Home ગુજરાત રાજકોટ : પોલીસ અને મનપાની ટીમ શહેરના રૈયા રોડ પર શાકમાર્કેટમાં પહોંચી...

રાજકોટ : પોલીસ અને મનપાની ટીમ શહેરના રૈયા રોડ પર શાકમાર્કેટમાં પહોંચી હતી અને વેક્સિન અંગે સમજ આપી

0
7

કોરોના સંક્રમણને ફેલાતો અટકાવવા માટે અત્યાર સુધી કાયદાનો દંડો ઉગામી દંડ વસૂલી લોકોને નિયમનું પાલન કરાવતી પોલીસ હવે કોરોનાના સુપરસ્પ્રેડર શાકભાજી અને લારી ગલ્લાવાળાને સમજાવીને વેક્સિન અપાવવા નીકળ્યા છે. આજે પોલીસ અને મનપાની ટીમ શહેરના રૈયા રોડ પર શાકમાર્કેટમાં પહોંચી હતી અને વેક્સિન અંગે સમજ આપી રસીકરણ કેન્દ્ર સુધી પહોંચાડી રસી મૂકાવી હતી. પોલીસ અને મહાનગરપાલિકાની જોઇન્ટ એન્ફોર્સમેન્ટ ટીમ આજથી શહેરના જુદા-જુદા વિસ્તારમાં ફરી આવા સુપરસ્પ્રેડરને શોધી રસીકરણ કેન્દ્ર સુધી પહોંચાડી રહી છે. શહેરમાં આવા 5થી 6 હજાર સુપરસ્પ્રેડર હોવાનું સામે આવ્યું છે.

હજુ આપણે નિયમોનું ચૂસ્ત પાલન કરીએઃ પોલીસ કમિશનર
પોલીસ કમિશનર મનોજ અગ્રવાલે જણાવ્યું હતું કે, કોરોનાની બીજી લહેરનો અંત નજીક છે, સાથેસાથે નિષ્ણાતો ત્રીજી લહેર આવવાની દહેશત વર્તાવી રહ્યા છે ત્યારે ત્રીજી લહેરથી બચવા માટે લોકોએ ફરજિયાત માસ્ક, સોશિયલ ડિસ્ટન્સિંગનું પાલન અને સમયાંતરે સેનિટાઇઝરનો ઉપયોગ કરવા સહિતની તકેદારી રાખવી પડશે, ત્રીજી લહેર આવે તો પણ તેની અસર ઓછી થાય તે માટે લોકોએ વેક્સિન લેવી જ પડશે.

રસીકરણ કેન્દ્ર દૂર હોય તો પોલીસવાનમાં લઇ જવામાં આવે છે.

વેક્સિન કેન્દ્ર દૂર હોય તેમને પોલીસવાનમાં રસીકરણ કેન્દ્ર સુધી લઇ જવાય છે
શાકભાજી અને લારી ગલ્લાવાળાઓ પાસે લોકો મોટી સંખ્યામાં આવે છે અને આવા ધંધાર્થીઓ સુપરસ્પ્રેડર બને છે. સુપરસ્પ્રેડરનું વેક્સિનેશન થવું ખૂબ જ જરૂરી છે. જેને ધ્યાને લઇને આજથી પોલીસ અને મનપાની ટીમ શહેરના જુદા જુદા વિસ્તારોમાં ફરી શાકભાજી અને લારી ગલ્લાવાળાઓને મળીને તેમણે રસી નહિ લીધી હોય તો તેમને રસીનું મહત્વ સમજાવશે અને વેક્સિનેશન માટે તૈયાર કરશે અને વેક્સિન કેન્દ્ર તેનાથી દૂર હશે તો પોલીસવાનમાં આવી વ્યક્તિને રસીકરણ કેન્દ્ર સુધી લઇ જઇ એ વ્યક્તિને રસી અપાવશે.

NO COMMENTS

LEAVE A REPLY

Please enter your comment!
Please enter your name here

Powered by Live Score & Live Score App