Thursday, September 23, 2021
Homeનવદંપતીની પહેલ : કોરોના સંક્રમણ અટકાવવા વડોદરામાં યુવક-યુવતીએ રજિસ્ટર્ડ મેરેજ કર્યાં
Array

નવદંપતીની પહેલ : કોરોના સંક્રમણ અટકાવવા વડોદરામાં યુવક-યુવતીએ રજિસ્ટર્ડ મેરેજ કર્યાં

કોરોના મહામારીમાં સંક્રમણને અટકાવવા માટે સરકાર દ્વારા લગ્ન પ્રસંગમાં 50 મહેમાનોની મર્યાદા સાથે લગ્ન કરવાની મંજૂરી આપી છે. છતાં કેટલાક લોકો સરકારની ગાઇડલાઇનનો ભંગ કરે છે, ત્યારે વડોદરાના યુવક-યુવતીએ કોરોનાના સંક્રમણને અટકાવવા માટે સાદાઇથી લગ્ન કર્યાં હતા. આજે રજિસ્ટર્ડ મેરેજ કરીને નવદંપતીએ લગ્ન પ્રસંગે મેળાવડો કરવાને બદલે બ્લડ ડોનેશન કેમ્પનું આયોજન કર્યું હતું જેમાં વરરાજાએ પણ બ્લડ ડોનેટ કર્યું હતું. અને લોકોને પ્રેરણા મળે તેવુ કાર્ય કર્યું હતું.

લગ્ન પ્રસંગે 50 લોકોએ રક્તદાન કર્યું
વડોદરા શહેર સહિત સમગ્ર દેશમાં કોરોના વાઈરસે તબાહી મચાવતા તેમણે લગ્નની ધામધૂમથી ઉજવણી કરવાના તમામ આયોજન રદ્દ થઇ રહ્યા છે અને જે લગ્ન થાય છે, તે 50 લોકોની હાજરીમાં કરવામાં આવી રહ્યા છે. વડોદરા શહેરના વિજયનગર વિસ્તારમાં રહેતા જયેશભાઇ નવીનચંદ્ર મિસ્ત્રીના કરીના સાથે નક્કી થયા હતા. જોકે, કોરોના મહામારીને પગલે તેઓએ સાદાઇથી લગ્ન કર્યાં હતા. જયેશ અને કરીનાએ આજે રજિસ્ટર્ડ મેરેજ કર્યાં હતા અને લગ્નમાં મહેમાનો પણ બોલાવ્યા નહોતા અને વિજયનગર ખાતે આવેલા મહાકાળી માતાના મંદિરે રક્તદાન શિબિરનું આયોજન કરવામાં આવ્યું હતું. બે કલાકની રક્તદાન શિબિરમાં 50 જેટલા લોકોએ રક્તદાન કર્યું હતું.

યુવાનો વેક્સિન લીધા પહેલા બ્લડ ડોનેટ કરી શકે તે હેતુ બ્લડ ડોનેશન કેમ્પ યોજ્યો
દેશભરમાં પહેલી મેથી 18થી વધુ વર્ષના લોકો વેક્સિન આપવાની શરૂઆત થવાની છે અને વેક્સિન લીધા બાદ યુવાનો બ્લડ ડોનેટ નહીં કરી શકે, તે હેતુથી વેક્સિન લીધા પહેલા યુવાનો બ્લડ ડોનેટ કરી શકે તે હેતુથી આજે લગ્ન પ્રસંગે બ્લડ ડોનેશન કેમ્પનું આયોજન કર્યું હતું. જેમાં યુવાનોએ ઉત્સાહભેર ભાગ લીધો હતો અને બ્લડ ડોનેટ કર્યું હતું.

લગ્નમાં મહેમાનોને બોલાવવાને બદલે બ્લડ ડોનેશન કેમ્પ કર્યો હતો
લગ્નમાં મહેમાનોને બોલાવવાને બદલે બ્લડ ડોનેશન કેમ્પ કર્યો હતો

લગ્ન જીવનના પહેલા દિવસે અમે આજે સામાજિક સેવાનું કામ કર્યું
વરરાજા જયેશ મિસ્ત્રીએ જણાવ્યું હતું કે, આજે આજે હનુમાન જયંતિએ કોર્ટમાં રજિસ્ટર્ડ મેરેજ કરીને લગ્નગ્રંથીથી જોડાયા છીએ. સરકારની ગાઇડલાઇનનું પાલન કરીને અમે આજે લગ્ન કર્યાં છે અને લગ્ન જીવનના પહેલા દિવસે અમે આજે સામાજિક સેવાનું કામ કર્યું છે. અમે આજે રક્તદાન શિબિરનું આયોજન કર્યું છે. આજે સમાજ નાજુક પરિસ્થિતિમાંથી પસાર થઇ રહ્યો છે. દરેક વ્યક્તિએ પોતાની નૈતિક જવાબદારી સમજીને જરૂરી કામ હોય તો જ ઘરની બહાર નીકળવુ જોઇએ અને સામાજિક મેળાવળા કરવા ન જોઇએ. બને એટલુ શાંતિથી ઘરમાં જ રહેવુ જોઇએ. જેથી સંક્રમણને ફેલાતુ આપણે અટકાવી શકીએ.

આજે રજિસ્ટર્ડ મેરેજ કરીને નવદંપતીએ લગ્ન પ્રસંગે મેળાવડો કરવાને બદલે બ્લડ ડોનેશન કેમ્પનું આયોજન કર્યું હતું
આજે રજિસ્ટર્ડ મેરેજ કરીને નવદંપતીએ લગ્ન પ્રસંગે મેળાવડો કરવાને બદલે બ્લડ ડોનેશન કેમ્પનું આયોજન કર્યું હતું

અમે સમાજને પ્રેરણા આપવા માગીએ છીએ
કન્યા કરીના મિસ્ત્રીએ જણાવ્યું હતું કે, અમે સમાજને પ્રેરણા આપવા માગીએ છીએ, જેના માટે અમે આજે લગ્નના દિવસે રક્તદાન શિબિરનું આયોજન કર્યું છે અને સાદાઇથી લગ્ન કર્યાં છે.

યુવાનો વેક્સિન લીધા પહેલા બ્લડ ડોનેટ કરી શકે તે હેતુ બ્લડ ડોનેશન કેમ્પ યોજ્યો હતો
યુવાનો વેક્સિન લીધા પહેલા બ્લડ ડોનેટ કરી શકે તે હેતુ બ્લડ ડોનેશન કેમ્પ યોજ્યો હતો

દંપતીને અભિનંદન અને શુભકામનાઓ પાઠવી
આ પ્રસંગે ઉપસ્થિત વડોદરા શહેર પ્રમુખ વિજય શાહે દંપતીને અભિનંદન અને શુભકામનાઓ પાઠવી તેમના આ કાર્યને બિરદાવ્યું હતું અને તેમણે જણાવ્યું હતું કે, આજના આ દિવસે હનુમાન જયંતી પણ હોવાથી જે રીતે હનુમાનજી સંજીવની જડીબુટ્ટી લાવ્યા હતા, તે પ્રમાણે તંત્ર સંજીવની રથ દ્વારા કોરોના સામે લડત ચલાવી રહ્યો છે અને આપણે સૌ ભેગા મળી કોરોના ને હરાવીશું.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments