Thursday, October 28, 2021
Homeરાજકોટ : ઔદ્યોગિક એકમોમાં કામ કરતા શ્રમિકોને રસી આપવા વ્યવસ્થા કરવામાં...
Array

રાજકોટ : ઔદ્યોગિક એકમોમાં કામ કરતા શ્રમિકોને રસી આપવા વ્યવસ્થા કરવામાં આવી

કોરોનાનું સંક્રમણ વધતાની સાથે જ સરકાર દ્વારા વેક્સિનેશનની કામગીરી પુર ઝડપે વધારવા નિર્ણય કર્યો છે. સિનિયર સીટીઝન બાદ સરકારી કર્મચારીઓ અને 45 વર્ષથી વધુ ઉંમરના લોકોને પણ વેક્સિન આપવાની શરૂઆત કરવા નિર્ણય કરવામાં આવ્યો છે. આ સાથે રાજકોટ જિલ્લા કલેકટર દ્વારા જિલ્લામાં સંક્રમણ અટકાવવા અને વેક્સિનેશન વધારવા કામગીરી પુરજોશમાં ચલાવવામાં આવી રહી છે. રાજકોટ જિલ્લાના ઔદ્યોગિક એકમોમાં કામ કરતા શ્રમિકોને રસી આપવા વ્યવસ્થા કરવામાં આવી રહી છે.

રાજકોટ જિલ્લા કલેકટર રેમ્યા મોહન
રાજકોટ જિલ્લા કલેકટર રેમ્યા મોહન

રાજકોટ શહેર નજીક આવેલ શાપર-વેરાવળ ઈન્ડસ્ટ્રી, જેતપુર ડાઈંગ, મેટોડા જીઆઈડીસી, લોધીકા ઈન્ડસ્ટ્રીયલ એસો. સહિતના ઔદ્યોગીક વિસ્તારોમાં કારખાનાઓની નજીકમાં વસવાટ કરી રહેલા લાખો શ્રમિકોને કોરોના રસી આપવાની દરખાસ્ત રાજકોટ જિલ્લા કલેકટર દ્વારા કરવામાં આવી છે. આ દરખાસ્તમાં જુદાજુદા તમામ એસોસિએશનનો સહયોગ મેળવી ઔદ્યોગીક વિસ્તારમાં ખાસ કેમ્પ ઉભા કરી શ્રમિકો ઉપરાંત કારખાના માલિકોને પણ કોરોના રસી આપવાની ટૂંક સમયમાં શરુઆત કરવામાં આવશે જે માટે આગેવાનો સાથે ચર્ચા વિચારણા ચાલી રહી છે. આ સાથે રાજકોટ જિલ્લામાં બાંધકામ ક્ષેત્ર સાથે જોડાયેલ શ્રમિકોને પણ કોરોના રસીકરણ કરવા મુદે હાલ વિચારણા કરવામાં આવી રહી છે, જેમાં બિલ્ડર એસોસિએશનના સહયોગથી બાંધકામ સાઇટ પર કામ કરતા શ્રમિકોને પણ કોરોના રસી આપવાની શરુઆત કરવામાં આવશે.

શાકભાજીના 800થી વધુ ફેરિયાનું ટેસ્ટિંગ કરાશે
વકરતી મહામારીને રોકવા માટે મહાનગરપાલિકાએ શહેરમાં પ્રવેશતા મુસાફરોનું ટેસ્ટિંગ કરવા રેલવે સ્ટેશન, બસ સ્ટેશન, એરપોર્ટ સહિતના સ્થળોએ બુથ ઉભા કરવા કોરોના ટેસ્ટની કામગીરી શરૂ કરી છે. જ્યારે દરરોજ અનેક લોકો સાથે મુલાકાત થતી હોય તેમજ તેમનો સ્પર્શ થતો હોય તે પ્રકારના શાકભાજીના 800થી વધુ ફેરિયાઓમાં કોરોના સ્પ્રેડર શોધવા માટે ફરી વખત કવાયત હાથ ધરી છે. ગત સપ્ટેમ્બર માસમાં તમામ ફેરિયાઓને હેલ્થકાર્ડ આપી ચેકિંગ કરવામાં આવ્યું હતું. ત્યારબાદ મહામારી તળીયે જતા સમગ્ર કામગીરી બંધ કરી દેવાઇ હતી.

શાકભાજીના ફેરિયાઓનો કોરોના ટેસ્ટ કરી તમામને હેલ્થકાર્ડ આપવામાં આવશે
શાકભાજીના ફેરિયાઓનો કોરોના ટેસ્ટ કરી તમામને હેલ્થકાર્ડ આપવામાં આવશે

ટેસ્ટ કરી તમામને હેલ્થકાર્ડ આપવામાં આવશે
​​​​​​​
હાલ કોરોનાએ માથુ ઉંચકતા ફરી વખત સ્પ્રેડર શોધવાની કાર્યવાહી શરૂ કરવામાં આવી છે. સોમવારથી વોર્ડ વાઈઝ શાકભાજીના ફેરિયાઓનો કોરોના ટેસ્ટ કરી તમામને હેલ્થકાર્ડ આપવામાં આવશે. જ્યારે શાકમાર્કેટમાં બેસતા તમામ શાકભાજીના વેપારીઓનો સ્થળ ઉપર કોરોના ટેસ્ટ કરવામાં આવશે. તેવી જ રીતે અલગ અલગ સ્થળે અલગ અલગ વારે ભરાતી ગુજરીબજારોના પાથરણાવાળાઓનું ટેસ્ટિંગ કરી તેમને હેલ્થકાર્ડ આપવામાં આવશે.

પોઝીટવ આવેલા લોકોને હોમ આઇસોલેટ કરવાની કામગીરી શરુ કરવામાં આવી
પોઝીટવ આવેલા લોકોને હોમ આઇસોલેટ કરવાની કામગીરી શરુ કરવામાં આવી

એક અઠિવાડિયા સુધી ટેસ્ટની કામગીરી ચાલશે
​​​​​​​
સોમવારથી તમામ શાકભાજીના ફેરિયાઓનો કોરોના ટેસ્ટ કરવાની કામગીરી શરૂ કરાશે. જે એક સપ્તાહમાં પૂર્ણ કરવામાં આવશે. ત્યારબાદ જરૂરિયાત પડ્યે પ્રાઈવેટ કંપનીઓના ડિલિવરી બોયનું પણ કોરોના ટેસ્ટ કરી હેલ્થકાર્ડ આપવામાં આવશે. આ સાથે અનેક ઘરોમાં જઈને ફુડની ડિલિવરી કરતાં ઝોમેટો, સ્વીગી સહિતની કંપનીઓના ડિલિવરી બોયનું પણ આગામી દિવસોમાં હેલ્થ ચેકઅપ કરી તમામને હેલ્થકાર્ડ આપવામાં આવશે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments