Tuesday, September 21, 2021
Homeરાજકોટ : સોની બજારમાં આજથી 5 દિવસ સ્વયંભૂ લોકડાઉન
Array

રાજકોટ : સોની બજારમાં આજથી 5 દિવસ સ્વયંભૂ લોકડાઉન

રાજકોટ શહેર અને જિલ્લામાં સતત કોરોનાનું સંક્રમણ વધતું જાય છે. કોરોનાની આ બીજી ઘાતક લહેરમાં રોજ 700થી વધુ લોકો કોરોના પોઝિટિવ જાહેર થઇ રહ્યાં છે. કોરોના હાલ પીક પોઇન્ટ પર છે ત્યારે સરકાર નહીં પરંતુ લોકો અને વેપારીઓ સ્વયંભૂ લોકડાઉનમાં જોડાય રહ્યાં છે. કોરોના સંક્રમણ અટકાવવા આજથી સોની બજારના વેપારીઓએ 5 દિવસ માટે સ્વયંભૂ લોકડાઉન જાહેર કર્યું છે. આજે સોની બજારના તમામ વેપારીઓએ સજ્જડ બંધ પાળ્યો છે. તેમજ ઔદ્યોગિક એકમોએ પણ બે દિવસનું સ્વયંભૂ લોકડાઉન જાહેર કર્યુ છે.

અત્યાર સુધીમાં સોની બજારમાં 300થી વધુ વેપારીઓ કોરોના સંક્રમિત થયા
વિશ્વ વિખ્યાત રાજકોટની સોની બજાર દ્વારા આજથી સળંગ 5 દિવસ સ્વયંભૂ લોકડાઉન પાડવા નિર્ણય કર્યો છે. રાજકોટમાં કોરોનાનો પ્રથમ કેસ નોંધાયો ત્યારથી લઇ અત્યાર સુધીમાં સોનીબજાર, પેલેસ રોડના 300થી વધુ સોની વેપારીઓ સંક્રમિત થઇ ચુક્યા છે, જ્યારે નામી અનામી અનેક સોની વેપારીઓને કોરોના ભરખી ગયો છે. કોરોનાનો વધુ એક કાતિલ વેવ આવતા સોની મહાજનમાં ફફડાટ ફેલાય ગયો છે. સંક્રમણની આ ચેનલ તોડવા માટે આજથી 5 દિવસ એટલે કે સોમવાર સુધી સોની બજાર સ્વૈચ્છિક લોકડાઉન પાડશે તેવો નિર્ણય કરવામા આવ્યો છે.

શાપર-વેરાવળ, મેટોડા, આજી સહિતની GIDC બુધવાર અને ગુરુવાર બંધ રહેશે
કોરોના સામેના જંગમાં સરકારે તો લોકડાઉનનો નિર્ણય લેવાની ગંભીરતા લીધી નથી. જેના કારણે હવે જુદા જુદા વેપારી સંગઠનો કાતિલ વાયરસની સંક્રમણ ચેઇન તોડવા માટે સ્વૈચ્છિક લોકડાઉનની દિશામાં આગળ આવ્યા છે. શાપર-વેરાવળ, મેટોડા, આજી સહિતની જીઆઇડીસીએ બુધવાર અને ગુરુવાર એમ બે દિવસ સ્વૈચ્છિક લોકડાઉનનો નિર્ણય કર્યા બાદ દેશના પ્રથમ હરોળમાં ગણાતી રાજકોટની સોની બજારે પણ આજ થી સળંગ પાંચ દિવસ એટલે કે સોમવાર સુધી સ્વૈચ્છિક લોકડાઉનનો નિર્ણય કર્યો છે. તમામ શો-રૂમ અને બંગાળી કારીગરો જ્યા જોબવર્ક કરે છે એ દુકાનો બંધ રાખવા સોનીબજાર એસોસિએશને અનુરોધ કર્યો છે.

પરપ્રાંતીય લોકો ખાનગીમાં બસમાં વતન જવા રવાના
કોરોનાની બીજી લહેરમાં ઉદ્યોગો અને રોજગાર પર માઠી અસર પહોંચી રહી છે. આથી રાજકોટમાં ઔદ્યોગિક વિસ્તારમાં કામ કરતા શ્રમિકોએ ફરી વતનની વાટ પકડી છે. મોટી સંખ્યામાં પરપ્રાંતીય લોકો ગ્રીનલેન્ડ ચોકડીએ ખાનગી બસના સહારે વતન જવા માટે એકત્ર થયા છે. ભર તડકામાં શ્રમિકો પોતાના વતન જવા માટે ખાનગી બસની રાહ જોતા દ્રશ્યો જોવા મળ્યા હતા. રાજકોટ ઉદ્યોગ પર શ્રમિકોની સમસ્યા ઉભી થવાને કારણે ધંધા-રોજગાર પર માઠી અસર પડી હોવાના દ્રશ્યો જોવા મળી રહ્યાં છે.

અમુક કારખાના-ધંધા બંધ થતા શ્રમિકો પોતાના વતન જવા રવાના
મહાદેવ ટ્રાવેલ્સના રાહુલ પુરોહિતે જણાવ્યું હતું કે, હાલ શ્રમિકો લોકડાઉનની બીકે અને અમુક કારખાના-ધંધા બંધ થતા પોતાના વતન જવા રવાના થયા છે. અમુક શ્રમિકોના ઘરે પ્રસંગ છે તો અમુકને લોકડાઉનની બીક છે. હાલ કારખાનામાં શ્રમિકોનો સ્ટાફ વધી જતા તે લોકોએ સાચવવા ન પડે તેનું પણ એક કારણ છે. લોકડાઉનના ડરને કારણે શ્રમિકો વતન ભણી રહ્યાં છે. શ્રમિકોને કોઇ પરેશાની ન આવે તે માટે પોતાની વ્યવસ્થામાં વતન જઇ રહ્યાં છે. શ્રમિકો પોતાના વતન સુરક્ષિત રીતે પહોંચી જાય તેની વ્યવસ્થામાં અમે લોકો હાજર છીએ.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments