Saturday, September 25, 2021
Homeતમારા લોહીમાં ઓક્સિજન વધારવા માટે શું ખાવું જોઈએ તે જાણો...
Array

તમારા લોહીમાં ઓક્સિજન વધારવા માટે શું ખાવું જોઈએ તે જાણો…

કોરોનાનાં આ સમયમાં બીમારીઓની સામે રોગ પ્રતિકારક ક્ષમતા વધારવાની સાથે લોકોને પોતાના લોહીમાં ઓક્સિજનનું પ્રમાણ જાળવી રાખવાની ચિંતા છે. તો સૌ પ્રથમ, જાણો કે, લોહી કેવી રીતે આપણા શરીરના વિવિધ ભાગોમાં ઓક્સિજન પહોંચાડે છે.

હિમોગ્લોબિન (Hb)એ આપણા લોહીના રેડ બ્લડ સેલ્સ (RBC)નું તે પ્રોટિન છે જે ફેફસાંમાંથી શરીરના અવયવોમાં ઓક્સિજન (O2) લઈ જાય છે અને ત્યાંથી કાર્બન ડાયોક્સાઈડ (CO2)ને પાછો લાવે છે. વિવિધ અવયવોના કોષોમાં આ ઓક્સિજન એનર્જી બનાવવાના કામમાં આવે છે. જો તમે તમારા શરીરમાં ઓક્સિજનનું લેવલ જાળવી રાખવા માગો છો તો એવો ખોરાક લેવો જોઈએ જે તમારા લોહીમાં હિમોગ્લોબિન વધારે. ડૉક્ટરોનો અભિપ્રયા છે કે, પુરુષો માટે લગભગ 13.5 ગ્રામ/ડીસી લીટર અને મહિલાઓમાં 12 ગ્રામ/ડીસી લીટર હિમોગ્લોબિન હોવું જરૂરી છે.

હાર્વર્ડ હેલ્થ અને અમેરિકાના ફૂડ એન્ડ ડ્રગ એડમિનિસ્ટ્રેશન અનુસાર, શરીરમાં હિમોગ્લોબિનની યોગ્ય માત્રા જાળવી રાખવા માટે કોપર, આયર્ન, વિટામિન A, વિટામિન B2 (રાઇબોફલેવિન), વિટામિન B3 (નિયાસિન), વિટામિન B5, વિટામિન B6, ફોલિક એસિડ અને વિટામિન B12 લેવું જરૂરી છે. આવી સ્થિતિમાં આ ન્યૂટ્રિઅન્ટ્સ હોવાથી આપણા લોહીમાં ઓક્સિજનનું સ્તર વધશે. ​​​​​​​

જાણો શું ખાવાથી આપણને આ બધા ન્યૂટ્રિઅન્ટ્સ મળશે…

લગભગ 90 ગ્રામ સીપ એટલે કે ઓએસ્ટરમાં આપણી રોજિંદી જરૂરિયાતના 245% કોપર હોય છે.

લગભગ 90 ગ્રામ કરચલા અથવા ટર્કીમાં આપણી રોજિંદી આવશ્યકતાના 30% કોપર મળી જાય છે.

ચોકલેટ, બટેટાં, તલ, કાજૂ, શિતકે મશરૂમમાં પુષ્કળ પ્રમાણમાં કોપર હોય છે.

લગભગ 30 ગ્રામ ચોકલેટ ખાવાથી કોપરની 45% સુધી જરૂરિયાત પૂરી થાય છે.

બકરી, બતક, ચિકન અને ઓએસ્ટરમાં એવા આયર્ન હોય છે જેને આપણું શરીર સરળતાથી શોષી લે છે.

લગભગ 180 ગ્રામ માંસમાં આપણી દૈનિક જરૂરિયાતનું 52% આયર્ન મળી જાય છે.

બીન્સ, ઘાટ્ટા લીલા કલરની પાંદડાવાળી શાકભાજી, કઠોળ અને વટાણા.

એક કપ દાળ આપણી આયર્નની જરૂરિયાતને 100% પૂરી કરે છે.

વિટામિન A આયર્ન જેવું જ છે. તે ઓર્ગન મીટ (લિવર) અને ઈંડામાં ભરપૂર પ્રમાણમાં મળે છે.

