અમદાવાદ : નવરાત્રી ના ચોથા દિવસે ખેલૈયાઓએ રમઝટ બોલાવી, ટ્રાફિકના નિયમોનું પાલન કરતી થીમ પર ખેલૈયાઓ રમ્યા ગરબા

0
0

અમદાવાદ શહેર માં ચોથા નોરતે ગરબા ખેલૈયાઓમાં ગજબ નો ઉત્સાહ જોવા મળ્યો હતો અને એસ જી હાઈવે  એસપી રિંગ રોડ તેમજ અન્ય પાર્ટી પ્લોટ ખાતે ગરબા ખેલકોનો મોટા પ્રમાણ માં ઘસારો જોવા મળ્યો હતો.  અમદાવાદ ના એસપી રિંગ રોડ સાઉથ બોપલમાં  એપલ વુડ્સ સામે આવેલ મેરી ગોલ્ડ ફાર્મ ખાતે ચોથા નોરતે જયકર  ભોજક દવારા ગરબા ના સૂરો રેલાવવામાં આવ્યા હતા અને ખેલીયાઓ મન મૂકી ગરબે ઝુમતા જોવા મળ્યા હતા.

 

 

આ ગરબા ખાતે ગુજરાતી ફિલ્મ ની હસ્તીઓ પણ ગરબા ખેલાકોનો ઉત્સાહ વધારતી જોવા મળી હતી ખાસ કરી અને લોકો વિવિધ સ્ટાઇલ માં ગરબા રમતા જોવા મળ્યા હતા તો બીજી તરફ વિવિધ ગ્રુપ દવારા વિવિધ જગ્યા પર અવનવી થીમ સાથે ગરબા ની પ્રસ્તુતિ કરવામાં આવી રહી છે ત્યારે રંગ રસિયા ગ્રુપ દવારા ખાસ કરીને ટ્રાફિકના નિયમોનું પાલન કરવાની સ્ટાઇલ પર ગરબા રમવામાં આવ્યા હતા.

 

 

જેમાં યુવતીઓ સિસોટી અને હાથમાં લાકડી વડે ટ્રાફિકના નિયમો નું પાલન કરવા પર ભાર મૂકી તેનું પાલન કરવા માટે સંદેશો આપતા ગરબા રમતા જોવા મળી હતી તો બીજી તરફ ગરબા ખેલાકોમાં યુવાઓ પણ હેલ્મેટ સ્ટાઇલ પર ગરબા માં ઝુમતા નજરે જોવા મળ્યા હતા.

 

 

નવલી નવરાત્રી હોય અને ત્યાં બાળકો પણ ક્યાંય પાછા પડતા નજરે જોવા નથી મળી રહ્યા નાની બાળાઓ પણ પૂર્ણ રીતે સજી ધજી પૂર્ણ ઉત્સાહ અને એનર્જી  સાથે ગરબા રમતા જોવા મળી રહી હતી ભારે ભરખમ વિવિધ ભાત ભરેલ ચણીયા ચોળી હોય અને ગરબા રમતા રમતા લોકોને ટ્રાફિકના નિયમ નું પાલન કરવાના ઉત્તમ સંદેશ સાથે ખેલૈયાઓ મન મૂકી ગરબા રમ્યા હતા.

 

તો બીજી તરફ ગરબા રમવાની ક્ષણ ને યાદગીરી રૂપે રાખવા માટે યુવા ધન કે સહુ કોઈ સેલ્ફી લેતા નજરે પડી રહ્યા હતા. ભાઈ ભાઈ અને સનેડો જેવા ગીતો પાર લોકો મોડે સુધી ગરબાના તાલે ઝૂમ્યા હતા અને ગરબા નો આનંદ માણતા દેખાતા હતા. ધીરે ધીરે નવરાત્રી તેના અંત તરફ આગળ વધી રહી છે તેમ તેમ ગરબા ના ખેલૈયાઓ માં અનેરો ઉત્સાહ જોવા મળી રહ્યો છે અને લોકો મન મૂકી ગરબે ઝુમતા જોવા મળી રહ્યા છે.

LEAVE A REPLY

Please enter your comment!
Please enter your name here