ્યું હતું કે સૈનિક તેમની પાસે છે અને તેઓ ઉચ્ચ અધિકારીઓ સાથે વાતચીત બાદ તેને મુક્ત કરવામાં આવશે.

ત્રણ મહિના પહેલાં પણ ચીનના એક સૈનિકને પરત કર્યો હતો

ભારતીય સેનાએ ત્રણ મહિના પહેલાં પણ લદાખમાં ચીનની સેનાના એક સૈનિકને ઝડપ્યો હતો. બંને દેશની સૈન્ય સ્તરની વાતચીત બાદ તેને ચુશૂલ-મોલ્ડો મીટિંગ પોઈન્ટ પર પરત કર્યો હતો. આ સૈનિક પણ ભટકીને લદાખના ચુમાર-ડેમચોક વિસ્તારમાં આવી ગયો હતો.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments