Monday, October 18, 2021
Homeઈશા દેઓલે પોતાના લગ્નની ઈમોશનલ મેમરી સંભળાવી કહ્યું- મારી વિદાય પછી ફોન...
Array

ઈશા દેઓલે પોતાના લગ્નની ઈમોશનલ મેમરી સંભળાવી કહ્યું- મારી વિદાય પછી ફોન કરી મમ્મી ખૂબ રડી હતી

ડ્રીમ ગર્લ હેમા માલિની તાજેતરમાં જ ‘ઈન્ડિયન આઈડલ 12’માં જોવા મળ્યા છે. તેમને ‘હેમા માલિની સ્પેશિયલ એપિસોડ’માં ગેસ્ટ તરીકે બોલાવવામાં આવ્યા હતા. આ એપિસોડમાં એક એવી મુમેન્ટ આવી કે ડ્રીમ ગર્લના આંખમાંથી આસું વહેવા લાગ્યા. તેનું કારણ હેમાની દીકરી ઈશા દેઓલે કરાવેલો સ્પેશિયલ રેકોર્ડેડ મેસેજ છે. આ મેસેજ એટલો ઈમોશનલ હતો કે હેમા માલિનીની આંખો ભીંજાઈ ગઈ.

વીડિયોમાં ઈશા હેમાને કહે છે કે, ‘જ્યારે મારા લગ્ન થઈ રહ્યા હતા અને મારે ઘર છોડીને જવાનું હતું તે ક્ષણ મારા માટે ખૂબ ભારે હતી. વિદાયની વેળા હતી મમ્મી એકદમ સ્ટ્રોન્ગ હતી, પરંતુ જ્યારે હું સાસરે ગઈ અને મમ્મીનો ફોન આવ્યો ત્યારે તે ધ્રુસકે ને ધ્રુસકે રડી રહી હતી. હું આજે જે પણ કંઈ છું તે માત્ર તમારા કારણે છું. હું તમારું સન્માન કરું છું. આઈ લવ યુ.’

ઈમોશનલ થયા હેમા માલિની

ઈશાનો મેસેજ જોઈ અશ્રુભરી આંખે હેમાએ કહ્યું કે, ઈશા અને અહાના બંને મારી લાડકવાયી દીકરી છે. તે હંમેશાં મારી સાથે છે. લગ્ન પછી એવું લાગે કે મારા માટે તે 2 દીકરા લેતી આવી છે. ભરત અને વૈભવ મારા જમાઈ નથી મારા દીકરાઓ છે. આ બધુ જ ધર્મજીને કારણે સંભવ બન્યું છે.

2014માં અહાનાના લગ્ન થયા હતા

લાઈમલાઈટ્સથી દૂર રહેતી અહાના દેઓલે 2014માં વૈભવ વોહરા સાથે લગ્ન કર્યા હતા, જે દિલ્હી બેઝ્ડ બિઝનેસમેન વિપિન વોહરાનો દીકરો છે. વૈભવ પોતે બિઝનેસમેન છે. 2015માં અહાના અને વૈભવના દીકરા ડેરિયનનો જન્મ થયો હતો.

2012માં ઈશાના લગ્ન થયા હતા

ધર્મેન્દ્ર અને હેમા માલિનીની મોટી દીકરી ઈશા દેઓલ 2 દીકરીની માતા છે. 2012માં બિઝનેસમેન ભરત તખ્તાની સાથે તેણે લગ્ન કર્યા છે. ઓક્ટોબર 2017માં તેણે રાધ્યા અને જૂન 2019માં મિરાયાને જન્મ આપ્યો હતો.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments