POK માં સર્જિકલ સ્ટ્રાઈક બાદ ગુજરાતની તમામ બોર્ડર હાઈએલર્ટ, DGPએ બેઠક બોલાવી

0
20

અમદાવાદઃ કાશ્મીરના પુલવામા હુમલા પછી ભારતીય વાયુસેનાએ પાકિસ્તાન અધિકૃત કાશ્મીરમાં 1000 કિલો બોમ્બ સાથે હુમલો કર્યો છે. આ સાથે ભારતે બીજી સર્જિકલ સ્ટ્રાઈક થઈ છે. આ હુમલા બાદ ગુજરાત સહિતની તમામ બોર્ડર હાઈએલર્ટ કરવામાં આવી છે. કચ્છ અને જામનગરના વાયુસેનાનો તમામ સ્ટાફ શસ્ત્રો સાથે સ્ટેન્ડ ટુમાં છે. અન્ય રાજ્યોની બોર્ડર પર પણ એલર્ટ જાહેર કરાયું છે. આ સાથે જ આર્મીની ત્રણેય પાંખ તૈયાર રખાય છે.

POKમાં ભારતના હુમલાને પગલે આજે ગાંધીનગરમાં યોજાનારી ડીજીપી કોનફરન્સને રદ કરી દેવામાં આવી છે. આ સાથે ડીજીપીની ઉચ્ચ અધિકારીઓ સાથે બેઠક શરૂ થઈ છે. આ બેઠકમાં પાકિસ્તાન બોર્ડર અને દરિયાઈ વિસ્તારમાં સુરક્ષાને લઈ ચર્ચા કરવામાં આવી રહીં છે. પાકિસ્તાનની બોર્ડરને અડીને આવેલા વિસ્તારમાં તેમજ એરબેઝ પર સુરક્ષા અંગે ચર્ચા થઈ રહી છે.