રાજીનામું : નવજોત સિંહ સિદ્ધુનું મંત્રીપદેથી રાજીનામું, એક મહિના પહેલાં રાહુલને પત્ર લખ્યો હતો

નેશનલ ડેસ્કઃ પંજાબના મંત્રી નવજોત સિંહ સિદ્ધૂએ પોતાના પદ પરથી રાજીનામું આપી દીધું છે. નવજોત સિંહે પોતાનું રાજીનામું કોંગ્રેસ અધ્યક્ષને મોકલ્યું છે. તેઓએ ટ્વીટ કરી રવિવારે આ અંગેની માહિતી આપી છે. જો કે નવજોત સિંહે પોતાનું રાજીનામું 10 જૂને જ આપી દીધું હતું પરંતુ તેનો ખુલાસો આજે કર્યો છે. સિદ્ધુએ રવિવારે એક ટ્વીટ કરી કહ્યું કે તેઓ પોતાનું રાજીનામું પંજાબના મુખ્યમંત્રીને મોકલી રહ્યાં છે.