Wednesday, September 29, 2021
Homeવ્યાપારબિઝનેસમાં નવા ઓર્ડર અને રોજગારીમાં નિરુત્સાહીના કારણે પીએમઆઇ ગ્રોથ નબળો

બિઝનેસમાં નવા ઓર્ડર અને રોજગારીમાં નિરુત્સાહીના કારણે પીએમઆઇ ગ્રોથ નબળો

દેશમાં મેન્યુફેક્ચરિંગ સેક્ટરની કામગીરીમાં પ્રોત્સાહજનક કામગીરી જોવા મળી છે પરંતુ હજુ સર્વિસ સેક્ટરની કામગીરી અત્યંત ધીમી રહી છે. કોરોના મહામારી બાદ મોટા ભાગના તમામ સેક્ટરમાં પુન: રિકવરી જોવા મળી છે પરંતુ હજુ બિઝનેસમાં નવા ઓર્ડર અને રોજગારીમાં નિરુત્સાહીના કારણે સર્વિસ સેક્ટરનો પીએમઆઇ ગ્રોથ નબળો રહ્યો હોવાનું અહેવાલમાં દર્શાવાયું છે.

ઇન્ડિયા સર્વિસિસ બિઝનેસ એક્ટિવિટી ઇન્ડેક્સ જૂનમાં 41.2 થી વધીને જુલાઈમાં 45.4 થયો હતો, પરંતુ કોવિડ -19 કટોકટી વચ્ચે માંગમાં ઘટાડો થવાને કારણે હજુ રેડ ઝોનમાં જ રહ્યો છે. પરચેઝિંગ મેનેજર્સ ઈન્ડેક્સ (PMI)ની વ્યાખ્યામાં 50થી ઉપરનો અર્થ વિસ્તરણ દર્શાવે છે જ્યારે 50થી નીચેનો આંક સંકોચન દર્શાવે છે.

કોવિડ -19 વાતાવરણ ભારતીય અર્થવ્યવસ્થા માટે ખૂબ જ મહત્ત્વના સેવા ક્ષેત્રના પ્રદર્શન પર ભાર મૂકવાનું ચાલુ રાખ્યું છે.આવનારા સમયમાં નવા બિઝનેસ અને આઉટપુટમાં વૃદ્ધિ જોવા મળશે તેવો નિર્દેશ IHS માર્કિટના અર્થશાસ્ત્રી પોલીન ડી લિમાએ જણાવ્યું હતું.

વધતા ફુગાવાથી RBI વ્યાજદર યથાવત્ રાખશે
નિષ્ણાતો માને છે કે કોરોના વાઈરસ મહામારીની ત્રીજી લહેર અને રિટેલ ફુગાવો વધુ વધશે તેવા સંકેતો વચ્ચે રિઝર્વ બેન્ક આજથી શરૂ થયેલી મોનેટરી પોલિસી બેઠકમાં વ્યાજ દર યથાવત્ રાખશે તેવા સંકેતો છે. સાથે-સાથે નાણાકીય નીતિ પર કોઈ નિર્ણાયક પગલાં લેતા પહેલા વધુ સમય માટે વિકાસશીલ મેક્રોઈકોનોમિક પરિસ્થિતિને ધ્યાનમાં લેશે. આરબીઆઈની નાણાંકીય નીતિ સમિતિ (એમપીસી) ની ત્રણ દિવસની બેઠક 4-6 ઓગસ્ટના મળનારી છે.

નવી રોજગારીમાં સતત આઠમા મહિને ટ્રેન્ડ નેગેટિવ: નવા કામમાં સતત ઘટાડાને અનુરૂપ જુલાઈ દરમિયાન સર્વિસ સેક્ટરની રોજગારીમાં વધુ ઘટાડો થયો હતો. રોજગાર સતત આઠમા મહિના માટે નેગેટિવ રહ્યો છે, રોજગારીઓ પર ભાર મૂકતા અન્ય પરિબળ એકંદર દૃષ્ટિકોણ હતો કે આગામી 12 મહિના દરમિયાન વ્યવસાયિક પ્રવૃત્તિમાં ઘટાડો થશે. એક વર્ષમાં પ્રથમ વખત કંપનીઓ નિરાશાવાદી હતી.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments