Tuesday, September 21, 2021
Homeલોકસભા : રેપની ઘટનાઓ પર સ્મૃતિ ઇરાનીએ કહ્યું, આ પ્રકારના ગુનાઓ પર...
Array

લોકસભા : રેપની ઘટનાઓ પર સ્મૃતિ ઇરાનીએ કહ્યું, આ પ્રકારના ગુનાઓ પર રાજનીતિ ન થવી જોઇએ

હૈદરાબાદમાં મહિલા ડૉક્ટરના બળાત્કાર બાદ તેને સળગાવી દેનાર આરોપીઓને પોલીસ અથડામણમાં ઠાર મારવામાં આવ્યા. લોકસભામાં પણ શુક્રવારે હૈદરાબાદ એનકાઉન્ટરનો મુદ્દો ઉઠાવાયો, જેના પર જોરદાર હંગામો થયો. કેન્દ્રીય મંત્રી સ્મૃતિ ઇરાની આ મુદ્દામાં ધર્મને વચ્ચે લાવવા પર વિપક્ષની પાર્ટીઓ પર વરસ્યા. તેઓએ કહ્યું કે મહિલા સન્માનના વિષયમાં સાંપ્રદાયિક એેંગલ જોડવો ખોટુ છે.

  • મહિલા સુરક્ષા પર લોકસભામાં હંગામો થયો
  • કોંગ્રેસે કેન્દ્ર સરકાર પર નિશાન સાધ્યું
  • બળાત્કારની ઘટનાઓ પર ન થાય રાજનીતિ : સ્મૃતિ ઇરાની

સ્મૃતિ ઇરાનીએ લોકસભામાં કહ્યું કે આજે બંગાળના એક સાંસદ અહીં મંદિરનું નામ લઇ રહ્યા હતા અને તેઓ હૈદરાબાદ-ઉન્નાવની ઘટના વિશે બોલી રહ્યા હતા. પરંતુ અંતે માલદામાં શું થયું તેના પર કેમ ચુપ બેઠા છે.

સ્મૃતિ ઇરાનીએ માલદાનું નામ લીધુ તો લોકસભામાં હંગામો શરૂ થઇ ગયો અને TMC તરફથી સવાલ કરાયો કે શું થયું જણાવો? ત્યારે સ્મૃતિ ઇરાનીએ જવાબ આપ્યો કે, જો નથી જાણતા, તો જઇને બંગાળનું ન્યૂઝ પેપર વાંચો.

કેન્દ્રીય મંત્રી સ્મૃતિ ઇરાની બોલ્યા કે, માલદાના રેપને રાજનૈતિક હથિયાર તરીકે ઉપયોગ કરાયો. શું એ સત્ય નથી કે આ ગૃહે ગંભીર ગૂનાના મામલામાં મોતની સજાનો કાયદો બનાવ્યો. સ્મૃતિ ઇરાનીએ કહ્યું કે આ પ્રકારના ગૂનાઓ પર રાજનીતિ ન થવી જોઇએ. કેન્દ્ર સરકાર તરફથી મહિલા સંરક્ષણ માટે રાજ્ય સરકારોને પૈસા આપવામાં આવ્યા છે.

નોંધનીય છે કે, કોંગ્રેસ નેતા અધીર રંજન ચૌધરીએ શુક્રવારે લોકસભામાં મહિલાઓ વિરુદ્ધ ગૂનાનો મુદ્દો ઉઠાવ્યો. આ દરમિયાન તેઓએ હૈદરાબાદ એન્કાઉન્ટર, ઉન્નાવની ઘટનાનો ઉલ્લેખ કર્યો. તેઓએ ઉત્તર પ્રદેશની સરકાર પર નિશાન સાધ્યું અને કહ્યું કે ઉન્નાવની પીડિયા 95 ટકા સળગી ગઇ છે. દેશમાં આ શું થઇ રહ્યું છે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments