જેતલસર તરુણી હત્યા કેસ : સરકારે કેસ ફાસ્ટ ટ્રેકકોર્ટમાં ચલાવવા મંજૂરી આપી

મૃતક સૃષ્ટીની ફાઇલ તસવીર

ફાસ્ટટ્રેકમાં કેસ ચલાવવા સરકારની મંજૂરી

તેમને કહ્યું કે હાલ આ બનાવની તપાસ રાજકોટ જિલ્લા પોલીસ વડા બલરામ મીણાને સોંપી છે. હત્યા કેસ બાબતે તમારું શું કહેવું છે ? તેવા પ્રશ્નના સવાલમાં તેમણે કહ્યું કે, દીકરીને ન્યાય મળે તે માટે રાજ્ય સરકાર સ્પેશિયલ પીપી નીમશે. તેમાંજ આ કેસ ફાસ્ટટ્રેક કોર્ટમાં ચલાવવા સરકારે મંજૂરી પણ આપી દીધી છે. તે સિવાય ગઈકાલે જ ગાંધીનગર ખાતે રૂબરૂ મુખ્યમંત્રી અને ગૃહમંત્રીને આ ઘટનાથી વાકેફ કરવામાં આવ્યા હતા.

દીકરીની તસવીર હાથમાં રાખી માતા રડી પડ્યા.

દર 15 દિવસે ગાંધીનગરમાં કેસનું થશે મોનિટરિંગ

કેબીનેટ મંત્રી જયેશ રાદડિયાએ કહ્યું કે આ કેસમાં કોઈ કચાશ ન રહી જાય તે માટે ગાંધીનગર ખાતે ઉચ્ચ પોલીસ અધિકારીઓ દર 15 દિવસે મોનિટરિંગ કરી જરૂરી સૂચના-માર્ગદર્શન આપશે.

હત્યામાં પોતે એકલો જ હોવાનું આરોપીનું રટણ

જેતપુર પોલીસ સ્ટાફે આરોપી જયેશ પાસેથી વધુ વિગતો મેળવવા કવાયત આદરી છે. રિમાન્ડના બીજા દિવસે જયેશ બનાવમાં પોતે એકલો જ હોવાની કેસેટ વગાડતો હોવાનું પોલીસે જણાવ્યું હતું.

પરિવારને આર્થિક મદદ કરવા માટે મંત્રીએ તૈયારી બતાવી

મંત્રી રાદડિયાએ સૃષ્ટિના પરિવારને સાંત્વના આપી હતી. આ તકે તેમને પરિવારજનોને કહ્યું હતું કે આજે અને ભવિષ્યમાં ગમે ત્યારે કોઈ પણ આર્થિક સહયોગની જરૂર પડે તો સાદ પાડજો, તેઓ આ માટે તૈયાર રહેશે.