Friday, August 6, 2021
Homeજમ્મુ-કાશ્મીર, હિમાચલ પ્રદેશમાં 5.0 તીવ્રતાનો ભૂકંપ, જાન-માલનું કોઈ નુકસાન નહીં
Array

જમ્મુ-કાશ્મીર, હિમાચલ પ્રદેશમાં 5.0 તીવ્રતાનો ભૂકંપ, જાન-માલનું કોઈ નુકસાન નહીં

નવી દિલ્હીઃ જમ્મુ-કાશ્મીર અને હિમાચલ પ્રદેશ (ચંબા) બોર્ડર પર ભૂકંપની ઝટકા અનુભવાયા હતા. રિક્ટેર સ્કેલ પર ભૂકંપની તીવ્રતા 5.0 નોંધાઈ હતી. પ્રાપ્ત માહિતી અનુસાર બપોરે 12.10 કલાકે ભૂકંપ અનુભવાયો હતો. જોકે, જાન-માલના નુકસાનના કોઈ સમાચાર નથી.

 

ડોડા ભદરવાહ, કિશ્તવાડ, ગંડોહ, ભલ્લેસા, થાથરીમાં ભૂકંપના ઝટકા અનુભવાયા હતા. સોમવારે પાકિસ્તાનમાં પણ ધરતીકંપ અનુભવાયો હતો. સવારે 11.41 કલાકે ઈસ્લામાબાદ અને તેની આજુબાજુના વિસ્તારોમાં ભૂકંપના ઝટકા અનુભવાયા હતા. પાકિસ્તાનના હવામાન વિભાગ અનુસાર રિક્ટર સ્કેલ પર તેની તીવ્રતા 5.0ની હતી.

ચંબામાં બે દિવસમાં ત્રીજી વખત આવ્યો ભૂકંપ
ચંબપા જિલ્લામાં છેલ્લા બે દિવસમાં ધરતીકંપની આ ત્રીજી ઘટના છે. ચંબા જિલ્લામાં રવિવારે ઓછી તીવ્રતાના ભૂકંપના ઝડકા અનુભવાયા હતા. રવિવારે આવેલા ભૂકંપની તીવ્રતા 3.4 હતી, જે સવારે 5.30 કલાકે અનુભવાયો હતો. ભૂકંપનો બીજો ઝટકો સવારે 9.04 કલાકે અનુભવાયો હતો.

ભૂકંપના ઝટકાનું કેન્દ્રબિંદુ જમ્મુ-કાશ્મીરની સરહદને અડીને આવેલા ચંબામાં હતું. હવામાન ખાતા અનુસાર હિમાલયની પ્લેટ ફરીથી સક્રિય થઈ હોવી જોઈએ. જેના કારણે ભારત અને પાકિસ્તાનમાં ભૂકંપના ઝટકા અનુભવાયા હતા.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments