નેપાળ એક એવી જગ્યા છે જે તેની પ્રાકૃતિક સુંદરતા અને મંદિરો માટે પ્રખ્યાત છે. અહીં ફરવા માટે ઘણી જગ્યાઓ છે જ્યાં દર વર્ષે લાખો પ્રવાસીઓ આવે છે. આ સ્થળની સુંદરતાનો આનંદ માણે છે. અહીં તમે પર્વતો અને જંગલોની શેર કરી શકો છો. અહીં હિંદુ અને બૌદ્ધ ધર્મના ઘણી પીઠો અને મંદિરો આવેલા છે. ત્યારે જો તમે ક્યારેક કાઠમંડુ જાઓ તો પશુપતિ નાથ મહાદેવ તો અવશ્ય જવાનું પરંતુ તે સિવાય પણ શ્રેષ્ઠ જગ્યાઓ છે જેના વિશે તમને જાણકારી આપીએ
કાઠમંડુમાં આવનારા લોકો ગાર્ડન ઓફ ડ્રિમ્સ જઇ શકે છે.તે કાઠમંડુનું એક પ્રખ્યાત પર્યટન સ્થળ છે. અહીં આવીને તમે ડ્રિપેશનથી મુક્તિ મેળવી શકો છો કારણ કે આ જગ્યા જ એટલી રમણીય અને શાંત છે કે તમે અહીં આવીને તાજગી અનુભવશો. તે વિશ્વના સૌથી આકર્ષક સ્થળોમાંનું એક છે. ડ્રીમ્સ ગાર્ડન ફિલ્ડ માર્શલ સર કૈસર શમશેર રાણા દ્વારા ડિઝાઇન કરવામાં આવ્યું હતું અને તેમાં સારી રીતે જાળવણી કરાયેલ લૉન, પેવેલિયન, મૂર્તિઓ, પેર્ગોલાસ અને બર્ડહાઉસનો સમાવેશ થાય છે. કાઠમંડુ આવતા પ્રવાસીઓ આ ગાર્ડનની મુલાકાત અવશ્ય લે છે.
પશુપતિનાથ મંદિર
નેપાળના સૌથી પ્રસિદ્ધ અને પ્રાચીન મંદિરોમાંનું એક છે પશુપતિનાથ મંદિર. જે કાઠમંડુમાં આવેલુ છે. મંદિરની એક તરફ બાગમતી નદી વહે છે. આ હિન્દુ મંદિર ભગવાન શિવને સમર્પિત છે.
સ્વયંભુનાથ સ્તૂપ
કાઠમંડુ ખીણમાં એક ટેકરીની ટોચ પર સ્થિત આ સ્તૂપ એક પ્રવાસન સ્થળ છે. આ સ્થળ શહેરના શ્રેષ્ઠ આકર્ષણોમાંનું એક છે. આ સમગ્ર સંકુલ વિવિધ પ્રકારના વૃક્ષોથી ઘેરાયેલું છે.
બૌદ્ધનાથ સ્તૂપ
યુનેસ્કોની વર્લ્ડ હેરિટેજ સાઇટ અને વિશ્વના સૌથી મોટા સ્તૂપમાંનું એક કાઠમંડુમાં આવેલ બૌધનાથ સ્તૂપ છે. તે તિબેટથી કાઠમંડુ સુધીના પ્રાચીન વેપાર માર્ગ પર સ્થિત છે.
થમેલ
આ સિવાય તમે કાઠમંડુ નજીક બનેલા થમેલની મુલાકાત લઈ શકો છો. આ એક ફેમસ ડેસ્ટિનેશન છે, જ્યાં તમે તમારા મિત્રો સાથે મસ્તી કરવા જઈ શકો છો. થમેલ પાસે નેપાળના મુલાકાતીને જોઈતી દરેક વસ્તુ છે, પછી ભલે તે વોટરપ્રૂફ જેકેટ હોય, ઉત્તમ કોફી હોય કે નવું ટેટૂ હોય. જો કે તેને કેટલીકવાર પ્રવાસી નગર કહેવામાં આવે છે. ઘણા નેપાળીઓ થમેલમાં રહે છે અને કામ કરે છે, અને ત્યાં મંદિરો અને જૂની નેવારી ઇમારતો સહિત પરંપરાગત સંસ્કૃતિના ઘણા ભાગો છે. જો તમે ઇઝરાયેલી ફૂડ અથવા પિઝાની ઇચ્છા રાખો છો, તો તમને તે થામેલમાં પણ મળશે.
નગરકોટ
કાઠમંડુથી લગભગ 32 કિલોમીટર પૂર્વમાં 2185 મીટરની ઉંચાઈ પર આવેલું છે. નગરકોટ એક એવી જગ્યા છે જે તમને પહાડો અને કુદરતી સૌંદર્યના મનોહર દૃશ્યો આપે છે. કાઠમંડુ નજીક ફરવા માટેનું આ એક શ્રેષ્ઠ સ્થાન છે. ન ગરકોટથી શક્તિશાળી અન્નપૂર્ણા, મનસ્લુ, લેંગટાંગ, જુગલ, એવરેસ્ટ, નુમ્બુર, ગણેશ હિમલ અને રોલવાલિંગ પર્વતમાળાઓ સરળતાથી જોઈ શકાય છે. કાઠમંડુ આવતા મોટાભાગના પ્રવાસીઓ ચોક્કસપણે નગરકોટની મુલાકાત લે છે.
