Monday, September 20, 2021
Homeતેલંગાણા રેપ : સંસદમાં જયા બચ્ચ બોલ્યા, દોષિતોનું જાહેરમાં 'લિંચિંગ' કરો
Array

તેલંગાણા રેપ : સંસદમાં જયા બચ્ચ બોલ્યા, દોષિતોનું જાહેરમાં ‘લિંચિંગ’ કરો

નવી દિલ્હી

હૈદરાબાદમાં મહિલા વેટરનરી તબીબ પર પાશવી બળાત્કાર બાદ તેની લાશને સળગાવનાની ઘટનાના ઘેરા પડઘા આજે સંસદમાં પણ પડ્યા. આ ઘટનાને રાજ્યસભાના બે સાંસદોએ કડક શબ્દોમાં વખોડી હતી. સમાજવાદી પાર્ટીના સાસંદ જયા બચ્ચને તો દોષિતોને ટોળાના હવાલે કરી દેવા જોઈએ તેવી સુચન કર્યું હતું. એઆઈએડીએમકના સાંસદ વિજિલા સત્યાનંદે દોષિતોને 31 ડિસેમ્બર સુધીમાં ફાંસી આપવાની માંગ કરી છે. 27 નવેમ્બરના તેલંગાણાના પાટનગર હૈદરાબાદમાં રાત્રે 9.35થી 10 વાગ્યાની વચ્ચે 27 વર્ષની મહિલા ડોક્ટર પર ચાર નરાધમોએ સામૂહિક બળાત્કાર કર્યો હતો અને તેની હત્યા કરી નાંખી હતી.

જયા બચ્ચનના ‘લિંચ્ડ’ શબ્દ પર અધ્યક્ષ ચોંક્યા

થોડી વાર પૂર્વે રાજ્યસભાના કેટલાક સાસંદોએ બર્બર ઘટના પર ચર્ચા માટે નોટિસ આપી હતી. ચર્ચા દરમિયાન એસપીના સાંસદ જયા બચ્ચ પોતાની ભાવના પર કાબૂ ના રાખી શક્યા અને ઉગ્ર ટિપ્પણી કરી હતી. તેમણે અધ્યક્ષ વેંકૈયા નાયડૂને સંબોધતા જણાવ્યું કે, ‘સર, આ પ્રકારની ઘટના કેટલાક દેશોમાં થાય છે, ત્યાં સામાન્ય પ્રજા જ ન્યાય કરે છે. મને ખ્યાલ છે કે મારું સુચન થોડું આકરું છે, હું સુચવું છું કે, આવા લોકોને ટોળાના હવાલે કરી દેવા જોઈએ અને તેમને લિંચ કરી દેવા જોઈએ.’ ગૃહના અધ્યક્ષ જયા બચ્ચનના સુચનથી અસહજ થયા હતા અને તેણે ‘લિંચ્ડ’ શબ્દ પર વાંધો વ્યક્ત કર્યો હતો.

એસપી સાંસદે અગાઉ પોતાનો મત રજૂ કરતા જણાવ્યું કે, ‘ખબર નહીં, આ પ્રકારની ઘટનાઓ પર ગૃહમાં કેટલી વખત ચર્ચા થઈ છે. અનેક વખત ચર્ચાઓ થતી રહે છે. હૈદરાબાદ, નિર્ભયા, કઠુઆ વગેરે પર ચર્ચા થઈ. મને લાગે છે કે સરકારને આ મુદ્દે સવાલ પૂછવો જોઈએ અને તેમણે તેનો સ્પષ્ટ જવાબ રજૂ કરવો જોઈએ.’ સરકારને પૂછવું જોઈએ કે શું કર્યું, તેમણે આ ઘટનાને કેવી રીતે ટેકલ કરી અને પીડિતાના પરિવારને કેટલો ન્યાય મળ્યો? આ ઘટના અંગે જયા બચ્ચને વધુ સવાલ કરતા પૂછ્યું કે, ‘જે સ્થળે રેપ થયો છે ત્યાં આગલા દિવસે પણ એક દુર્ઘટના ઘટી હતી. શું ત્યાંના સુરક્ષા અધિકારીને સવાલ ના કરવો જોઈએ કે વિસ્તારને સુરક્ષિત શા માટે ના રાખી શક્યા? આ લોકોને સમગ્ર દેશ સામે શરમમાં મૂકવા જોઈએ, આ લોકો પોતાની જવાબદારી નિભાવતા નથી.’

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments