રાજકોટ : 27 દિવસ બાદ માર્કેટિંગ યાર્ડ ફરી ખુલ્યું, ખેડૂતો, વેપારીઓ અને મજૂરોમાં ખુશીનો માહોલ

0
5

કોરોનાની બીજી ઘાતક લહેર શરૂ થતા સંક્રમણ થતું અટકાવવા માટે રાજકોટ સહિત સૌરાષ્ટ્રના મોટાભાગના તમામ માર્કેટિંગ યાર્ડ બંધ કરવામાં આવ્યા હતા. બાદમાં પરિસ્થિતિ કાબુમાં આવતા આજે 27 દિવસ બાદ રાજકોટ માર્કેટિંગ યાર્ડ ફરી શરૂ કરવામાં આવ્યું છે. આજથી ફરી માર્કેટિંગ યાર્ડ ધમધમતું થયું છે. માર્કેટ યાર્ડ શરૂ થતા ખેડૂતો, વેપારીઓ અને મજૂરોમાં ખુશીનો માહોલ જોવા મળી રહ્યો છે.

ઉનાળુ પાકની આવક શરૂ

રાજકોટ માર્કેટિંગ યાર્ડમાં આજથી અલગ અલગ જણસીની આવકો શરૂ કરવામાં આવી છે. યાર્ડમાં આજથી ઉનાળુ પાકની કપાસ, મગ, તલ, મગફળી એરંડાની સહિતની આવક શરૂ થવા પામી છે જે બાદ આવતીકાલ સવારથી તમામ જણસીની રાબેતા મુજબ હરરાજી શરૂ કરવામાં આવશે. છેલ્લા 27 દિવસથી રાજકોટ માર્કેટિંગ યાર્ડ બંધ હતું જે ખુલતાની સાથે મોટા પ્રમાણ માં માલની આવક શરૂ થવા પામી છે. લાંબા સમય બાદ યાર્ડ શરૂ થતાં ખેડૂતો , વેપારીઓ અને મજૂરોમાં ખુશીનો માહોલ જોવા મળી રહ્યો છે. ઉલ્લેખનીય છે કે વાવણીનો સમય નજીક આવી રહ્યો છે ત્યારે ખેડૂતોને સૌથી વધારે હાલમાં બિયારણ ખાતર લેવા માટે રોકડાની જરૂરિયાત હોય છે ત્યારે માર્કેટિંગ યાર્ડ શરૂ થતા ખેડૂતો માટે રાહતના સમાચાર કહી શકાય.

માર્કેટિંગ યાર્ડ શરૂ થતા ખેડૂતો માટે રાહતના સમાચાર
માર્કેટિંગ યાર્ડ શરૂ થતા ખેડૂતો માટે રાહતના સમાચાર

આજથી ગોંડલ માર્કેટિંગ યાર્ડ ફરી ધમધમતું થયું

સૌરાષ્ટ્રના અગ્રીમ ગણાતું ગોંડલ માર્કેટિંગ યાર્ડ પણ આજથી ફરી ધમધમતું થયું છે. આજે વિવિધ જણસીની આવક પણ જોવા મળી હતી.માર્ચ એન્ડ બાદ કોરોના સંક્રમણ વધતા ગોંડલ માર્કેટિંગ યાર્ડમાં સમયાંતરે જણસીની આવકો બંધ હતી, ત્યારે કોરોનાના કેસો માં ઘટાડો થતાની સાથે ખેડૂતોના ઉનાળુ પાકો તૈયાર હોઈ જે જરૂરિયાત ને ધ્યાને લેતા વિવિધ જણસીની આવક જોવા મળી હતી. જેમાં તલ, મગ, મગફળી, લસણ, મેથી જેવા વિવિધ માલની આવક ચાલુ કરાઈ છે.

વિવિધ જણસીની આવક જોવા મળી હતી
વિવિધ જણસીની આવક જોવા મળી હતી

યાર્ડના સત્તાધીશો કર્મચારીઓ ખુબ જ મહેનત કરી રહ્યા છે

આજે પડતર જણસી ઓની હરરાજી શરૂ કરાઇ છે. સાથે બાકી રહેતી ઘઉં અને ચણાની આવક ટૂંક સમયમાં શરૂ કરાશે. વધુમાં માર્કેટિંગ યાર્ડના ચેરમેન ગોપાલભાઈ શીંગાળાએ જણાવ્યું હતું કે અહીં સૌરાષ્ટ્ર ભરના ખેડૂતો પોતાનો માલ વેચવા આવે છે ને ગોંડલ માર્કેટિંગ યાર્ડ પર જે વિશ્વાસ છે તે વિશ્વાસને કાયમી જાળવી રાખવા યાર્ડના સત્તાધીશો તેમજ કર્મચારીઓ દિવસ-રાત એક કરીને મહેનત કરી રહ્યા છે.

આજથી ગોંડલ માર્કેટિંગ યાર્ડ ફરી ધમધમતું થયું
આજથી ગોંડલ માર્કેટિંગ યાર્ડ ફરી ધમધમતું થયું

LEAVE A REPLY

Please enter your comment!
Please enter your name here