લગભગ 90 ગ્રામ માંસથી આપણી દૈનિક જરૂરિયાતનું 444% વિટામિન A મળી જાય છે.

શક્કરિયા, ગાજર, દૂધ, કેરી અને પાલકમાં બીટા કેરોટીન તરીકે વિટામિન A હોય છે.

વેનિલા આઈસ્ક્રીમમાં પણ વિટામિન Aનો સોર્સ છે.

અડધો કપ ગાજર આપણી દરરોજની જરૂરિયાતના 184% વિટામિન A આપે છે.

90 ગ્રામ ચિકન અથવા ટર્કીથી આપણી દૈનિક જરૂરિયાતના 50% વિટામિન B3 મળી જાય છે.

તે લગભગ એક કપ ચોખા દ્વારા પણ 12-26% સુધી જરૂરિયાત પૂરી કરી શકાય છે.

શેકેલા બટેટાં, રોસ્ટેડ સૂર્યમુખી અને દૂધીના બી, શેકેલી મગફળીમાંથી 8%થી લઈને 26% સુધી નાયસિન મળી જાય છે.

ઈંડા, ઓર્ગન મીટ (કિડની અને લિવર) અને દૂધમાં ભરપૂર રાઇબોફલેવિન મળે છે.

90 ગ્રામ લીવરના મીટથી દરરોજની જરૂરિયાતના 223% રાઈબોફલેવિન મળી શકે છે.

ઓટ્સ, દહીં, દૂધ, બદામ, પરીન, બ્રેડ, છાલ સહિત સફરજન, બીન્સ, સૂર્યમુખીના બી અને ટામેટાંમાં પણ રાઈબોફલેવિન મળે છે.

આ વિટામિન માંસાહારમાં ભરપૂર પ્રમાણમાં મળે છે. જો કે, તે અનાજ, અખરોટ, બીજ અને બીજા શાકાહારમાં પણ મળે છે.

ઓર્ગન મીટ (લીવર), ચિકન, ટૂના માછલી, ઈંડા જેવા માંસાહારમાં વિટામિન B5 ભરપૂર પ્રમાણ હોય છે.

90 ગ્રામ ઓર્ગન મીટમાં આપણી દૈનિક જરૂરિયાતના 166% સુધી વિટામિન B5 મળી જાય છે.

મશરૂમ, સૂર્યમુખીના બી, બટેટા, મગફળી, એવોકાડો, બ્રોકલી, બ્રાઉન રાઈસ, ઓટ્સ, પનીર વગેરેમાં 8%થી લઈને 52% સુધી જરૂરી વિટામિન B5 હોય છે.

વિટામિન B6 અને B9 ઓર્ગન મીટ (લીવર), ચિકન, ટૂના માછલી સિવાય કેળા, પાલક, એવોકાડો, બ્રસેલ્સ સ્પ્રાઉટ્સ વગેરેમાંથી મળી શકે છે.

સામાન્ય રીતે શાકાહારમાં વિટામિન B12 નથી હોતું.

જો કે, ખાસ પ્રકારના મશરૂમ જેમ કે બ્લેક ટ્રમ્પેટ મશરૂમ, ગોલ્ડ શાનટરેલ મશરૂમમાં પણ B12 હોય છે.

સમુદ્રી શાકભાજી ગ્રીન લાવેર અને પર્પલ લાવેરમાં ભરપૂર પ્રમાણમાં B12 હોય છે.

શરીરમાં ઓક્સિજનની પર્યાપ્ત માત્રા જાળવી રાખવા માટે જરૂરી ન્યૂટ્રિઅન્ટ્સનું પ્રમાણ

ન્યૂટ્રિઅન્ટ પ્રતિ દિવસ પ્રમાણ
કોપર 2 મિલિગ્રામ
આયર્ન 18 મિલિગ્રામ
વિટામિન A 5000 ઈન્ટરનેશનલ યુનિટ્સ
વિટામિન B2 રાઈબોફલેવિન 1.7 મિલિગ્રામ
વિટામિન B3 નિયાસિન 20 મિલિગ્રામ
વિટામિન B5 10 મિલિગ્રામ
વિટામિન B6 2 મિલિગ્રામ
વિટામિન B9 ફોલિક એસિડ 400 માઈક્રોગ્રામ
વિટામિન B12 6 માઈક્રોગ્રામ
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments