ઉતરાયણ : કાપ્યો છે અને લપેટની કિકિયારીઓ સાથે સુરતમાં પતંગરસિયાઓએ મચાવી ધમાલ

0
17

સુરતઃગુજરાતની ઓળખ સમા ઉતરાયણ પર્વને ઉજવતા સુરતીઓમાં અનેરો ઉત્સાહ અને થનગનાટ જોવા મળી રહ્યો છે. સવારથી જ સુરતીઓ મકાનની છત પર પહોંચી જઈને આકાશને રંગબેરંગી પતંગોથી રંગી નાખ્યું હતું. સુરતીઓના ઉત્સાહને બેવડતા પવનદેવે પણ પોતાની ગતિ જાળવી રાખી હોવાથી પતંગરસિયાઓને સવારથી મોજ પડી ગઈ છે. હળવી ઠંડીની વચ્ચે યોગ્ય પવનથી આકાશી યુધ્ધ ચડેલા યુવા હૈયાઓ આનંદ અને ઉલ્લાસ સાથે મકરસંક્રાતિ પર્વની ઉજવણી કરી રહ્યાં છે.

ડીજેના તાલે ઝુમ્યા

પતંગ ચગાવવા મકાનની છત પર પહોંચી ગયેલા યુવા હૈયાઓએ વહેલી સવારથી જ ડીજેના તાલે નાચવા લાગ્યાં હતાં. બોલીવૂડ અને ગુજરાતી ફિલ્મોના ગીતો સાથે નાચતાં જોવા મળ્યાં હતાં. પતંગ કપાતા જ લપેટ અને કાપ્યો છેની ચીચીયારી જોવા મળી રહી હતી. ઉડી ઉડી જાય..ગીત આ વખતે ઉતરાયણમાં પતંગ રસિયાઓનું ફેવરીટ ગીત બની ગયું હોય તેમ દરેક મકાનની છત પરથી જોવા મળી રહ્યું હતું.

મુંબઈથી પતંગ રસિકો આવ્યાં

સુરતની ઉતરાયણ અલગ હોવાનું કહેતા નેહા નામની યુવતીએ જણાવ્યું હતું કે તેઓ દરવર્ષે ઉતરાયણના તહેવારની ઉજવણી સુરતમાં જ કરે છે. મુંબઈથી ફ્રેન્ડ સર્કલ સાથે એક દિવસ અગાઉ જ સુરત આવી જાય અને પછી પતંગની મજા સુરતમાં માણે છે.

છત પર જ દિવસભરની વ્યવસ્થા

સુરતીઓએ ઉતરાયણને ઉજજવા દિવસ ભરના ખાવા પીવાની વ્યવસ્થા છત પર જ કરી રાખી છે. બપોરના ઉંધીયાથી લઈને તલ ગોળના લાડુ અને ચીકી સાથે સુરતીઓએ છત પર ધામા નાખ્યા હોય તેમ તમામ વ્યવસ્થા છત પર જ કરી રાખ્યાનું જોવા મળી રહ્યું છે.

LEAVE A REPLY

Please enter your comment!
Please enter your name here